KEE 122 O, Tuhanku Sampat Aku

KEE No. 122 : 1 - 6 ( O, Tuhanku Sampat Aku )

Ayat 1 :
O, Tuhanku sampat aku
Ibas tahun enda pe
Pebaruilah gegehku
Ngikut Kam seh dungna pe
Pasu-pasu gelah min
Kami si tek baNdu kin

Ayat 2 :
Perukurku ras dahinku
Pasu-pasu Kamlah min
Amin paksa susah aku
Ndeher aku ras Kam min
Lawes, mulih aku e
Kam ras aku lalap e

Ayat 3 :
Bahan bangku tahun enda
Tahun perkuah ate
Dingen kesasapen dosa
Em si kuarapken pe
Bas Kam saja Tuhanku
Aku daten si bage

Ayat 4 :
Demi Kamlah min ukurku
Alu k’leng ateNdu e
Ras begiken min totonku
Ban kuah ateNdu pe
Percuban pedauhlah min
Ola mersap ukurku kin

Ayat 5 :
Petetaplah min ukurku
Ngimbangi si iblis e
B’re min gegeh rusur bangku
Ngikutken pedahNdu e
Gelah ola leket min
‘Kurku ibas doni e

Ayat 6 :
Kam temanku o, Tuhanku
Ibas tahun enda pe
Tegu aku alu tanNdu
‘Di gegehku keri pe
Gelah pinter ‘kurku pe
‘Di seh pendiloNdu e

Sinusurkenca Gr. Ag. N. Sinuraya