Wari Peenemken Kebaktin Keluarga Jumat 20 November 2026


LITURGI RAS RENUNGEN PEKAN KEBAKTIN KELUARGA
WARI SI PEENEMKEN
Jumat, 20 Nopember 2026

PERSIKAPEN
1. Nikapken kerina alat-alat kebaktin
2. Mpepulung si man totonken bas doa safaat
3. Kerna perkundul dingen pertedis iaturken rikutken ingan pulung

KEBAKTIN

Kata Penaruh
Mejuah-juah i bas gelar Tuhanta Jesus Kristus.
Kekelengen Tuhan, sikataken bujur man Tuhan Dibata i bas keleng ateNa enggo mpersadaken kita pulung i bas Pekan Kebaktin Keluarga berngi si pe-enemken enda. Kiniersadanta berngi enda encidahken kuga belinna keleng ate Dibata si iberekenNa man banta. Keleng ateNa e kap si erbahanca kita banci sisampat-sampaten i bas ndalani kegeluhenta. Sebab kegeluhenta i doni enda labo banci si dalani adina la kin kita ersada lako si sampat-sampaten. Gelah reh teridahna kiniersadanta i bas nampati, mari dage si pesikap pusuhta alu radu ras kita ertoto ......

--- Perpulungen Tedis ---

Si puji Tuhan arah ende-endenta: KEE No. 345:1,2 "Nggo Kami Sikap"
Nggo kami sikap, ndengkeh kataNdu, Tuhan ng'ranalah
Nggo kami sikap, megi kataNdu, Tuhan ng'ranalah
Reff: Sehken kataNdu man kami min, arah kemahenNdu
         Sehken pedahNdu man kami min, arah kemahenNdu

Merincuh kami, ndengkeh kataNdu, Tuhan ng'ranalah
Man tendang kami bas kegeluhen, Tuhan ng'ranalah
Reff: Sehken kataNdu ......

Votum + Salam
L        I bas gelar Dibata Bapa si enggo nepa doni enda, i bas gelar Jesus Kristus engkelengi manusia, ras i bas gelar Kesah si Badia si ngarak-ngarak kegeluhen manusia. Perkuah ate i bas Dibata Bapa, i bas anakNa Jesus Kristus ras i bas gelar Kesah si Badia. Amin.
P        Amin, Amin, Amin (iendeken)

Berita Kerna Perbahanen Ras Sura-sura Dibata (Invocatio)
L        "Sisampat-sampatenlah kam i bas maba baban geluh enda. Alu bage isehkenNdu kap Undang-undang Kristus". (Gal. 6:2)
Si puji Tuhan arah ende-endenta: KEE GBKP No. 254:1,3
Reff: Isuruh Dibata sikeleng-kelengen,
         sisampat-sampaten asa kengasupen
         Mbue me kap tuhu, si man bahanenta,
         radu ras kerina kita ndahikensa
Palasta nampati em ate mekuah,
ngusih Tuhan Jesus, enggo kap nampati
Meriah ukurta adi teman pulah, masap kebiaren je dat ate jadi
Reff: Isuruh Dibata sikeleng-kelengen ......

Bas nampati teman la ngarapken balas,
pusuh peratenta aruslah meciho
Tuhan ersimulih ibereNa lampas, sangapen kap mere asang kita ngalo

Reff: Isuruh Dibata sikeleng-kelengen ......

--- Perpulungen Kundul --

Keleng Ate Dibata man Manusia (Bdk. Msm. 46)
L        Dibata kap kecion dingen gegehta, isampatiNa kita katawari paksa pe.
P        Terpujilah Tuhan, i bas erbage-bage keleng ateNa si isehkenNa man manusia.
L        Aminna pe deleng mundu-undu keleng ateNa la pernah erleka i bas kita nari.
P        Ipuji ras isembah kami Kam Tuhan, sabap keleng ateNdu engkawali kegeluhen kami.
L        Si puji Tuhan arah ende-endenta: KEE GBKP No. 177:1-2
Kekelengen ni Dibata, kekelengen Badia
Nusur kap ku doni enda, nemani manusia
Jesus Kam me si perkuah bengketi pusuh kami
AjariNdu kami gelah, 'lah gelarNdu terpuji

Usekenlah min kesahNdum sanga m'riah 'tah suhsah
Cidahken kekelengenNdu man gelemen kami lah
Jesus Kam arapen kami, kekelengenNdu tetap
Maka Kam lah teman kami, lalap seh rasa lalap

Kinilangasupen Manusia Nggeluh Sisampat-sampaten
L        Dibata nepa manusia gelah nggeluh ersada ras temanna manusia.
P        Ngaku kami Bapa, biak erbana-bana megati engkuasai kami seh maka la kami mperdiateken teman kami si deban. Alemi min kami o Tuhan ...
L        Dibata engkelengi manusia gelahna banci manusia sikeleng-kelengen sapih-sapih ia.
P        Ngaku kami Tuhan, ukur si ercian ate mabai kami lanai rukur terjeng diri kami ras jabu kami ngenca. Alemi kami o Tuhan ...
L        Siakuken tole kinilangsupenta arah ende-endenta: KEE GBKP No.394:1,4
Tuhan Alemi aku, Alemi dosa ras kesalahenku
Bereken bangku pusuh si mbaru
Gelah metunggung iadepenNdu

Tuhan alemi aku, Megati doni enda kupenalem
Meganjang rukur ras percimberu, Ula taktaki salah lepakku

Padan Dibata man Manusia                        Perpulungen Tedis
L        Kata Dibata si mpegegehi kalak si erkiniteken nggeluh i bas keleng ate, niNa: "Ketuahen kalak si perkuah ate dingen perkeleng; sabap ia me si ngaloken perkuah ate Dibata" (Mat. 5:7) Si puji Tuhan arah ende-endenta: KEE GBKP No. 402:1,3
Perban keleng ateNdu, tebusiNdu geluhku
Alu mambur darehNdu, Geluhku jadi mbaru
Reff: Asa ngasup gegehku, kuikutken kataNdu
         Jesus kam si perkuah, kupuji ras kusembah

Perban keleng ateNdu, jadikenNdu geluhku
Meherga ras erguna, Desken batu permata Reff: ...

