Kebaktin Pekan Doa GBKP Wari Pemena
KEBAKTIN PEKAN DOA GBKP ( I PerpuIungen ) WARI I, MINGGU 17 Mei 2026
KEBAKTIN PEKAN DOA GBKP
I. PERSIKAPEN KEBAKTIN
- Nikapken kerina kepelun kebaktin
- Ngaturken si maba toto sapaat
II. KEBAKTIN
Kata penaruh ku bas kebaktin
Enggo pulung kita guria nerusken Pekan Doa-ta i bas perpulungen kenca telu wari kita ngelakoken Pra Pekan Doa i bas jabunta sekalak-sekalak. Pekan Doa-nta tahun enda ngangkat tema: Mindo Alu Mengisngis; siertina i bas kita mpenangkih pertotonta man Tuhan arus alu bulat ukur, kiniteken si megegeh, erpengarapen ku bas pertotonta, ras si debanna. Alu bage sigejapken maka ertoto e labo terjeng formalitas, rutinitas, rangkaian kata si metunggung ibegiken kalak si deban. Tapi toto e me kata si rehna i bas pusuh peraten sekalak anak sinuriken ukurna nandangi Bapana. Mari dage sibenaken kebaktinta enda alu pengarapen gelah Tuhan nemani dingen mpengasup kita ngelakokenca.
• Ertoto
Perpulungen Tedis
Reff : I bas senang ntah susah kecibal geluhta
Pujilah Tuhan, Kataken bujur alu bulat ukur
Meder udan ras baho, Petir gelap ras lenggur
Tumpat ukurku labo, Kukataken bujur
Reff :
P : Amin..Amin..Amin..(iendeken)
L : "Erkiniteken ertina tek nandangi kai si iarapken kita, tek kerna si la idah" (Heber 11:1).
Rende KEE GBKP No. 227:1,2
Katakenlah man pusuhku, Pepankenlah bas ukurku
IdemiNdu kegeluhenku, Tetapkenlah pengarapenku
Pegaralah kinitekenku, Alu Kesah ras KataNdu
Si ingetlah wari Tuhan, PedahNa e si pakeken
B'ritaken Kata Dibatanta, Man kirina bekas tinepaNa
Pegaralah kinitekenku, Alu Kesah ras KataNdu
Perpulungen Kundul
Kata Dibata Kerna Pertoton
L : Daramilah Tuhan tupung banci Tuhan jumpa ras la, ertotolah man baNa tupung Ia ndeher Tuhan.
P : O Tuhan, dengkehkenlah pemindonku, perdiatekenlah pertotonku, Kam kap Bapa ingankti ertoto-ertoto secara pribadi notoken kecibal kegeluhen
L : Erkiteken sie, ertotolah min perpulungen alu tutus i bas kerina keriahen bage pe kiniseran geluh, gelah adi reh galumbang kesusahen bage pe keriahen ukur la monce kinitekenna.
P : O Dibata, ertoto aku man baNdu sabap idengkehkenNdu aku, nulih Kam man bangku jenari idengkehkenNdu rananku.
Ertoto gelah tetap ngasup erpengendes man Tuhan
Rende KEE GBKP No. 176:1 (2x)
I bas toto kubelasken, Seh man baNdu Tuhanku
Ajar aku lah ngaloken, Si mehuli akapNdu
Pertotonku bagi Jesus, Sanga bas kinis'ranNa
Labo peratenku Bapa, PeratenNdu jadilah
Pengakun dosa kerna kinata ertoto
L : Mari dage sirenungken; engkai ndia maka mekatep kita lupa ertoto. La kita rusur ertoto, lit deba mekisat ertoto. Lit ka deba la ia tek nandangi pertotonna jine. Lit deba la pang ertoto, lit ka deba la biasa ertoto. Ras mbue tuhu kal alasen maka la kita ertoto.
P : .......... paksa teneng..............
L : Tole siakuken dosanta alu ngendeken KEE GBKP No. 362:1, 3
AlemiNdu aku bas dosangku, AlemiNdu aku bas lepakku
O Tuhan sasap min, O Jesus sasap min
Alemi dosangku
Ku janari 'kubaba geluhku, DengkehkenNdu min pingko-pingkoku
O Tuhan sasap min, O Jesus sasap min
Alemi dosangku
Perpulungen Tedis
Pengalemi dosa
L : Nina Dibata man kalak singakuken kesalahenna : "Mari, dahilah Aku maka kam Kukelini, o kam kerina bangsa i doni. Sabab Aku ngenca Dibata, la lit si debanna" (Jes. 45:22).
