Kebaktian Pekan Doa GBKP Wari Pepituken
KEBAKTIN PEKAN DOA GBKP
( I Perpulungen )
WARI VII, SABTU 23 Mei 2026
I. PERSIKAPEN
a. Setting rumah ingan Pekan bernuansa meditative, misalna lampu
redup ntah imateken kenca dung khotah, sikapken piga-piga lilin
(banci isusun berbentuk salib, ntah melingkar iadepen perpulungen)
b. Download music TAIZE arah Youtube, ntah banci imainkan pemusik
adi lit.
c. Perkundul melingkar ngelilingi lilin, ntah banci ngadap Salib adi lit.
d. Sikapken speaker aktif guna mutar music ntah banci langsung arah
laptop ntah HP.
e. Seorang serayan Pdt/Pertua/Diaken ertugas menuntun doa meditasi.
II. KEBAKTIN
Kata Penaruh
Mejuah-juah kekelengen Tuhan, salam damai man bandu kerina. Pekan
Doa nta berngi sendah make metode meditasi, e maka kerina lagu kari
ibahan alu mengalir. Mari sisikapken dirinta, mari pekesahken kita
kentisik arah kerina rutinitasta, persiapkenlah pusuh ras pikirenta guna
reh ku bas ibadah situhu-tuhu man baNa segelah pusuhta ipelimbarui i
bas Kristus Jesus… mari ertoto kita guna kebaktinta dingen serayan
Tuhan si mabai kebaktinta wari enda. ertoto kita.
Marilah masuk kita ku bas paksa teneng….
--- Paksa Teneng---
Mari si puji Tuhan ras kita rende KEE GBKP No. 357 siulihi 3 kali
Ula kam mbiar, Ula kam gentar, I bas Tuhanta labo lit kurang
Ula kam mbiar, Ula kam gentar, Tuhan si njamini
Votum salam ras Invocatio
L : I bas gelar Dibata Bapa sijadi inganta(ndu) guna nehken pertoton,
i bas gelar Jesus Kristus singajari kita(kam) ertoto ras si bas gelar
kesah si Badia, siertoto gunanta(ndu).
Perkuah ate ras dame i bas Dibata Bapa, i bas Jesus Kristus nari ras
i bas kerembaken kesah si Badia ras kita(kam) kerina gelah.Amin
P : Amin. Amin. Amin (iendeken)
L : Marilah dahi Aku, o kam si latih maba baban si mberat maka Kubereken pengadi-ngadinndu (Mat. 11:28).
L : Mari sipuji Tuhan alu ras kita Rende KEE GBKP No. 388 :1-2
Tupung tayang aku nginget Kam, Gedang berngi ku ukuri Kam
Sabab Kam si nampati aku, O Dibata tedeh ‘teku Kam.
Reff : O Dibata Kam kap Dibatangku, Kudahi tedeh ateku Kam
Mesikel aku nandangi Kam, Desken taneh si enggo kerah
Bageme muasna tendingku, Man baNdu Tuhan Dibatangku
Sabab Kam si nampati aku, Teruh kabengNdu rende aku
‘Di ras Kam meriah ukurku, O Dibata Kam sekawalku Reff : …
Pertoton pengataken bujur man Tuhan
L : Ngataken bujur kami kerna perbahanenNdu si mbelin i bas
kegeluhen kami, bujur Tuhan guna kerina kekelengenNdu.
Kidekah umur geluhku aku ngataken bujur man baNdu, kuangkat
tanku tupung aku ertoto baNdu. Alu ende-enden si meriah kupuji
Kam. Tupung aku tayang idas ingan medemku kuinget Kam.
Gedang-gedang berngi rukur aku kerna Kam, sebab kam si enggo
nampati aku. I teruh kabengNdu rende aku perban riahna
pusuhku, Ajari kami ngataken bujur nandangi kerina pemereNdu
bas geluh kami Tuhan. Geluh kami dem perbeben, kiniseran ras
iluh mambur, Dadaken tanNdu Tuhan nandangi kami si erlebuh
man banNdu. KesahNdu si Badia ndemi kebaktin kami enda seh
maka pantas man banNdu kebaktin enda Tuhan…Amin
L : Mari sipuji ka Tuhan alu ras kita rende KEE GBKP No. 402 :1-2
Perban keleng ateNdu, tebusiNdu geluhku.
Alu mambur darehNdu, Geluhku jadi mbaru
Reff : Asa ngasup gegehku,, kuikutken kataNdu
Jesus kam si perkuah., kupuji ras kusembah
Perban keleng ateNdu, ibabaiNdu dalanku
Ku dalan kesenangen, Gelah aku terkelin Reff : …
Pengataken Bujur man Tuhan
L : Kami nggejapken Tuhan maka kami manusia si terbatas, mbue kel i
bas perentah-perentahNdu si la terdalinken kami, seh maka mbue pe si ilanggar kami, kami jadi sekalak anak si ngelawan, nakiti pusuhNdu
ras teman kami manusia. Ajarilah kami O Tuhan jadi sekalak si
erpusuhken juak-juakNdu si ngkelengi, ngalemi ras mperdiakteken
kalak si kelsehen, bagi Kam dem kekelengen man kami i bas kiniseran
kami, perbeben kami ras kendelen ate kami. Mari tole si puji Tuhan
alu ras kita rende KEE GBKP No. 279:1
Kam kap Dibatangku, Kam inganku cicio
Tegu-tegu aku, Begiken pertotonku
Reff : Ernalem man baNdu, Kam pengarapenku
Kidekah geluhku, Ku puji Kam Tuhan
Kata Dibata (Ibenai ras idungi alu pertoton)
Renungen : Masmur 27:7-10
Tema : Tuhan Si Pekena-Kena Aku
Pengakun kiniteken
Persembahen
L : Seh me paksana kita ngendesken persembahen pengataken
bujurta man Dibata. Kata Dibata si jadi palas ersembah erpalasken
2 Korinti 9:7 ”Sekalak-sekalak iberekennalah sue ras si nggo
itetapkenna i bas ukurna; ola alu pusuh jungut-jungut tah pe bagi si
terpaksa, sabap Dibata engkelengi kalak si mere alu ukur meriah”
Tupung si pepulung persembahenta, mari sipuji gelar Tuhan
Sipepulung persembahenta alu sipemena si puji Tuhan arah KEE
GBKP No. 393:1-
Surga nari aku itatapndu, sanga lalar aku ras ngelabuh
Seh ku pusuh tangkas idahndu, ndauh kepe papak perdalanku
Kubegi ilebuhNdu gelarku, la ‘ku ngasup natap sinalsalndu
Ban mbelin me dosa-dosangku, la metunggung g’lari anakNdu.
