Kebaktian Pekan Doa GBKP Wari Peduaken
KEBAKTIN PEKAN DOA GBKP
( I Perpulungen )
WARI II, SENIN 18 Mei 2026
I. PERSIKAPEN
• Ngaturken si ertugas ras perlengkapen guna kiniraturen kebaktin
• I bas liturgi pekan doa lit ije peran orang tua bage pe anak i bas ndalanken liturgi pekan doa. E maka marilah si usahaken lit hadir anak-anakta KAKR ras Permata.
• Kerna kundul ras tedis si aturken rikutken situasi inganta pulung.
II. KEBAKTIN
Kata Penaruh Ku Bas Kebaktin
Mejuah-juah man banta krina kekelengen Tuhan, i bas wari enda bengket kita ku bas kebaktin Pekan Doa wari si peduaken has perpulungen. I has wari enda si jadi tema man banta e me kap "Ertoto Man Tuhan". Tema enda ngingetken kita kerna hal si pentingna kal bas kegeluhen enda e me kap membangun hubungen pribadinta ras Tuhan sue ras fokus sasaran gerejanta e me kap membangun relasi.ras Tuhan. Salah sada cara guna metnbangun relasi ras Tuhan e me kap ertoto man Tuhan. Tole kari sibegiken. kerna kata Dibata si jadi palas has pengangkanta seh maka kits ertanggung jabab ndalanken kekelengen man turang seninata sabab kits keluarga i bas Kristus. Mari dage ersikap kits, ras kita ertoto....
Ertoto
Rerrde KEE GBKP No. 205:1-2 (Perp. Tedis/Ngendesken Perlengkapen Kebaktin)
Reh lah min o, Tuhan, sikap kami k'rina, Ersembah man baNdu jenda
Nusurlah min Tuhan, bahan sikap k'rina Ukur kami pebadia
O, Bapa b're gelah, daten pasu-pasu, Kami k'rina enda
Tuhan Dibatanta lit has rumah enda, Nembah kits k'rina baNa
Alu kehamaten mungkuklah man baNa, Kula, tendi pe kerina
Aloken KataNa ras pasu-pasuNa, UsekenNa banta
Votum-Salam
L : I bas gelar Dibata Bapa, i bas gelar AnakNa Jesus Kristus, ras i bas gelar Kesah Si Badia.
Penampat man banta (ndu) reh i bas Jahwe nari simereken kegeluhen man banta (ndu) sekalak-sekalak. Amin.
P : Amin...Amin... Amin... (iendeken)
Berita Kerna perbahanen ras sura-sura Dibata (Invocatio)
L "Lebuhlah Aku e maka kualoi kam. Kuturiken ateKu man bandu perkara-perkara si mbelin si la.terantusindu" (Jeremia 33:3). Erpalasken kata Dibata enda, si puji Ia alu ende-endenta KEE GBKP No. 332:1-2
Totonta begikenNa, Keleng ateNa kita
Ertoto isuruhNa, Em si ngena ateNa
Mbelin kal kuasaNa, Ras perkuah ateNa
Sipindo si erguna, Lah terpuji gelarNa
Ertoto Ngarapken Dibata (Mazmur 31) (Perp. Kundul)
L : Ku Kam kami cicio o TUHAN ula pelepas kami kemalun. Kam kap Dibata si bujur, mindo kami, maka ikeliniNdu kami.
P : Begiken min pertoton kami pedas min Kam reh mulahi kami. Jadi min Kam deleng batu ingan kami cicio, kubung kami si nteguh ingan kami terkawal.
L : Kam kap ingan cebuni dingen benteng kami, tegu-tegu dingen babai kami erkiteken gelarNdu. Mamre : Tegu-tegu kami maka ula kami kena siding itogeng kalak man kami.
Moria : Ampang-ampangi kami maka ula kami kena cilaka. '
Anak : Endesken kami geluh kami bas tanNdu, o TUHAN Kam kap si ngkelini kami. Kam kap Dibata si setia.