--- Perpulungen Kundul ---

Kata Dibata
a. Ngoge Kata Dibata Bagin Si Pemena (Pengerana 4:9-12) iogeken simada jabu.
L        Ketuahen kalak si megiken Kata Dibata, dingen si makekenca i bas geluhna si teptep wari, Haleluya.

P        Haleluya, Haleluya, Haleluya (iendeken)
b. Kotbah (Heber 6:9-12)

Tema : ERGIAH-GIAH NAMPATI TEMAN

Pengakun Kiniteken                        (Perp. Tedis)

Persembahen                                    (Perp. Kundul)

L        Seh paksana kita ngataken bujur man Dibata arah persembahenta.Kata Dibata si jadi palas man banta e me kap: "Endeskenlah kulandu man Dibata saja selaku persembahen si nggeluh rikutken si ngena ateNa. Sabap bage me arusna kam ersembah man Dibata selaku mahkluk si rukur." (Rm. 12:1b)
Tupung kita ngendesken persembahen pengataken bujurta man Tuhan, ras kita rende arah ende-endenta: KEE GBKP No. 282:1,2
Kukataken bujur baNdu, O Kam Tuhan Penebus
Aku enggo s'lamatkenNdu, arah lias ateNdu
Reff: Keleng kal ateNdu aku, simpar kap ngaruhNdu bangku
         Lias ateNdu lanai terpilasi, kupuji Kam teptep wari

Tergejap pasu-pasuNdu, i bas kegeluhenku
Rejeki arah dalinku, icurcurkenNdu bangku
Reff: Keleng kal ateNdu aku ......

Pertoton Persembahen ras Sapaat
- Notoken perpulungen gelah tetap nggeluh i bas biak si sampat- sampaten
- Notoken perdalanen pelayanen Gereja
- Notoken si mada jabu
- Notoken siturah i bas perpulungen

10. Tekad Nggeluh Sisampat-sampaten            (Perp. Tedis)
L            Dibata nepa manusia alu erbage-bage gelah ngasup nggeluh saling melengkapi.
P            Erpadan kami Tuhan, namburi kekurangen teman kami gelah teridah kiniersadan si erpalasken keleng ateNdu.
Bapa      Erpadan pe kami Tuhan, selaku bapa ilakoken ras iajarken kami biak nampati kempak isi jabu kami.
Nande    Erpadan kami Tuhan, lako mperdiateken dingen nampati kegeluhen teman kami si deban.
Anak      Erpadan kami Tuhan, tetap nggeluh i bas biak sikeleng-kelengen dingen si sampat-sampaten.
L             Kalak si keleng ateNa Dibata, ikelengina pe temanna sapih-sapih manusia. E maka sipuji Tuhan arah ende-endenta: KEE GBKP No. 281:1,3
Kek'lengen Jesus kempak manusia, desken Dibata engkelengi Ia
KekelengenNa maler kap man banta, adi si pakelah pedahNa
Reff: Min sikeleng-kelengen kita k'rina,
         Bagi pedahken Jesus bas Pustaka
         Sabapna kai si pindo bas gelarNa
         Ib're Dibata man banta

Bas paksa kita nehken kekelengen
Ola min si ban ceda kempak teman
Erban mehuli ola rahan-ahan, 'lah kedamen jujurken Tuhan
Reff: Min sikeleng-kelengen ......

11. Pertoton Tuhan

12. Pemasu-masun

L        Nggeluhlah kam alu sisampat-sampaten. Ula nggeluh erbana-bana, tapi perdiatekenlah kalak si lit isekelewetndu. Guna jadi gegehndu, alokenlah pasu-pasu idur Dibata nari:
"Ipasu-pasu janah ikawali Dibata kita (kam), siang ayo Dibata ersinalsal ibabonta (ndu). Janah melias ate-Na ngenehen kita (kam). Itatap Dibata ku kita (kam), janah malem ateta (ndu) ibahan-Na. " Amin.
P        Amin, Amin, Amin (iendeken)

IV. DISKUSI
1. Turikenlah kai-kai saja keleng ate Dibata si enggo ituduhkenNa man bandu?
2. Turikenlah kai si arus ilakoken jabu kalak Kristen guna encidahken biak sisampat-sampaten? Bahanlah aksi jabu guna nampati jabu perpulungen si mberat baban geluhna.

Pdt. Dicky A. Bangun, M.Th.
HP/WA: 081263231231

0 Response to "Wari Peenemken Kebaktin Keluarga Jumat 20 November 2026"

Post a Comment

Iklan Atas Artikel

Iklan Tengah Artikel 1

Iklan Tengah Artikel 2

Iklan Bawah Artikel