Bahan PA Mamre 22-28 Februari 2026
BIMBINGAN PA MAMRE TANGGAL, 22 FEBRUARI - 28 FEBRUARI 2026 ( Visi GBKP : GBKP Menjadi Keluarga Allah Yang Diutus Mengerjakan Misi Allah Di Dunia Bagi Seluruh Ciptaan )
Ogen : 1 Timotius 3:14-16
14. Asum kubahan surat enda man bandu, ngarap aku maka la nai ndekah sa reh aku ndahi kam.
15. Tapi adi ndekah denga maka aku reh, surat enda me mpebetehkenca man bandu kuga arusna perlangkahta i bas keluarga Dibata, perpulungen Dibata si nggeluh, binangun dingen palas ajaren si tuhu-tuhu.
16. Ise pe la ngasup nimbaksa kerna belinna rahasia agamanta. “Jesus Kristus reh i bas rupa manusia, ipetangkas Kesah Dibata IA la ersalah, janah teridah man malekat-malekat. Kerna IA ipembar ku kerina bangsa-bangsa, kerina manusia i doni tek man baNa, janah IA enggo iangkat Dibata ku Surga.”
Tema : Perlangkah Keluarga Dibata
Tujun :Gelah Mamre :
1) Meteh kai makna Keluarga Dibata
2) Mpeturah biak anggota keluarga Dibata
I. KATA PENARUH
Surat 2 Timotius eme surat si perpudina ikirimken Rasu Paulus kempak Timotius. Tupung Paulus nulisken surat enda Kaisar Nero selaku kepala pemerintahen Rornawi mbelin kal sura-surana mpengadi perkembangen kekristenen i Roma bagepe i bas kerina daerah jajahenna alu mpeturah ate mesui kempak kalak Kristen, termasuk Paulus pe jadi tahanen negara i Roma (2 Tim. 1:16). Paulus nggeluh i bas kekurangen sebage sekalak penjahat (2 Tim. 2:9), itadingken enterem teman-temanna (2 Tim. 1: 15) dingen ia pe sedar mak pelayanenna nandangi erkedungen bagepe kematenna enggo ndeher (2 Tim. 4:6-8;18).
Tujun Paulus nulisken surat enda kempak Timotius selaku anak si ikelengina (2 Tim. 1:2) dingen temanna erdahin si setia (bd. Rm. 16:21) e me segelah Timotius si nguda denga bagepe lit biak permela i bas ia banci pang dingen paguh ngalaken kiniseran. Paulus sedar maka kiniseran si mesangat banci reh ngkenai Timotius si reh arah darat perpulungen nari khususna pemerintahen Romawi bagepe reh arah guru-guru palsu itengah-tengah perpulungen. Paulus nehken nasihat kempak Timotius segelah tetap nggelem pengajaren Berita si Meriah ndalanken tanggung jawabna selaku guru dingen meritaken, Berita si Meriah aminna gia i tengah-tengah kiniseran ras perlawanen kalak. Alu bage selaku pengepkep perpulungen kuta Epesus, Timotius ngasup ngepkep perpulungen selaku anggota keluarga Dibata alu mehuli guna mpeteguhi kiniteken perpulungen.
II. URAIAN TEKS
Judul Kitab 1 Timotius 3:14-16 enda eme: "Rahasia si Mbelin". Kerna rahasia si mbelin isuratken i bas 1 Timotius 3:16: "Jesus Kristus reh i bas rupa manusia, ipetangkas Kesah Dibata Ia la ersalah, janah teridah man malekat-malekat". Jadi rahasia si mbelin e me Jesus Kristus. Ikataken rahasia si mbelin erkiteken ise pe manusia la meteh kerna perbahanen Dibata nuruh anakNa si tonggal reh ku doni enda jadi Juru Selamat kempak manusia. Manusia la meteh kerna paksa kerehenNa. Pelin-pelin perbahanen Dibata. Ia tuhu-tuhu la ersalah erkiteken la e me Dibata. Teridah man malekat-malekat erkiteken Ia ras tading i bas sada ingan e me surga. Malekat e me utusen (persuruhen) Dibata. Jadi malekat e me Ni ngelai Dibata i surga bagepe megati jadi persuruhen Dibata nehken sura-sura-Na kempak manusia umpamana isuruh Dibata malaikat Gabriel njumpai Maria nuriken kerna ketubuhen Jesus Kristus (Luk. 1:26-38). Kerna Jesus Kristus me tetap ipembarken guna keselamaten manusia (bd. Mat. 28:18-20; Mrk. 16:15-16). Kenca Ia reh ku doni enda maka Ia Enggo iangkat ku surga (bd. Perb. 1:6-11). E maka i bas paksaNa, reh denga pagi Ia mulihken ku doni enda ngeranaken mi nggeluh ras si nggo mate (bd. Joh. 14:2). '
I bas 1 Timotius 3:14, Rasul Paulus nuriken kempak 'I'imotius maka tupung ia erbahan surat rnan bana maka erpengarapen Paulus ndahi ia (Kemungkinen tupung Paulus nulisken surat 1 Timotius si iselamatken kempak Timotius maka ia paksa ringan i Makedoni sekitar tahun 64-65 M. Tupung e ia mbaru ipulahi arah tahanen i Roma dingen paksa ngelakoken perdalanen missi. Itadingkenna Timotius ngelai I Epesus, jenari ikirimkenna surat nehken persinget kempak Timotius arah Makedoni nari). Selaku bapa rohani, tentu saja bas kiningudan Timotius, rutang iakap Paulus lako tetap inpersingeti dingen mpegegehi ia.
