Wari Pepituken Kebaktin Keluarga Sabtu 21 November 2026


LITURGI RAS RENUNGEN PEKAN KEBAKTIN KELUARGA
WARI SI PEPITUKEN
Sabtu, 21 Nopember 2026


PERSIKAPEN
- Serayan ras pengurus PJJ nikapken kerina keperlun kebaktin
- Kerna perkundul ras pertedis iaturken rikutken situasi ingan pulung
- Erlajar lagu-lagu

Pra Ibadah
"JanjiMu Sperti Fajar"
Ketika kuhadapi kehidupan ini, jalan mana yang harus kupilih
Kutahu kutak mampu, Kutahu kutak sanggup
Hanya Kau Tuhan tempat jawabanku

Akupun tahu kutak pernah sendiri, S'bab Engkau Allah yang menggendongku
TanganMu membelaiku, cintaMu memuaskanku
Kau mengangkatku ke tempat yang tinggi
Reff: JanjiMu s'perti fajar pagi hari, dan tiada pernah terlambat bersinar
         CintaMu s'perti sungai yang mengalir
         Dan kutahu betapa dalam KasihMu

KEBAKTIN
Kata Penaruh
Mejuah juah man banta kerina perpulungen ni Tuhan. Bergi enda bengket me kita ku bas pengujung Kebaktin Pekan Keluarga tahun 2026. I bas enem wari nggo kita erlajar kerna kearusen nggeluh keluarga Dibata si teridah arah perbahanen si encidahken biak nggit ertoto ras ersembah, sialem-alemen salah, encidahken kekelengen, nggit ngelai bage pe si sampat-sampaten. E maka i bas kebaktinta wari enda nu ate kita ibabai guna tetap ukur ndalanken kerina si enggo begiken kita sabab padan Dibata tetap lit man kerina jabu-jabu si tek man baNa. Mari dage si benai kebaktinta alu ras kita ertoto.
Rende KEE GBKP No. 325:1-2                            --- (Perp. Tedis) ---
Tuhan i tengah-tengahta, m'reken pasu-pasuNa        
Maler desken lau si mbelin, lanai lit si terulin
Reff: Useken lah min KesahNdu, temani geluh kami
         Gegeh kami plimbarui, k'rina jadi mehuli

Tuhan i tengah-tengahta, reh riahna ukurta
Reh tenengna pertendinta, reh damena pusuhta Reff: ...

Votum, Salam Ras Invocatio
L        I bas gelar Dibata Bapa, i bas gelar AnakNa Jesus Kristus, ras i bas
gelar Kesah Si Badia.
Penampat man banta (ndu) reh i bas Jahwe nari simereken kegeluhen man banta (ndu) sekalak-sekalak. Amin.
P        Amin ... Amin ... Amin ... (iendeken)
L        "Perpulungen e tutus megiken pengajaren i bas rasul-rasul nari. Nggeluh ia sikeleng-kelengen bagi ersenina. Ras-ras ia ncepik ncepik roti dingen ras-ras pe ia ertoto man Dibata. "(Per. 2:42).
Erpalasken kata Dibata enda, sipuji IA arah ende-endenta: KEE GBKP No.209:1-2
Perpulungen ersadalah, Ngikutken PedahNa
'Bas kiniteken tetaplah, Man Tuhan Dibata
Bas si mehuli ayaklah, Sisampat-sampaten
Bage kap pedah Dibata, Sikeleng-kelengen

Gereja Kristen sikaplah, Ersada paguhlah
Ersada ukur min i bas, Dibata Bapanta
Peturah kiniteken pe, Ras dame k'rinalah
Ras sikeleng-kelengenlah, Ngikutken Tuhanta