L+P : Rende KEE GBKP No 269: 1,2
Enggo masap dosangku, K'rina perban dareh Jesus
Malem ate tendingku, K'rina perban dareh Jesus
Reff : O, dareh Tuhanku, Si 'ngklini tendingku
Badia geluhku, Krina perban dareh Jesus
Dame me kap pusuhku, K'rina perban dareh Jesus
Labo perban bujurku, K'rina perban dareh Jesus, Reff :
Perpulungen kundul
Kata Dibata (ibenai ras idungi alu pertoton)
Kotbah : Daniel 9:20-23
Tema : Ertoto Alu Mesisngis
Pengakun kinitekan (Perpulungen Tedis)
Persembahan (Perpulungen Kundul)
a. Kata Dibata si jadi palas persembahen. Lit kalak melumbar mere tapi tambah-tambah kebayakenna kemusilenna, lit kalak pelit tapi tambah-tambah kemusilenna. Melumbarlah mere maka kam reh bayakna ( Kuan-kuanen 11:24-25b )
b. Rende : KEE No 420:1-
Asa gegeh ras kengasupen tambah-tambah kebayakenn, kami nehken persembahen
Eridesken kami baNdu Tuhan, Aiu dem keriahen.
Reff : Ajari kami ngergaken, talenta ras kiniliten.
Arah ukur ras perbahanen, Tuhan ipermuliaken
Simpar tuhu kami aloken, Pasu-pasuNdu O Tuhan
KelengNdu i gejapken kami, Kam kap si negu kami Reff :
Arak-arak tetap o Tuhan, Kegeluhen anakNdu e
Gelah ngasup tetap Tuhan, Makeken si tading e Reff :
c. Ertoto kerna persembahen ras Pertoton sapaat
Topik Doa sapaat:
• Kerina ngawan Perpulungen GBKP tetap ertoto man Dibata guna nuriken kerina kecibal kegeluhenna. • Kerina serayan Tuhan ras perpulungen gelah radu megegeh i bas nrIalani kepeluhen
• Daerah PI
- Klasis Lau Baleng :. GBKP Runggun Kuta Gamber Liren, GBKP Perpulungen Gunung Pamah, GBKP Runggun Lau Njuhar, GBKP Perminggun Lau Peske, GBKP Runggun Paya Mbelang, GBKP Runggun Sp. 3 Lau Garut, GBKP Runggun Bukit Makmur, GBKP Runggun Tingkat 3, Pos PI Pintu Angin Sukadame, GBKP Perpulungen Lau Meciho, GBKP Runggun Tanjung Sari Km. 10.
- Klasis Riau Sumbar : GBKP Perpulungen Sei Pagar Rg. Pekanbaru, GBKP Perpuluggen TasikSerai Rg Kandis
- Klasis Kabanjahe : GBKP perpulungen Gung Pinto Rg Naman, GBKP Perpulungen Dalan Jahe Rg Kutarayat
- Klasis Sinabun : GBKP perpulungen Rih Tengah Rg Ujung Deleng, GBKP Perp. Liang Merdeka Rg. Tanjung Merahe, GBKP Perp. Mburidi Rg. Kuta Male, GBKP Perp. Buah Raya, GBKP Runggun Jinabun, GBKP Rg. Kuta Galuh, GBKP Rg. Kutabuluh Gugung.
• Siturah bas perpulungen
Perpuiungen tedis
Tekad guna ndalani geluh tetap erpalas ku bas pertoton
L : Selaku anak-anak Dibata; tetaplah pegegehi banta alu kiniteken dingen pertoton man.Tuhan. Ertotolah kita alu penanipat dingen pengajari Kesah si Badia. Bahanlah maka pertotonta e njagai geluhta gelah tetap-renibak ras Dibata
P : Kucidahken kiniteken ras kerembaken.geluhku man'Tuhan arak pertotonku. Tuhan mpersingeti aku gelah tetap ertoto, tek nandangi pertoton, njadiken pertoton jadi palas i bas ndalani kegeluhen. Tek kal aku maka Dibata megiken pertotonku.
L+P Tuhan, begikenlah.pertoton kami ,Amin;
Rende: KEE GBKP No. 381:1,3
Sura-sura Jesus bangku, Ersinalsal tetap
Nggeluh bujur ras mehuli, Si ngena atena
Reff: Ersinalsal terang, Em sinisuraken Jesus
Ersinalsal teraqg, Ku tetap ersinalsal
Kupindo Jesus nampati, Njaga pusnhku e
Gelah ngasup ersinalSal, Ngikutken Tuhan e Reff :
Pertoton Tuhan
Pemasu-masun
L Laweslah ku kegeluhenndu si teptep wari, cidahkenlah ulih pertotonndu man doni arah kegeluhen si teptep wari. Cidahken maka kalak si ertoto alu mengisngis, megegeh i bas ndalani kerina kecibal kegeluhen, guna jadi gegehndu, alokenlah pasu-pasu i bas Dibata nari:
Lias ate Tuhan Jesus Kristus, kekelengen Dibata Bapa ras kerembaken Kesah Si Badia ras kita (kam) kerina gelah, amin.
P : Amin...amin...amin (iendeken)
0 Response to "Kebaktin Pekan Doa GBKP Wari Pemena"
Post a Comment