Kebaktian GBKP Minggu, 16 Juni 2019

Kebaktian GBKP KM 8 - Minggu, 16 Juni 2019

( TRINITATIS : DIBATA TELU SADA )

BAHAN KHOTBAH
Invocatio : Jesaya 11 : 2

2. Kesah TUHAN ringan i bas ia,
mereken pemeteh ras kuasa merentah rayatna.
Ietehna peraten TUHAN, mehamat ia kempaksa,

Ogen : Kejadin 1 : 1 – 5 (Tunggal)

Turi-turin kejadin si nasa lit
1. Mula-mulana ijadiken Dibata langit ras doni.
2. Doni lume denga, la lit tempasna. Lawit si mbelang ergalumbang itutupi gelap mesangat, janah kesah Dibata kelaling-kelaling i babo lau engkuasaisa.
3. Nina Dibata, “Jadi lah terang” -- e maka jadi me terang.
4. Idah Dibata maka terang ndai tuhu-tuhu mehuli. Jenari isirangken Dibata terang ibas gelap nari.

5. Terang igelariNa “Suari”, gelap igelariNa “Berngi”. E maka ben me wari, jenari siang -- e me wari si pemena.

Khotbah : 2 Tesalonika 2 : 13 – 17 (Tunggal)

Kam ipilih guna iselamatken
13. O senina-senina, si ikelengi Tuhan, katawari pe arus ikataken kami bujur man Dibata erkiteken kam. Sabap kam ipilih Dibata jadi si pemenana guna iselamatken alu kuasa Kesah Si Badia dingen alu kinitekenndu nandangi pengajaren si tuhu-tuhu e. Ibahan Dibata kam jadi anak-anak si iserapken guna IA.
14. Kam ipilih Dibata arah Berita Si Meriah si iberitaken kami man bandu. IpilihNa kam gelah ialokenndu baginndu i bas Tuhanta Jesus Kristus.
15. E maka, o senina-senina, tetaplah tek dingen ernalem nandangi pengajaren si tuhu-tuhu, si iajarken kami man bandu subuk asum kami ngajar bage pe arah surat kami.
16. Tuhanta Jesus Kristus, ras Dibata Bapanta, si ngkelengi kita dingen arah lias ateNa enggo mereken pengapul si tetap ras pengarapen si paguh man banta,