KEE 130 I Tengah-Tengah Embun Nari
KEE No. 130 : 1 - 6 ( I Tengah-tengah Embun Nari )
Ayat 1 :
I tengah-tengah embun nari
Nggo pultak matawari t’rang
Kam k’rina bangsa doni mari
Dengkehken b’rita si senang
Celinuh masap ban t’rang enda
Celinuh kematen gelap
Ras berngi dosa masap jenda
Iban kinalsal t’rang me kap
Ayat 2 :
I je me rusur itambahi
Kam Tuhan ngaruh kami e
Je kami lalap e nambahi
La tengka dosa kami pe
Perban bage kai nari galar
Makana masap utang kin ?
Bene me kami si nggo lalar
Bene kin? Lanai terkelin?
Ayat 3 :
Tapina B’rita si Meriah
Mahanca ukur longge kap
Gundari paksa kinitauh
Man k’rina bangsa si gelap
Erjimpuh i lebe Tuhanta
Kam k’rina muji baNa pe
Kiniulinna seh man banta
IcukupiNa kai-kai pe
Ayat 4 :
Enggo erdame Tuhan kapen
Lah bebas ukur lembap pe
Lah talu nari kegelapen
Lah lanai ‘rkawan kami nge
Si gelgel ngajuk, talu, surut
Si ngkilang me teriket pe
Je sangap kami, labo ikut
Makana kami la bene
Ayat 5 :
Man kesenangen manusia
Nggo tubuh Penawarna e
Perban si erkuasa Ia
Meherga beritana e
GelarNa : Raja si mulia
Pelongge dalin banta e
Dosanta kapen ipersanNa
DarehNa masapkenca nge
Ayat 6 :
O, Raja Dame Kam kap saja
Njadiken dame doni pe
Ras dame ukur manusia
Lah si erkesah nembah me
Min k’rina si erdosa atan
Bas Kam o, Raja Dame e
Lah perdamen si nggo ibahan
Tergejaplah man ise pe
Sinusurkenca Pdt. M. Joustra
0 Response to "KEE 130 I Tengah-Tengah Embun Nari"
Post a Comment