Kebaktin Pekan Doa GBKP Wari Peenemken

KEBAKTIN PEKAN DOA GBKP
( I Perpulungen )
WARI VI, JUMAT 22 Mei 2026

I. PERSIKAPEN
• Nikapken kerina perlengkapen guna kebaktin dingen ngaturken simuat bagin i bas kebaktin
• Nuratken isi pertoton sapaat
• Mpelajari ende-enden i bas kebaktin

II. KEBAKTIN
KATA PENARUH
Kekelengen Tuhan, Ertoto eme dalanta jumpa ras Dibata guna mpeseh sura-sura, pengarapen pengataken bujur bagepe tanda tedeh ateta. Pekan Doa berngi si pe-enemken, ngajuk kita guna ertoto alu mengisngis, ertoto alu mengisngis la saja guna dirinta tapi pe guna kalak si deban. Arah kengasupenta notoken temanta kita nggo jadi keluarga bagi siniarapken sasaren pelayanen gerejanta tahun 2026-2030.

Mari sitaruhken Serayan Tuhan si ipakeNa i bas wari enda guna peseh sura-suraNa, ras kita ERTOTO.

Sibengketi kebaktin Pekan Doa berngi sipeenemken enda alu ngendeken:
KEE GBKP No. 395:1-2 (Perpulungen Tedis)
Sipujilah Tuhanta e, Dibatanta si erkuasa
La ersibar kuasaNa, LiasNa ‘nggo tetap
Reff : Marilah kita kerina, Sipuji Tuhan bas geluhta
Mbelin kekelengenNa banta k’rina, Segedang geluhta

Sipujilah Tuhanta e, Singerajaisa kerinana
Emaka kerajang jelma, Mehuli jadina Reff : …

VOTUM, SALAM ras Invocatio
L : I bas gelar Dibata Bapa sijadi inganta (ndu) guna nehken pertoton, i bas gelar Jesus Kristus singajari kita (kam) ertoto ras si bas gelar kesah si Badia, siertoto gunanta (ndu). Perkuah ate ras dame i bas Dibata Bapa, i bas Jesus Kristus nari ras i bas kerembaken kesah si Badia ras kita(kam) kerina gelah.Amin

P : Amin. Amin. Amin (iendeken)

L : Tapi ertoto arus tek, ula monce-once. Kalak si monce-once bali kap ras gelumbang i lawit si ibentuken angin ku jah ku jenda. (Jakub 1:6). Mari si puji Tuhan alu ras kita rende KEE GBKP No. 372:1-2
Pujilah Tuhan si Badia Puji perbahanenNa si mbisa
Embus suling, terompet, Cawir ban sorana
Puji Tuhan si Mada k’rina tinepa

Suraklah o doni kerina, Rende muliakenlah gelarNa
Bujur perbahanenNa, La pedas merawa
Puji Tuhanta ibas lias ateNa

(Perpulungen Kundul)

PENDILO GUNA ERNALEM MAN DIBATA
L : Kekelengen Tuhan, Dibata mereken diriNa jadi inganta nehken pertoton. IA setia jadi inganta ngampeken isi pusuh ukurta. Iangkana sora pusuh ukurta, ipulahiNa i bas kepiceten ras kebiaren nari dingen iteguNa pusuh ukur si kote kempak keriahen, e maka Marilah ernalem man baNa.

P : Rende KEE No. 202:1
Ernalem gelah man Jesus, Kula ukur tendingku
Endesken geluhndu baNa, Keleng ateNa bandu
Reff : Ernalem gelah! Tutus min gelah
O, Jesusku bahan aku, Ernalem gelah

L : Aminna pe erdalan aku arah kelbung sigelap, la aku mbiar jumpa cilaka sabab Kam kap ras aku O Tuhan, IkawaliNdu aku desken permakan engkawali biri-biri alu ciken ras kayan-kayanna (Msm. 23 : 4 )

P : KEE GBKP No. 202:1
Ernalem gelah man Jesus, Kula ukur tendingku
Endesken geluhndu baNa, Keleng ateNa bandu
Reff : Ernalem gelah! Tutus min gelah
O, Jesusku bahan aku, Ernalem gelah

L : Malem kal ate kalak sicilenggem man baNa, penanam-namamla uga belinna kiniulin Tuhan. O kam BangsaNa, ikutkenlah TUHAN, kalak si tutus ngikutkenca lalap la kekurangen (Msm. 34 : 9,10 ).

P : Rende KEE No. 201:1,3
Ernalem gelah man Jesus, Kula ukur tendingku
Endesken geluhndu baNa, Keleng ateNa bandu
Reff : Ernalem gelah! Tutus min gelah
O, Jesusku bahan aku, Ernalem gelah

Ola lupa ‘rtoto baNa, Ras kataken bujur pe
Mbue kapen pemereNa, Ola lupa kita e Reff : …

RENUNGEN (Ibenai ras idungi alu pertoton)
Renungen: Keluaren 32 : 11 – 14
Tema : Meseksek Mindo Man Tuhan

Pengakun Kiniteken (Perpulungen Tedis)

Persembahen (Perpulungen Kundul)

