Tuhu-Tuhu Gambar Dibata Bahan PA Moria 15-21 Maret 2026

Bahan Bimbingen PA Moria 15-21 Maret 2026
Pernyataan Khusus Jesus Kristus

SI MAN OGEN : Heber 1:1-3

Kata Dibata arah AnakNa
1. Nai enggo megati Dibata ngerana man nini-nininta arah nabi-nabi alu erbage-bage cara.
2. Tapi i bas paksa-paksa si arah pudi enda ngerana IA man banta arah AnakNa. Arah AnakNa e me Dibata njadiken kerina si nasa lit; AnakNa e itetapkenNa jadi si mada kerina si nasa lit.
3. Arah IA ersinalsal terang kemulian Dibata, janah IA tuhu-tuhu gambar Dibata. IA me si natang kerina si nasa lit alu kataNa si erkuasa. Kenca ibersihkenNa manusia i bas dosa-dosa nari, kundul IA i Surga arah kemuhen Dibata si Mada Kuasa si meganjangna.

T E M A : Tuhu-tuhu Gambar Dibata

T U J U N : Gelah Moria:
1. Meteh maka Dibata mpetandaken diriNa arah AnakNa.
2. Nuratken pendahin Tuhan Jesus si enggo igejapkenna i bas geluhna.

METODE PA : BGA

Persikapen
1. Teptep moria maba Pustaka Si Badia
2. Pasilitator entah Siminpin PA niarapken si enggo pernah ngikuti kursus BGA.
3. Pengurus moria nikapken kertas flipchart ras sepidol man fasilitator.

Kata Penaruh
BGA, sada metode niksiki isi Pustaka Si Badia alu ngajuk kerina Moria aktif nggargari kata Dibata si jadi pengogenta i bas PA. Arah BGA enda kita ibabai guna rulih-ulih ngoge Pustaka Si Badia, radu ras niksiki bage pe nuratken kai si dat kita arah pengogen e.
Iterusken ku respon arah ngataken bujur, pengakun dosa, toto ras. tekad si jelas, banci iukur ras banci inananmi (konkret). BGA wari enda arah Genre Surat.

Kai Si ku Baca (Apa yang ku Baca):
1. Oge pustaka alu ras-ras, kenca si e oge ka sekalak-sekalak bas pusuh (2 seh 3 kali). Bas genre Surat enda ibabai kita ngidah karakter (aku, ku, kam, ta, ndu, ia ras sidebanna) entah tema (e me kalimat, entah kata si iusur iulih-ulihi itulisken i bas pengogenta)

Irisen si idah jadi i bas ayat sada ras dua ertina banci sikataken maka Dibata tetap ngerana man manusia alu erbage-bage cara.

Pedah Tuhan man banqku (Pesan Allah KepadaKu)
Lit lima kelompok i bas bagin enda e me:
1. Pelajaran/pengajaran: sesuatu yang baru
2. Perintah/nasehat: yang harus dilakukan
3. Peringatan/larangan: sebuah teguran
4. Janji: Sesuatu yang didapatkan
5. Teladan: Contoh untuk diikuti

Pesan Fasilitator
Pengajaren Gnostik nuriken maka pemeteh banci mereken keselamaten man manusia, si erbahanca melala perpulungen nadingken kinitekenna man Kristus. Kalak Jahudi si aktif i bas kegiaten agamana kecewa nandangi agama Kristen tupung si e erkiteken Kinirajan Surga si rusur iberitaken lalap la reh ku doni enda. E maka, kalak Jahudi Kristen jadi percakapen enterem jelma. Kalak enda ipedauh i bas peradatenna nari. Erkiteken si e enterem kalak Kristen ersura-sura mulihken ku bas agama Jahudi si akapna e aman. Guna mpetetap ukur perpulungen isehken me pengajaren enda:
1. Mbarenda nari Dibata la ngadi ngerana man manusia. Benaken arah nini bangsa Israel, nabi-nabi seh ku Jesus Kristus. Iturikenna kerna kinimbisan Dibata si la ibatasi paksa-paksa. Jesus me si erbahanca serta kerna berita sinituriken nabi-nabi ndube. Arah Kristus, Dibata njadiken si nasa lit dingen si mada kerinana.
2. Ituriken pe kerna Jesus Kristus e me: si pemena sinalsal terang kemuliaan si ncidahken biak Dibata. Si peduaken Jesus e Dibata si tuhu-tuhu rehna i bas Dibata si tuhu-tuhu nari. Jesus e ersada ras Dibata. Sipeteluken Jesus e erkuasa nandangi kerina tinepa, Ia sinatang kerina si nasa lit. Si peempatken, Jesus mbersihken manusia i bas dosa-dosa nari. Manusia ipeatanken ngaloken kerina pemere Dibata. Si pelimaken Jesus kundul i Surga arah kemuhen Dibata si Mada Kuasa si meganjangna. Genduari Jesus I merentah i Surga, i bas ingan si mehaga simeganjangna, dem bas kuasa ras kemulian e me kemuhen Dibata.
Kinimbisan Kristus e lebihen asangken kerina manusia i babo doni enda. IA me Dibata si meganjangna, nderbih, genduari ras rasa lalap. Selaku manusia si enggo ngangkai dingen ngejapken kuasa Dibata arah Jesus Kristus iajuk me kita guna:
1. Tetap megegeh erkiniteken man IA aminna gia mbue rungga si man alanken.
2. pengertin doni enda labo seri ras Jesus. Doni banci erbahanca kita papak, tapi Jesus ngasup nelamatken. kita. Jesus lit i tengah-tengahta, kataNa e erkuasa kap, nggeluhlah i bas kataNa. Oge, siksiki dingen dalankenlah!
3. Biak Kristus arus teridah i bas kegeluhenta. Nggit ngalemi salah, ras mpebelin kekelengen.

Responku
Respon enda arus konkrit, jelas, terukur ras banci inanami. Alat bantu sinibahan e me:
• Mengucap syukur (mau melakukan sesuatu)
• Berdoa (bagi keluarga, teman, bangsa/negara)
• Mengaku dosa (suatu hal yang telah salah dilakukan)
• Bertekad ( janji melakukan sesuatu vano baik)