Liturgi Pekan Kebaktin Keluarga Wari Peenemken Jumat 22 November
Liturgi Pekan Kebaktin Keluarga Wari Peenemken
Jumat, 22 November 2019
1. Persikapen
a. Ngaturken perdalinen kebaktin: P1-P4, kantung persembahen, lagu-lagu, bagin tekad ras pengutusen ras si debanna
b. Nehken puji-pujin man Tuhan:
Pt/Dk : Kai dahinndu kujenda, i bas wari sienda
P : Tedeh ateku, meriah ukurku
L : Man ise teman
P : Man Jesus e anak Dibat
Kerina : E payo teman rende ersurak janah ertepuk Puji Tuhan Dibatanta sinidas
Siaplah saudara kita semua berdoalah berjagalah
Siaplah saudara kita semua Tuhan Yesus mau datang
Maranata, haleluya, Yesus datang dari surga
Siap saudara berdoa selalu Tuhan Yesus mau datang
2. Kata Penaruh
Pujilah Dibata.....
Sibengketi kebaktin enda alu ersada kita i bas pertotonta:....
3. Rende KEE No. 310:1-2 ( Perp. Tedis )
Reff :
Pujilah min Dibata, puji gelarNa si Badia
I bas Kristus nggo si idah, Dibata jine si perkuah
Langit ras doni rendelah, mungkuk erjimpuh nembah lah
Pasu-pasuNa kap mbelin, keleng ateNa la erkerin Reff : ......
O doni k'rina suraklah, Tuhan Dibata pujilah
Rikut kulcapi ras gendang, Sampur meriah la teralang Reff :....
(ngendesken perlengkapen simaba kebaktin)
4. Votum, salam, invocatio
L : Kebaktin Pekan Keluarga GBKP wari/berngi si peenemken enda ibenaken i bas gelar Dibata Bapa si njadiken langit ras doni
P : Maka pusuhku e mpehaga Kam mbelin me Kam o Tuhanku
Maka Pusuhku e mpehaga Kam o Tuhanku mehaga Kam
(iendeken bagin KEE No. 263)
L : I bas gelar Jesus Kristus Anak Dibata si reh ku doni enda jadi si nai nari enggo inubuatken
P : Maka pusuhku e mpehaga Kam mbelin me Kam o Tuhanku
Maka Pusuhku e mpehaga Kam o Tuhanku mehaga Kam
(iendeken bagin KEE No. 263)
L : I bas gelar Kesah Si Badia si nemani geluh kalak sitek seh ku kedungen jaman
P : Maka pusuhku e mpehaga Kam mbelin me Kam o Tuhanku
Maka Pusuhku e mpehaga Kam o Tuhanku mehaga Kam
(iendeken bagin KEE No. 263)
L : Perkuah ate Tuhan Jesus Kristus, kekelengen Dlbata Bapa ras kerembaken Kesah Si Badla, ras kita (kam) kerina gelah. Amin
P : Amin...Amin...Amin.., (iendeken)
L : Lit sora erlebuh nina 'Pekena dalan Tuhan i bas taneh si mesawang, i bas gurun pasir, pesikap dalan man Dibatatanta' (Jes. 40:3)
Terpujilah Dibata si tetap ncidahken kuasaNa i bas doni enda emaka si sehken puji-pujinta man baNa arah KEE No 294:1-3
Kerina : Meriahkal ukurta reh kap Penampat5. Pendilo guna ersikap nimai kerehen Juruselamat
pesikaplah dalinNa i bas ukurta
Biak-biak keglapen tadingken k'rina
aloken kesangapen keleng ateNa
Reff :
Sialo-alo IA ralep-aleplah min kita
Pesikaplah inganNa bas ukurta
Diberu : Di lit simeluk eluk si pesikaplah
ukur si nggeduk nggeduk jadi pinterlah
Pesai-pesai dalanNa Raja Mulia
babailah kalak k'rina nembah man baNa,
Kerina: Sialo-alo lA ralep-aleplah min kita
Pesikaplah inganNa bas ukurta
Dilaki: Dibata kap Bapanta si nuruh IA
Nusur ku doni enda ndahi manusia
Robahlah dingen jera kita kerina
Dosanta iangkutNa terkelin kita
Kerina : Sialo-alo lA ralep-aleplah min kita
Pesikaplah inganNa bas ukurta
L : Dibata ngidah maka lanai lit kalak sibujur, manusia enggo itaban dosa, lanai ngasup mulahi dirina jine. Dibata meteh manusia siitepana kote tuhu-tuhu, emaka isuruhna AnakNa Sitonggal reh guna nebusi manusia. Enggo isikapken Dibata kai si la terukuri manusia