L : Pujilah TUHAN! Andiko belinna keleng ate si icidahkenNa.
L : Kam kap pengarapen kami o Tuhan, Kam kap Dibata kami.
Rende KEE. No. 493:1-3
Nehen aku o Tuhan, `Nggo keri kel gegehku
Perbeben ngerimrim aku, Sampat aku Tuhan
Tegu aku o Tuhan„ `Nggo ndauh aku sirang
Lanai ku 'teh jingkangku, Sampat aku Tuhan
Klengi aku o Tuhan, 'Nggo labuh kal tendingku
Kam ngenca pengapulku, Sampat aku Tuhan
Kinilangasupen nggeluh bagi si ngena ate Dibata
L : Nina Kata Dibata bas jesaya 55:6 "Daramilah TUHAN tupung banci denga jumpa ras Ia, ertotolah man BaNa, tupung la ndeher denga." Tapi rusuren denga kita la mereken waktuta guna ertoto man Tuhan.
P : Rende KEE GBKP No. 394:1
Tuhan Aletni aku, Alemi dosa ras kesalahenku
Bereken bangku pusuh si mbaru, Gelah metunggung i adepenNdu
L : Melala kel persoalen si reh nderpa kita bas kegeluhenta subuk erkiteken sakit pinakit, anak-anak lenga megiken ajar, lenga jumpa rejeki, rubat sirubat bas jabu, tuntuten dahin ras biaya kegeluhen ras si debanna. Tapi rusuren denga nge kita ertangkel sisada ngasangken mereken waktuta guna ertoto man Tuhan.
P : Rende KEE GBKP No. 394:2
Tuhan alemi aku, Sura-surangku rusur kuikutken
Ajari aku kerna p'ratenNdu, Petangkas kai arus kulakoken
P : Tuhan megati kami la reh ertoto man baNdu. Ipebelin kami rusur diri kami arah gegeh kami. Alemi kami.
L : Mari, dage si akuken dosvta arah ende-endenta KEE GBKP No. 355 (iendeken 3x)
Alemi aku, O Tuhan alemi
Ibas dosangku, alemilah Tuhan
Berita Pengalemi Dosa (Perp. Tedis)
Turang ras senina, kenca siakuken salah ras lepakta man Dibata, e maka selaku persuruhen Dibata, aku nehken kataNa man banta (bandu) kerina, nina Dibata: "kutamaken me undang-undangKu ku bas pusuhna, janah kusuratken me ku bas ukurna." Tole nina, "kulupaken me dosa-dosana ras perbahanenna si jahat." (Heb. 10:16b, 17). Meriah, kal ukurta erkiteken salah lepakta enggo ialemi Dibata. E maka sicidahken keriahen ukurta alu ngendeken
KEE GBKP No. 44:4,5
Ernalemlah man baNa, Man Dibata e!
Tadingken k'rina dosa, Ras ceda ate pe
IpersanNa me na, Keberatenndu e
Pedas isampatiNa, Ngangkat susahndu e
B're min ipesikapNa, Lagu langkahndu e
Kepentaren ukurNa, Njujurken k'rina e
Tondel kin nge ukurNa, Lako mulahi kam?