Terbegi Kam reh ndeheri aku, tanNdu si melias negu aku.
‘Nggo ialemiNdu dosangku, Malem kal ateku bahanNdu.
O Tuhan bujur ningku man baNdu, Mbelin kel kualoken perkuahNdu
Sampat aku ngikut pedahNdu, G’lah tetap nehken p’ratenNdu
Pertoton persembahen ras sapaat :
• Ertoto kerna Lakon Persadan si Badia siilakoken wari pepagi gelah
kerina perpulung ersikap guna ngalokenca
• Ertoto kerna Tuan Rumah
• Ertoto kerna wilayah PI :
- Klasis Munte : Perminggun Tiga Siempat Rg. Pernantin,
Perpulungen Gunung Manumpak Rg. Buah Manteman Munte
- Klasis Pancur Batu : Rg. Namo Keling, Perp. Namo Buhara, Perp.
Namo Kelungen, Rg. Gunanta, Rg. Basita, Rg. Taruna, Rg. Pancur
Telu, Rg. Tinala, Rg. Kinala, Rg. Kampung Merdeka, Rg. Salam Tani,
Perp. Kuta Tuala
- Klasis Kuala Langkat : Perp. Sugih Waras Rg. Batu Mandi, Perp.
Selayang Lau Landak, Perp. Tanjung Naman Rg.Bohorok, Perp.
Tualang Gepang, Perp. Bandar Tengah Rg. Gotong Royong, Perp.
Salang Bayangen Rg. Kendi, Perp. Namo Tongan, Perp. Tanjung
Negeri, Perp. Uruk Mbelin, Perp. Buluh Kumpal, Perp. Lau Buron
Rg. Maryke, Perp. Simpang Sukarame Rg.Namu Ukur, Perp.
Tanjung Merahe Rg.Padang Cermin, Perp. Bukit Dinding Rp.
Selayang, Rg.Gunung Ambat, Perp. Turangie Baru, Perp.
Terlok/Biak Mampe Rg.Simpang Pulo Rambung, Rg. Buah Apam,
Rg.Durin Mulo Besadi, Perp. Bukit Jaya, Perp. Tanjung Putri
Rg.Tanjung Keriahen, Perp. Lau Tepu Rg.Tanjung Langkat, Rg. Lau
Gunung, Perp. Lau Seridi Rg. Buah Raja, Perp. Kinangkong Rg.
Kuala Murak, Perp. Batu Galang, Perp. Sanggapura, Perp. Tanjung
Merawa Rg.Proyek Simpang Burah, Perp. Bangun Jahe, Perp.
Bangun Kede, Perp. Adin Tengah, Perp. Bunga Rinte Rg. Telagah,
Perp. Ujung Bangun, Perp. Batu Guru Rg.Bangun Mulia, Perp.
Mbacang, Perp. Samir, Perp. Kaperas, Perp. Sulkam Rg.Cangkulen,
Perp. Parangguam, Perp. Kampung Antara Rg.Pamah Tambunen,
Perp. Batu Katak, Perp. Batu Jong-jong Rg.Namo Cengke, Perp.
Garunggang Rg.Sampe Cita, Perp. Nambiki Rg.Gerat Namobetung Rg.Tanjung Nguda, Rg. Pamah Simelir, Rg. Parit Bindu, Rg. Rih
Sogong, Rg. Bungara Pos PI Dagang Batu Perp. Durin Mulo Perp.
Namo Putat Rg. Sabah Pideren
Tekad
L : Marilah si bahan tekadta man Tuhan alu ras kita Rende KEE GBKP No.
454:3-4
Pusuhku enggo ip’limbaruiNa, P’raten doni lanai erkuasa
P’rayakenku ndalanken peratenNa, Kesangapen ib’rekenNa
Reff : Bujur man baNdu Tuhan, ban ialemi dosangku
Meriah kel ukurkU, Tuhan nasapken dosangku
Ukurku ipelimbarui Tuhan, Nai nilah i bas Tuhan
Sura-surangku saja kuikutken, Gundari kuikut Tuhan Reff : …
Pertoton Tuhan
Pasu-pasu
L : Mulihlah alu dame, Tuhan kap temanta, mari sialoken pemasu-masun i bas Dibata nari :Kekelengen Dibata Bapa, kekelengen AnakNa Jesus Kristus, persadan ras Kesah si Badia, nemani kita (kam) genduari, pagi seh rasa lalap. Amin…
P : Amin... Amin… Amin.. (iendeken)
0 Response to "Kebaktian Pekan Doa GBKP Wari Pepituken"
Post a Comment