L : Kata Dibata si jadi palas persembahenta : “Pemere-pemerendu e jadi sada persembahen si merim man Dibata, persembahen si IalokenNa dingen si ngena ateNa. Dibatangku si simpar alu kebayaken si lit i bas Kristus Jesus mereken kerina keperlunndu” (Pil 4:18b-19).
Iherta ngendesken persembahenta renda kita i bas : KEE No. 302 : 1-
Nginget perkuah Dibata si mbelin, Si isehkenNa man banta k’rina kin
I bas kerina dampar kegeluhen, I doni si dem alu keguluten
Reff : Endeskenlah kulanta man Dibata, Kerinana si lit i bas geluhta
Selaku persembahenta si nggeluh,
Em persembahen si ngena ateNa

Sabab bage me arusna kita kin, Ersembah man Dibatanta si mejin
Si’ nggo m’reken man banta manusia, Keg’luhen si mehuli ras badia Reff : …

Marilah k’rina sipuji Dibata, Janah sipeteruk ka pe ukurta
Alu bage si dat sura-suraNa, Kai si mehuli ras ngena ateNa Reff : …

PERTOTON SAPAAT
PS. 1 : Kerna Tuan Rumah wari si sendah bagepe wari si pepagi (Ialoi perpulungen alu rende KEE GBKP No. 383)
Dengkehken Tuhan aku erlebuh, Nehken pingkoku baNdu Tuhan
Dengkehken Tuhan aku erlebuh, Nehken pingkoku baNdu Tuhan

PS. 2 : Kerna siturah bas perpulungen (Ialoi perpulungen alu rende KEE GBKP No. 383)
Dengkehken Tuhan aku erlebuh, Nehken pingkoku baNdu Tuhan
Dengkehken Tuhan aku erlebuh, Nehken pingkoku baNdu Tuhan

PS. 3 : Kerna Daerah PI :
- Klasis Sumbagsel : Perp. sikincau Runggun Bandar Lampung, Perp. Kota Bumi Runggun B.Baru Bandar Jaya, Pos PI Kaur Runggun Bengkulu, Pos PI Muaro Enim Runggun Palembang, Perp. Pemayungen Runggun Muaro Bungo, Perp. Patokan Runggun Muaro Bungo
- Klasis Lubuk Pakam : Perp. Rumah Liang; Rg. Tanjung Raja, Perp. Deleng Gerat ras Perp. Bah Buntu; Rg. Rumah Rih, Perp. Gunung Paribuan; Rg. KM 95 Gunung Meriah, Perp. Bah Kuningan; Rg. Lubuk Pakam, Perminggun Si bunga-bunga; Rg. Tiga Juhar
- Klasis Jakarta Banten : Pembentuken Perminggun Bumi Sepatan, Runggun Tangerang, klasis Jakarta Banten.
- Klasis Kabanjahe Sukarame : Rg. Bakerah Simacem, Rg. Kuta Great, Rg. Sirumbia, Rg. Nageri Kuta Suah
(Ialoi perpulungen alu rende KEE GBKP No. 383)
Dengkehken Tuhan aku erlebuh, Nehken pingkoku baNdu Tuhan
Dengkehken Tuhan aku erlebuh, Nehken pingkoku baNdu Tuhan

PERPADANEN MAN DIBATA Perpulungen Tedis
L : Dibata kap inganta ertoto, inganta erlebuh nuriken isi pusuhta

P : Erpadan aku o Tuhan, ku Kam me ngenca inganku nuriken isi pusuhku

L : Dibata ndilo kam jadi alatNa guna ertoto nandangi senina turang turangta i bas erbage-bage situasi geluhna

P : Erpadan aku Tuhan guna notoken senina turang, janah jadi pasupasu man kerina jelma.

L : Tetaplah ertoto, sabab sialoken kap kai siipindo kita man baNa arah pertotonta.

RENDE : KEE No. 21:1,4
O, Tuhan sierkuah ate, Man kami si perdosa e
Ipuji kami me GelarNdu, Perban liasNdu mbelin e
Dengkehken sora kami e, Begiken toton kami pe

Isehken kami bujur baNdu, O, Tuhan o, Dibatangku
Labo ateNdu kami bene, Tapina gelah terkelin.
Petetap ukur kami e, Aminna masap doni e

PERTOTON TUHAN

PEMASU-MASUN
L : Mulihlah alu dame ras mejuah-juah. Alokenlah pasu-pasu idur Dibata nari “Dibata si enggo ndilo kita (kam) ku bas kemulianNa si rasa lalap i bas Kristus, Ia me njadiken kita (kam) serta, tetap, megegeh dingen paguh. Ia me Si mada kuasa seh rasa lalap.” Amin.

P : Amin..... Amin..... Amin..... (iendeken)

AKSI : “Jadi malekat man teman”
- Masing masing sipulung nuratken gelarna i bas sada kertas (mehuli pengurus PJJ nikapken potongen kertas)
- Kenca masing-masing nuratken gelarna, Rende: “Rumah Doa” janah ibereken (iputar) kertas/gelarta ku sebelahta, bagem seterusna seh dung lagu.
- Lirik lagu “Rumah Doa”
Kubawa hidupku skarang
Ke tempat kudusMu Tuhan
Di mezbahMu kuserahkan Seluruh hidupku

Penuhi hati ku skarang
Dengan urapan yang baru
Agar aku lebih lagi
Mendengar suaraMu

Jadikan aku Tuhan
Rumah doaMu
Agar semua suku bangsa
Datang menyembahMu

- Kenca bage kertas/gelar siseh man banta eme sijadi mantotokenta selama sada bulan, labo man singetenken bahwa si “A” tah si “B” simatoton kenta.

Pdt. Iswan Ginting Manik, M.Th

HP/WA : 0812-7020-9020