Je ipetangkaskenNa, GegehNa e ku kam
Kata Dibata
Kotbah : Lukas 6:12-16 (ibenaken ras idungi alu pertoton)
Tema : Ertoto Man Tuhan
Perpulungen Tedis
Pengakun Kinkeken (lbelasken Mamre, Moria, Permata ras Saitun)
Persembahen Pengataken Bujur (Perp. Kundul)
a. Kata Dibata Kerna Persembahen Pengataken Bujur
Ngataken bujur e me persembahen sipehagaken Aku janah sipatuh ngikutken Aku tentu Kukelini (Msm. 50:23)
b. Rende: KEE GBKP No. 289:1-
Lalap sikataken bujur, Beritaken kemulianna
Mbelin pemereNa banta, Puji gelarNa
Reff : Dibata kap cilinggementa, Malem ateta
Tuhan Dibata Penalementa, Penanam-nanam bas gelulita
Keleng ateNa kapen nusur, Lalaplah ngataken bujur
Ingetlah pedahNa rusur, Segedang umur Reff :
Adi seh sura-suranta, Labo e perban gegehta
Maka ula kita lupa, IA m'rekenca Reff :
Pertoton Persembahen ras Pertoton Safaat
Topik Doa Safaat
• Notoken perpulungen GBKP gelah mereken waktu guna ertoto man Tuhan
• Notoken Fokus pelayanen GBKP tahun 2026 kerna Relasi Dengan Tuhan
• Notoken daerah PI :
- Klasis Dairi : Daerah pengembangen PI i Sibagindar Rg Salak Pakpak Bharat, GBKP Perminggun Sigalingging Rg Sidikalang, GBKP Perpulungen Lau Lebah Rg. Rante Besi, GBKP Rg. Lau Petundal, GBKP Perp. Kuta Nangka Rg. Kempawa, GBKP Perp. Tanjung Jati Rg. Lau Sungsang, GBKP Perp. Kampung Jawa Rg Tanah Pinem, GBKP Perp. Lau Kersik Rg Bukit Karo, GBKP Perp. Sibira ras Perp. Tiga Baru Rg. Sumbul Pegagan, GBKP Perp. Pasir Mbelang Rg Pamah SimaIern, GBKP Perp. Pertumbungen Kuta Tengah Pengambaten Rg Kedeberek
- Klasis Pematang Siantar : Rencana Pembentuken Pos PI Batubara, Daerah Pengembangen PI i Teluk Panji - Rg. Cikampak, Perp. Kota Pinang - Rg. Cikampak, Perp. Pulu Raja - Rg. Aek Kanopan, Perp. Aek Sopang - Rg. Kisaran, Perp. Mandoge - Rg. Kisaran, Perp. Small Holder - Rg. Kisaran, Perp. Rawang - Rg. Kisaran, Perp. Dolok Sanggul - Rg. Balige, Perp. Pangururan - Rg. Jalan Nias.
- Klasis Berastagi : GBKP Lau Gedang
- Klasis Kabanjahe Tigapanah : Perminggun Tiga Runggu Rg Saribudolok, Perp. Semeluk Rg Saran Padang
Perpulungen Tedis
Perpadanen man Tuhan
L : Sangap kal kita erkiteken kerina sipulung enda enggo ipelimbarui i bas kiniteken maka nggit kita ngaturken waktu ertoto man Tuhan
P : Erpadan aku Tuhan nggeluh bagi si ngena ateNdu.
L : Tuhan Dibata mereken penampat man banta katawari paksa pe. E maka pindolah arah toto.
P : Kami erpadan Tuhan maka kami nggit ngaturken waktu ertoto man Tuhan.
L+P : Terpuji dingen mulialah gelarNdu o Tuhan pengasup anak-anakNdu nehken singena ateNdu.
L : Si peteguhi dage perpadanenta nian Dibata arah ngendeken KEE GBKP No. 75:1
Tetapkenlah ukurta, Ngikutken Jesus e
Sigelemlah pedahNa, Tutus ateta pe
Piher tendinta pe, Ban IA penalemen
Kesusahen i doni, Talu ibanNa pe
Pertoton Tuhan
Pengutusen ras Pemasu-masun Tuhan
L : Ertotolah man katawari paksa pe subuk sikap ras la sikap. Bas ndalani kegeluhen enda pindo gegeh man Tuhan arah totota. Ertotolah terus man Tuhan. Guna ndalanken si e, aloken dage pasu-pasu idur Dibata nari: "I pasu-pasu janah ikawali Dibata kam, siang ayo Dibata ersinalsal ibabondu, janah melias ateNa ngenehen kam.I tatap Dibata ku kam janah malem ateNdu ibahanNa." Amin
P : A...min...A...min...A...min...(iendeken)
0 Response to "Kebaktian Pekan Doa GBKP Wari Peduaken"
Post a Comment