Erbahan Rencana Si Megermet Bahan PJJ 15-21 Maret 2026

Bahan Bimbingen PJJ Tanggal 15-21 Maret 2026

ERBAHAN RENCANA SI MEGERMET
(GBP)

Bahan Ogen : Kuan-kuanen 21: 5
5. Rencana si megermet maba keuntungen, perbahanen si merudu-rudu mereken kerugin.

MODEL PJJ: CERAMAH

KATA PERLEBE
Yogi Berra sekalak pemain bisbol i Amerika Serikat Pernah ngataken "if you don't know where you are going, you'll end up ,someplace else" kata enda banci iertiken : adi la kin ietehndu ku sura-surandu lawes, maka dungna seh me kam ku ingan si lah/papak. Kata enda ngataken maka ope berkat ngelakoken sada dahin harus min sieteh ku ja ateta (tujun) ras uga carana gelah banci kita seh ku ingan siarapken kita e (perencanaan). Adi la kin lit tujun ras perencanaan maka nggo banci i pastiken maka usur me perdalanenta papak ras la bagi iarapken. Garis-Garis Pelayanen Gerejanta eme sada tujun ras rencana kerja gerejanta, si mpersada kerina kita (PJJ, Runggun, Klasis, Sinode) gplah erdalan ras-ras ku bas sada tujun alu rencana-rencana si enggo i suratken i bas.

ISI
Kata rencana i bas bahasa Ibrani eme mahsebowt. Kata banci iertiken perhitungen, rencana, pertimbangen si matang. Kalak Israel adi si nen bas Pustaka terbiasa kal nge bas erbahan perencanaan. I bas ngerencanaken waktu rani bage pe nuan e kerina lit iaturken. Bage pe bas kerina kebaktin si ilakoken tep-tep wari lit nge perencanaan ras e kerina nggo me iaturken bas sada aturen (Taurat).
I bas ndalanken rencana ibutuhken kalak si megermet. Bahasa Ibrani si ipake bas teks enda eme harus si banci iertiken tekun, rajin ras tajam (cara berpikir). Arah pengertin enda banci pahami kalak si megermet bas konteks teks enda eme kalak si ngasup rukur alu teneng dingen mbages. Adi bas kamus Karo