Kebaktian GBKP Minggu 22 September 2019

Kebaktian GBKP KM 8 - Minggu, 22 September 2019

( XIV KENCA TRINITATIS / PERDAMEN )

BAHAN KHOTBAH :
Invocatio : Jesaya 32 : 17

17. Erkiteken kerina kalak ngelakoken si bujur e maka lit kedamen ras ketenengen seh rasa lalap.

Ogen : Masmur 85 : 10 – 14 ( Tunggal )

10. Tuhu, Dibata si mulia ringan denga i negerinta,
enggo ersikap ngkelini kalak si tutus.
11. Keleng ate jumpa ras ketutusen,
dame sidakepen ras keadilen.
12. Kesetian manusia nangkih i doni nari,
kebujuren Dibata nusur i langit nari.
13. Ibereken Tuhan me kesangapen
sampur me asil jumanta.
14. Kebujuren erdalan arah lebe TUHAN,
nikapken dalan man baNa.

Khotbah : Matius 5 : 21 – 26 (Tunggal)

Kerna merawa
(Luk. 12:57-59)
21. “Enggo ietehndu maka nai ikataken man nini-nininta, ‘Ola munuh; kalak si munuh iadili.’
22. Tapi genduari Kukataken man bandu: Ise merawa nandangi seninana, iadili pagin, ise si ngisakken kalak, arus iadili i lebe-lebe Pengadilen Agama. Janah ise ngataken seninana: ‘O kemali!’, ia pagin itamaken ku api naraka.
23. Dage, adi asum atendu nehken persembahen man Dibata ingetndu maka sangkut ukur seninandu nandangi kam,
24. tadingkenlah lebe persembahenndu e jenari erdame ras ia. Kenca bage persembahkenlah persembahenndu e man Dibata.
25. Adi iaduken kalak kam janah ibabana ku pengadilen, erdamelah ras ia ope denga seh i pengadilen. Sabap adi enggo seh i pengadilen iendeskenna me kam man hakim, jenari iendesken hakim kam man polisi. Kenca bage itamaken polisi kam ku bas penjara.