Bapa Si Ertanggungjabab Bahan PA Mamre 29 Maret - 4 April 2026

Bahan Bimbingen PA Mamre 29 Maret - 4 April 2026
(Teologia Bapa II : Bapa Si Ertanggungjabab )

Bahan Ogen : Kejadian 21 : 1 - 8

Isak tubuh
1. Ipasu-pasu TUHAN Sara bagi si enggo ipadankenNa.
2. E maka mehuli me kula Sara, jenari ipupusna sekalak anak dilaki man Abraham kenca ia enggo metua. Anak e tubuh i bas paksa si enggo itentuken Dibata, payo bagi si enggo katakenNa mbarenda.
3. Ibahan Abraham gelarna Isak,
4. janah enggo kenca waluh wari umurna isunatken Abraham ia, bagi enggo iperentahken Dibata.
5. Enggo 100 tahun umur Abraham sanga Isak tubuh.
6. Nina Sara, “Enggo ibaba Dibata man bangku keriahen ras pertawan. E maka kasa kai kalak si megisa la banci lang tawa ras aku.”
7. Nina Sara tole, “Ise ndube si lit ngataken man Abraham maka Sara banci pepinemken? Aminna bage gia enggo kupupus sada anak dilaki man bana kenca ia enggo metua.”
8. Tambah warina tambah belinna anak e, janah i bas warina ia ngadi minem, ibahan Abraham sada kerja man-man si mbelin.

Thema : Bapa Siertanggungjabab

Tujun : Gelah Mamre :
1) Nuriken kerna Dibata man isi jabu.
2) Nehken tanggung jabab ngelitken kerina kebutuhan keluarga

KATA PENARUH
Mamre eme Bapa (perbapan) ibas jabu. Bapa = bapana, ikataken bapana e berarti e sigalangna, simbisana (No. 1 na). Bapana = kepala, pemimpin siertanggungjawab mabai si ipimpinna sejahtera, maju sue ras tujuan. Adi ibas jabu maka .maka anak jabu e sejahtera ras maju masa depanna, bage me pe adi ibas gereja maka gereja e pe maju pelayanenna.
Mamre GBKP netapken keteladanen Abraham jadi dasar pembentukenna sangana ia ngalo ngalo temuena i Mamre (Kej.18). Emaka mottona pe iban : Mamre erdiate Mamre erpemere. Janah ibas perjumpanna ras Tuhan nehken padanna eme jadi bangsa simbelin arah ketubuhen Ishak (Kej.18). Realita (kinata) padan enda ndai me si jadi pengogenta sendah.

II. URAIAN TEKS
   Abraham eme bapa kalak sierkiniteken si tetap setia man I)ibata ibas kerina dampar kegeluhenna ras jadi usihen ibas kerina dampar, khususna ibas tanggungjawabna nandangi kiniteken ras jabuna. Ia setia ras ertanggungjawab nandangi kinitekenna ras mimpin jabuna erkemalangen man Dibata.
   Kuga kin tanggungjawabna ?
   Patuh man pendilo ras pedah Dibata (cerdas secara spiritual). Ipadanken Tuhan anak perjanjin man bana (Ishak) ibas umurna enggo metua (100 tahun), tek ras sabar ia nimaisa, ijenda icidahkenna kualitas kinitekenna man Dibata. Tanggungjawab (Implementasi) kinitekenna enda pe icidahkenna arah :
1. Kemampunna ngaturken kegeluhen jabuna, pendahin keluargana, rsdna erpalasken malang man Tuhan. Ibas teks teridah kenca umur 8 wari anakna Ishak mis nge isunatkenna sue Perintah Tuhan, Janah kenca ia mbelin (enggo ngadi minem) ibahanna kerja man man simbelin man bana. Tanggung jawab bapa enda luar biasa guna masa depan anakna ibas ndahiken dahin Tuhan.
2. lbas dampar sideban teridah kuga ulina pengaturenna ibas sikapna ngalo ngalo temuena i Mamre, kuga ngaturken strategi perang man juak-juakna.
3. Ndeharana tetap setia ras mendarnpingi ibas ndahiken dahin Tuhan seh ngesa tubuh Ishak enda tetap semangat i pujina Tuhan (tuhu keluarga harmonis).
4. Sosial ras kemasyarakatenna bagus : Kuga ia mengalah ras mediate man Lot, kuga ia ngalo-ngalo temuena, rsd.
5. Ekonomina maju sebab bayak namura kel ia. .
6. Etika, tata krama ras moralitasna berkelas enda teridah kuga ia santunna ngalo ngalo temuena i Mamre.
Intina : kegeluhenna tuhu tuhu jadi bapa teladan ibas ertanggungjabab. (Kej. 12: 1-4, 13 : 18)

III. PENGKENAINA
Mamre selaku bapa n tah pe perbapan i bas budayanya si paternalistik eme kepala rumah tangga. Ia me pemimpin, penanggungjawab keutuhen ras kesejahteraan isi jabu. Janah ibas kiniteken ia me imam i tengah jabu (penanggung jawab kiniteken anak jabu). Ibas konteks ergereja, epe tanggung jawab Mamre menyejahteraken ras memajuken GBKP enda sebab ia bapa. Enda situhuna tugas panggilen Mamre baik secara pribadi bas jabu ras masyarakat bagepe ibas organisasi gerejanta.
Emaka selaku Mamre arus mbue berbenah mengisi kemampuanna gelah banci bagi Abraham ndai sukses ras jadi usihen ibas kerina kegeluhen ras kepemimpinna subuk i bas jabu ras masyarakat. Iarapken ula nari lit Mamreta kurang ertanggung jabab guna kesejahteraan , kemajun jabuna, bage pe gerejanta GBKP enda, selaku tugas panggilenna.

IV. DISKUSI/SHARING
1. Diskusiken kuga belin tanggung jawab Abraham ( bapa ) nandangi kinitekenna ras isi jabuna
2. Sharingken terjeng ja nge sedekah enda tanggungjawabta Mamre selaku bapa nangdangi kesejahteraan, masa depan jabunta ras masa depan gerejanta GBKP enda.

USULEN ENDE-ENDEN :
1.) KEE GBKP No. 468; ( KLIK JUDUL UNTUK MELIHAT LIRIK )
2) KEE GBKP No. 254:1, ( KLIK JUDUL UNTUK MELIHAT LIRIK )
3) KEE GBKP No. 385:1- ( KLIK JUDUL UNTUK MELIHAT LIRIK )
4.) KEE GBKP No. 381:1 (Persembahen) ( KLIK JUDUL UNTUK MELIHAT LIRIK )

Pdt. Seth Perangin-Angin, M.Th.

HP/WA : 08139 7340 320