--- Perp.Kundul -- 

Pujin Kerna Perbahanen Dibata
L        Pujilah TUHAN! O tendingku, pujilah TUHAN.
P        Asa umur geluhku kupuji ateku TUHAN, ateku rende man Dibata asa dekahna aku nggeluh.
L        Ula kam ernalem man raja-raja, la lit manusia si ngasup engkelini kam.
P        Malem ate kalak si TUHAN Dibata penundalenna, si ibahanna Dibata nu Jakup jadi penampatna.
L        IA si nepa langit, doni, lawit, ras kerina isina. Katawari pe ItepatiNa PadanNa.
P        la kap ngerunggui kalak si itindih man kalak si kelihen, IberekenNa nakan. TUHAN si nangtangi kalak si i bas penjara nari,
L        TUHAN kap raja sidekah-dekahna, o Sion, DibataNdu kap si erkuasa rasa lalap seh rasa lalap.
P        Pujilah TUHAN!
L        Mari sipuji Tuhan, si engkelengi kita alu ras kita rende KEE GBKP No. 363:1,3
O Kam Dibatangku, Kudarami dingen tedeh ateku
Mesikel aku nandangi Kam, desken taneh Tenggiring si kerah
Reff: Ku puji Kam, ku puji Kam, bas kegeluhenku
         Kam si mulahi aku, bas k'rina kinis'ran

Kidekah umurku, Aku reh ngataken bujur man baNdu
Nare tanku erlebuh baNdu, Alu ende-enden si meriah Reff: ...

Pengakun Dosa
L        O Tuhan mbue kal kejahaten kami man BaNdu. Dosa-dosa kami nalahken kami.
P        I gejap kami kal kerina si e.
L        Ilawan ras itulak kami Kam, janah la kami nggit ngikutken Kam
P        Itindes kami kalak si deban, janah itadingken kami Kam. Pusuh kami dem alu taki, kata kata kami guak kerina, Amin.
L        Marilah tole siakuken salah lepakta man Dibata arah ras kita rende KEE GBKP No. 417:1-2
Kam Jesus Tuhanku palas kegeluhenku
Reh aku ngadap man baNdu
Tegulah min aku i bas ndalani geluhku
'Lah ula celus nahengku
Reff: Dengkehken sorangku erlebuh O Tuhan
          Ngendesken pingko-pingkoku
          Alemi min salah dosangku O Tuhan
'         Lah atan bas kiniulin

Kam Jesus Tuhanku, sampati min geluhku
Alemi Tuhan dosangku
La kap lit terligen i bas adep-adepenNdu
Kerina salah lepakku Reff : ...

--- Perpulungen Tedis ---

Berita Pengalemi Dosa
L        Selaku persuruhen Dibata, aku nehken kataNa man banta (ndu):
"Dosa-dosanta (ndu) enggo ialemi (Kualemi) janah ukumen siibereken (siKubereken) erkite-kiteken dosanta (ndu) enggo bias. Erkemalangenlah man Dibata (bangKu), sipan (ipanndu) me kai si
mehuli ulih tanehta (ndu) enda." (bdk. Jes. 40:2b; 1:19)

Meriah ukurta erkiteken dosanta (ndu) enggo ialemi Dibata, sipuji
Dibata arah ende-endenta: KEE GBKP No. 423 :1,3
Kam nebusi aku Tuhan, Kam si mpeteneng tendingku
Tendi si ndube tertaban, TeguNdu ku adepen Ndu
Reff: Malem kel ateku Bapa, Ban keleng ate Ndu
         Ku puji gelarNdu Bapa, Mulia gelarNdu
         TeguNdu lah aku Tuhan, I bas pusuhku Kam ringan
         PetetapNdu aku Tuhan, 'Lah dosa talu me kuban

Kam ngaloken aku Tuhan, Kam si mpekena ukurku
Ukur si nimbak Kam Tuhan, alokenNdu i bas tanNdu Reff : ...

--- Perpulungen kundul ---

Kata Dibata
a. Ngoge Kata Dibata Bagin Si Pemena : 1 Korinti 11:27-34 (iogeken
si mada jabu)
L        Ketuahen kalak simegiken kata Dibata dingen simakekenca i bas geluhna si teptep wari. Haleluya.
P        Haleluya ... Haleluya .. Haleluya (iendeken)

b. Kotbah (ibenai ras idungi alu pertoton)
Teks : Kejadin 9:1-17
Tema : Padan Dibata Man Isi Jabu

Pengakun Kiniteken                            (Perpulungen tedis)

Persembahen                                        (Perpulungen kundul)

L        Seh me paksana nehken persembahen pengataken bujur man Dibata. Kata Dibata kerna persembahen e me:
"Bahanlah pengataken bujur jadi persembahen man Dibata, sehkenlah kai si enggo ipadankenndu man si Meganjangna." (Msm. 50:14)
Tupung ngendesken persembahen pengataken bujur, rende kita arah ende-endenta: KEE GBKP No. 445:1-3
Si pepulung me persembahenta, Si endesken dage man Dibata
Tanda m'riah ukur ban pasu-pasuNa, Si simpar b'reNa man banta
Reff: Asa si nggo isikapken, Asa si nggo itotoken
         Em pengataken bujurta, kempak Dibata

Tuhu simpar pemere Dibata, Man perjuma ras si erbinaga
K'rina si erdahin, Si ngarap man baNa, Ituahi pasu-pasuNa Reff: ...