P : Ngendeken KEE Na. 53:1
Pesikap kam k'rajangku e, ban Tuhan Yesus reh
Melikas min ukurndu e, ban Tuhan Yesus reh
Pesikap k'rajangku kin o Tuhan, lah kita jumpa min
L : Kalak si ersikap nimai kerehen anak Dibata, ia banci lang arus nggeluh tuhu mehuli, nggit nimbak sura-sura dagingna, nadingken dosana
P : Ngendeken KEE No.53:2
Tadingken kam dosandu e, ban Tuhan Yesus reh
Nggo masap me salahndu e, ban Tuhan Yesus reh
Pesikap k'rajangku kin O Tuhan lah kita jumpa min
L : Dibata tetap mesikel nimai anakNa nggeluh jadi pasu-pasu, emaka idiloNa kita kerina gelah tuhu-tuhu ncidahken ras naksiken geluh si mehuli ras jadi pasu-pasu
P : Ngendeken KEE No. 53:4
Ukurku, peratenku pe, pemobar Tuhan min
Pehuli lagu langkah e, lah jumpa ras pagin
Pesikap k'rajangku kin, O Tuhan lah kita jumpa min
6. Ngoge kata Dibata si pemena : Matius 25:1-13 (Singoge: pegancihen simada jabu)
Perumpaman kerna sepuluh kalak singuda-ngudaL : Ketuahen kalak si megiken kata Dibata dingen simakekenca i bas geluhna haleluya
1. “I bas paksa e Kinirajan Surga bali ras sepuluh kalak singuda-nguda. Isaganina lampuna jenari lawes ia ngalo-ngalo kalak empo.
2. Ibas si sepuluh kalak e, lima kalak lenge, lima kalak pentar.
3. Si lenge ibabana lampuna tapi la ibabana minak persedian;
4. si pentar ibabana lampuna ras minak persedianna tare botol.
5. Perbahan melawen maka reh si empo e, munduk-unduk ia kerina jenari tunduh ia.
6. Tengah berngi terbegi sora erlebuh nina, ‘Enda si empo ndai! Alo-alolah ia!’
7. E maka keke singuda-nguda ndai kerina, ipesikapna lampuna.
8. Nina singuda-nguda si lenge man si pentar, ‘Man kami min sitik minakndu sabap nimpet atena lampu kami.’
9. Ngaloi singuda-nguda si pentar e, ‘Lanai kari bias minak kami adi man bandu deba, e maka ulin tukur minakndu ku kede.’
10. Asum ia lawes nukur minak reh si empo e. Singuda-nguda si enggo sikap nimaisa bengket ras si empo ku ingan si enggo isikapken guna kerja e, jenari pintun ieruk.
11. Kenca bage reh si nguda-nguda si lenge ndai, erlebuh ia, nina, ‘O tuan, tuan! Talangi min pintun enda gelah bengket kami.’
12. Ngaloi si empo e, ‘Tuhu-tuhu la kam kutandai.’ ”
13. Jenari nina Jesus, “Dage ersikap-sikaplah sabap la ietehndu warina ntah pe jamna Tuhan reh.”
P : Haleluya...Haleluya...Haleluya... (iendeken)
7. Pertoton sope kotbah ngendeken KEE No. 468:1-2
Tuhan demi aku salu kesahNdu, Tuhan demi aku salu KesahNdu
Pusuhku bagi tambe kubaba kupancurNdu
Tuhan demi aku salu KesahNdu
Tuhan demi aku salu kataNdu Tuhan demi aku salu KataNdu
Pusuhku bagi tambe kubaba kupancurNdu,
Tuhan demi aku salu KataNdu
8. Renungen : Miha 5:2-5a
Ipadanken Dibata sekalak raja i Betlehem nariTema : Jabu Singalo-ngalo Raja Kegeluhen
2. Nina TUHAN, “O Betlehem i Eprata, aminna i Juda kam kuta si kitikna, tapi i bas kam nari Kupekeke sekalak si ngerajai Israel, si asalna i bas adi-adi nari, i bas paksa si nuria nari.”
3. Dage itadingken TUHAN me bangsaNa seh paksa diberu si nandangi mupus e mupusken anakna. Kenca bage kerina senina-seninana si lit i bas pembuangen ersada mulihken ras bangsana jine.
4. Kenca ia reh, irajaina me rayatna alu gegeh si reh i bas TUHAN nari dingen alu kemulian TUHAN Dibata jine. Rayatna nggeluh alu senang erkite-kiteken kerina bangsa i doni enda ngergaken ia tuhu-tuhu,
5. janah ia maba dame.
