KEE 205 Rehlah Min O Tuhan

KEE No. 205 : 1 - 6 ( Rehlah Min O Tuhan )

Ayat 1 :
Reh lah min o, Tuhan,
sikap kami k’rina,
Ersembah man baNdu jenda.
Nusurlah min Tuhan,
bahan sikap k’rina,
Ukur kami pebadia.
O, Bapa b’re gelah,
daten pasu-pasu,
Kami k’rina enda.

Ayat 2 :
Tuhan Dibatanta
lit bas rumah enda,
Nembah kita k’rina baNa.
Alu kehamaten
mungkuklah man baNa,
Kula, tendi pe kerina.
Aloken KataNa ras pasu-pasuNa,
UsekenNa banta.

Ayat 3 :
Tuhan Dibatanta
Badia kap Ia,
Surga pe muji gelarNa.
Malekat pe rende :
“Tuhan e Badia,
Dibata si Telu Sada”.
Dengkehken KataNa,
ikut rende k’rina,
Pehaga gelarNa.

Ayat 4 :
O, Tuhan Dibata,
Raja k’rina Raja,
Ibas k’rina doni enda.
Medolat me Ia
bas kebadianNa,
Dage pujilah gelarNa.
B’rekenlah kami pe
ikut ngakukenca,
Tutus min i jenda.

Ayat 5 :
Dua, telu gia
pulung bas gelarNa,
Tuhan reh kap ku tengahna.
Si ngoge kataNa
ras si makekenca,
Tuhan nemani geluhna.
Ogelah, gelemlah,
kata Dibatanta,
Bas geluhta enda.

Ayat 6 :
Aloken pemere,
janah kami rende,
Alu ukur tutus jine.
La pekulah-kulah
ban ukur meriah,
Tuhan terpujilah min gelah.
M’riahlah kerina pujilah Dibata,
Bapa si mulia.

Sinusurkenca Panitia Ende-Enden GBKP 1979-1984