Pengataken bujur man Dibata, Enda mbelin ka tuhu gunana
Jadiken geluhta, Kula ras tendita, Persembahenta si nggeluh Reff: .

Pertoton Persembahen Ras Sapaat

Topik pertoton sapaat
- Notoken persembahen
- Notoken gelah kerina jabu la eraru ate guna encidahken kearusen kegeluhen kalak si tek, sabab pasu-pasu Dibata tetap lit man bana
- Notoken perdalanen Lakon Persadan si Badia i bas wari si pepagi
- Notoken si turah bas perpulungen

Perpadanen Man Dibata                        (Perpulungen Tedis)
L        Dibata setia kap. IcidahkenNa keleng ateNa guna nelamatken manusia.
P        Erpadan kami Tuhan, tetap setia dingen ngendesken diri kami kempak sura-suraNdu. Aku ras isi Jabu ngelakoken kearusen nggeluh selaku keluarga Dibata.
L        Dibata enggo nehken sada usihen kegeluhen man banta
P        Icidahken kami me kearusen nggeluh keluarga Dibata Dibata i bas jabu kami sekalak sekalak.
L        Cidahken pe tekatndu i bas ngelakoken Lakon Persadan Si Badia
P        (Mamre, Moria, PERMATA, SAITUN)
Erpadan kami Tuhan, lako nikapken pusuh perukuren kami guna
ngaloken Lakon Persadan si Badia. Iuji kami Diri kami i bas
ngaloken Lakon Persadan si Badia.
L        Sipeteguhi perpadanenta man Dibata arah ende-endenta: KEE GBKP No.62:1,3,6
Min lalap Kam inganku Tuhan, Kam Jesus batang anggur nge
GegehNdu maler min ku dahan, 'Di lang bene kap aku pe
KesahNdu bengket aku min, Gelah erbuah aku kin

La dorek kub're gegeh bangku, RembakNdu si perluna min
Makana jore kerajangku, Ma arah Kam gegehku kin?
KesahNdu bengket me gelah, 'Lah ola dahan jadi k'rah

Adi bage erketuahen, Tendingku reh teguhna kap
Si picet arah kesuhsahen, Kuakap longge ras tetap
Si ni bas mutik erbunin, E jadi tangkas me pagin

Pertoton Tuhan

Pengutusen ras Pasu-pasu Dibata
L        Dalankenlah kata Dibata si enggo ibegiken kita (kam) i bas wari enda. Guna jadi gegehta (ndu), alokenlah pasu-pasu idur Dibata nari:
"Ipasu-pasu janah ikawali Dibata kita (kam), siang ayo Dibata ersinalsal i babonta (ndu), janah melias ateNa ngenehen kita (kam). Itatap Dibata ku kita (kam), janah malem ateta (ndu)
ibahanNa." Amin (bdk. Bil. 6:24-26)
P        Amin ... Amin ... Amin ... (iendeken)

Diskusi
1. Adi si nen ulihi teks Kejadin 9:5 nina Manusia itepa seri ras Dibata. Adi bage banci si ban kesimpulen maka jabu kalak si erkiniteken eme tempas Dibata. Uga ngge sedekah enda perdalanen jabunta, enggo encidahken tempas Dibata? Banci pe ikawitken ras janji Dibata si tetap nemani kita.
2. Wari si pepagi kita ngaloken Lakon Persadan Si Badia. I bas Nguji bana, kai ngge tekatta i bas mpekana diri? Tiap kalak mbelasken sada tekat si harus ilakokenna si melawenna pagi.

Pdt. Jefri Alexander Keliat, M.Fil.
HP/WA:081360645511

0 Response to "Wari Pepituken Kebaktin Keluarga Sabtu 21 November 2026"

Post a Comment

Iklan Atas Artikel

Iklan Tengah Artikel 1

Iklan Tengah Artikel 2

Iklan Bawah Artikel