9. Pertoton Kenca Kotbah rende KEE No. 469 (iulihi 3 x)
Tuhan kubegi KataNdu, Tuhan kualoken KataNdu
Haletuya, Haleluya Tuhan kupake KataNdu
10. Pengakun Kiniteken (Perp. Tedis)
11. Persembahen ( Perp. Kundul )
L : Ersikap kita maba persembahen man Dibata, Kata Dibata jadi palas kita nehken persembahen nina i bas Kuan-kuanen 8:21, "Man kalak si ngkelengi aku, kubereken kebayaken melala, rumahna kudemi alu erta-erta si meherga."
Tupung kita maba persembahen pengataken bujurta, sipuji Tuhan arah KEE No. 315:1-2
Simpar tuhu pemereNdu, jujurkenNdu kap man bangku12. Pertoton Persembahen ras syafaat
Ermengkah kal me ukurku, la `ku lupa lias ateNdu
Reff :
AlokenNdu o Tuhanku, persembahen anakNdu
Usekenlah pasu-pasu, peteguhi perpulungenNdu
Benih si isuan kami, e pe kap i bas Kam nari
KuasaNdu mahanca turah, KuasaNdu mahanca erbuah
Reff : ......
P1 : Notoken Persembahen (idungi alu kata: labo peratenku Bapa)
P : (Ngendeken bagin KEE No. 176)
Labo peratenku Bapa peratenNdu jadilah
P2 : Notoken Jabu ingan pulung sendah ras ingan pulung pagi (idungi alu kata: labo peratenku Bapa)
P : Ngendeken bagin KEE No. 176) Labo peratenku Bapa peratenNdu jadilah
P3 : Notoken kerina jabu kalak si ersikap ngaloken kerehen Raja kegeluhen (idungi alu kata: labo peratenku Bapa)
P : (Ngendeken bagin KEE No. 176)
Labo peratenku Bapa peratenNdu jadilah
P4 : Notoken siturah i bas perpulungen (idungi alu kata: labo peratenku Bapa)
P : (Ngendeken bagin KEE No. 176)
Labo peratenku Bapa peratenNdu jadilah
13. Tekad ras pengutusen (Perp. Tedis)
L : Jesus Raja kegeluhen, reh IA ku doni enda lako ngerajai geluhta emaka tetap ersikap nimai kerehenNa
P : Ersikap aku ras isi jabuku Tuhan gelah tangkas kuasaNdu arah geluh jabuku
L : Jesus penebusta, enggo keri alemiNa dosata, emaka tetaplah nggeluh i bas erbage kiniulin si ibereken Dibata nangdangi kita
P : Aku si...... (melasken gelarna) tetap njaga geluhku alu geluh simbaru gelah tupung reh IA, idapetiNa aku tetap tutus ras setia.
14. Rende KEE No. 374:1-2
Yesus ulu kegeluhenku Kam me ngenca pengendesenku15. Pertoton Tuhan
Lalap tedeh ate pusuhku ku pehaga Kam bas geluhku
Reff :
O Tuhan pernehen pusuhku siertedeh ate man baNdu
Ku gelem pedah ras padanNdu kusembah Kam i bas geluhku
Ku sembah Tuhan penebusku si mereken kekelengenNa
Alu tutus reh aku Tuhan ras kerina isi jabuku, Reff : ....
16. Pemasu-masun
L : Perpulungen si ikelengi Tuhan Jesus Kristus, ersikaplah ras isi jabundu guna nimai kerehen Rajanta e. IpengasupNa kita (kam) alu pasu-pasuNa emaka alokenlah pasu-pasu idur Dibata nari : Ipasu-pasu janah ikawali Dibata kita (kam), siang ayo Dibata ersinalsal i babonta (ndu) janah melias ateNa ngenehen kita (kam) itatap Dibata ku kita (kam) janah malem ateta (ndu) ibahanNa. Amin.
P : Amin...Amin...Amin... (iendeken)
DISKUSI:
Bas ngalo-ngalo Jesus subuk Natal entah kerehenNa mulihken, kai nge si man pekenan i bas pusuhta/geluhta gelah tupung perayan natal entah kerehenNa mulihken tuhu-tuhu kita sikap ras atan?
Pdt. Suenita br Sinulingga, M.Th.
Mohon Bantuan Subscribe dan Like Youtube Channel GBKP KM 8. Bujur
0 Response to "Liturgi Pekan Kebaktin Keluarga Wari Peenemken Jumat 22 November"
Post a Comment