I bas ayat 14, Paulus nuriken maka adi ndekah denga ia reh erkiteken mbelang si man siaren lako nehken Berita si Meriah i bas surat ia nehken persinget kempak Timotius. E i bas suratna isehkenna kearusen nggeluh keluarga Dibata, perpulungen Dibata si nggeluh, binangun dingen palas ajaren si tuhu-tuhu. Kerna si enda ituriken Rasul Paulus i bas 1 Timotius pasal 4-6. Kerna kearusen nggeluh i bas keluarga' Dibata isuratken Paulus i bas 1 Timotius 5:1-6:2a. Kerna perpulungen Dibata si nggeluh isuratken Paulus i bas 1 Timotius 4:6-16; 6:11-21. Kerna perpulungen Dibata s nggeluh si nimaksudken Paulus e me perpulungen si megegeh i bas pertendin, ngasup jadi usihen subuk i bas pengerana, bas lagu langkah, i bas nehken keleng ate, i bas kiniteken bag pe i bas ukur bujur, la nia-niaken pemere Dibata, ngasup njaga diri ras pengajaren, ndalanken si ngena ate Dibata, tutu ersembah man baNa, tetap ernalem ku Ia, cidahken keleng ate megenggeng dingen lemah lembut. E maka sinikataken perpulungen Dibata si nggeluh e me perpulungen si ersada ras Dibata dingen ngasup naksiken Berita si Meriah arah kerina dampar kegeluhen. Janah kerna binangun dingen palas ajaren si tuhu-tuhu isuratken Paulus i bas 1 Timotius 6:2b-10.
Keluarga e me bagin si kitikna i tengah-tengah masyarakat si anggotana nggeluh ersada ras i bas sada jabu si erkawiten erkiteken dareh, perjabun ntah adopsi. Keluarga erguna sebage ingan guna sosialisasi, perlindungen, dingen pengembangen emosional, mental, bagepe fisik kerina anggotana. Rikutken Tata Gereja GBKP Pasal 16, isinget e maka keluarga e me:
1. Keluarga Kristen e me lembaga si ibangun ibas karya Dibata.
2. Keluarga e me kiniersadan nggeluh bapa, nande ras anak si ibahan Dibata lako ndahiken rencana Dibata itengah-tengah keluarga.
Pengertin enda lit erpalasken visi GBKP e me: GBKP menjadi keluarga Allah yang diutus mengerjakan misi Allah di dunia bagi seluruh ciptaan (Mrk. 16:15; 1 Pet. 2:9-10) Rikutken pengertin enda maka kiniersadan keluarga aru enteguh dingen tujun geluhna pe arus seri e me guna kedamen jabu bagepe guna kemulian si mpersadaken anggota jabu e me Dibata alu ngekelengi kerina tinepa Dibata. Alu bage keluarga arus mbangun kinitekenna segelah kinersadanna nteguh sapih-sapih anggota jabu bagepe ras Tuhan Dibata.
I bas Pustaka si Badia lit sidatken kerna pengalamen perjumpan ras Tuhan si mbangun kiniteken keluarga, Keluarga Abraham jadi salah sada contoh. Konsep keluarga pe lit i bas kegeluhen perpulungen si pemena i Jerusalem. I bas perbahanen Rasul-rasul 2:43-47 si datken sifat keluarga si kin pe jadi ciri gereja. Si pemena e me litna mujizat. Mujizat e me perubahen suasana. Suasana ceda ate arus iubahken jadi keriahen ukur. Sipeduaken e me erbagi. I bas kecibal perpulungen si pemena ilakoken erbagi i bas piga-piga dampar kegeluhen termasuk erbagi erta. Bagem tentuna pe min si jadi bns gereja, kerinana anggotana banci erbagi i bas keriahen bagepe ceda ate. Sipeteluken e me disiplin rohani. I bas perpulungen si pemena ilakoken ngikuti konsep kiniteken kalak Jahudi e me kebaktin 6 kali tep-tepwari. Iarapken perpulungen GBKP jadi keluarga si disiplin. Disiplin i bas radu ras mbangun kiniteken, disiplin mbangun komunitas gereja si erpalasken kekerabaten.
1. Nggeluh i bas kebenaren Kata Dibata.
2. Mehamat kempak kalak sideban.
3. Njaga diri gelah tetap bersih.
4. Ngelai alu mehuli.
5. Ndalanken si mehuli dingen ngasup ngubah si la mehuli jadi mehuli.
6. Ngasup erbagi kiniliten ras teman manusia si kekurangen.
7. Disiplin i bas erdahin ras kebaktin.
Segelah perlangkah keluarga Dibata enda banci jadi i bas kerina mamre GBKP tentuna perlu kal mamre tetap njaga relasi ras Tuhan. Mamre GBKP nandai Dibata si isembahna
0 Response to "Bahan PA Mamre 22-28 Februari 2026"
Post a Comment