Nimai Wari Kerehen Tuhan
Bahan Bimbingen PA PermataTanggal 31 Mei - 06 Juni 2026 (Eskatologis: Kerehen Jesus Peduakaliken)
Bahan Bimbingen PA Permata
Nas : 2 Petrus 3:10-18
10. Tetapi Hari Tuhan itu akan tiba kelak seperti pencuri; lalu segala langit itu akan lenyap dengan bunyi yang sangat dahsyat, dan segala anasir akan terbakar lalu hancur, dan bumi serta segala perbuatan yang ada di dalamnya akan dihanguskan.
11. Oleh sebab segala perkara itu akan binasa kelak atas peri yang demikian, bagaimanakah patut kamu melakukan dirimu di dalam kehidupan yang suci dan beribadat?
12. Sambil menantikan dan menyegerakan kedatangan Hari Allah itu, yang menyebabkan segala langit akan terbakar lalu binasa, dan segala anasir akan terbakar lalu cair.
13. Tetapi menurut seperti janji Tuhan, kita menantikan langit yang baharu dan suatu bumi yang baharu, yang berisi kebenaran. (Yes. 65:17; 66:22; Wahy. 21:1, 27.)Nasehat supaya beringat
14.Sebab itu, hai kekasihku, sedang kamu menantikan segala perkara itu, berusahalah supaya kamu didapati dengan sejahtera, dan dengan tiada bercacat dan tiada bercela pada pemandangan Tuhan. (1Kor. 1:7, 8.)
15. Dan hendaklah kamu hargakan bahwa panjang sabar Tuhan kita itu mendatangkan selamat, demikianlah juga Paulus, saudara kita yang dikasihi itu, sudah menyuratkan kepada kamu sekadar pengetahuan yang dikaruniakan kepadanya. (Rum 2:4.)
16. Demikianlah di dalam segala surat kirimannya dikatakannya dari hal segala perkara itu. Di dalamnya itu ada juga beberapa perkara yang susah dimengerti, maka orang yang tiada berpelajaran dan yang tiada tetap itu memutarbalikkan sama seperti kitab-kitab yang lain itu, sehingga mendatangkan kebinasaan atas dirinya sendiri.
17. Maka kamu ini, hai kekasihku, sedangkan kamu memang sudah mengetahui segala perkara itu, hendaklah kamu beringat, supaya jangan kamu sama terhanyut oleh sebab kesesatan segala orang jahat itu, lalu jatuh daripada keadaanmu yang teguh ini; (Mark. 13:5, 9, 33.)
18. melainkan bertambah-tambahlah di dalam anugerah, dan pengenalan akan Tuhan kita Yesus Kristus, Juruselamat. Baginyalah kemuliaan, baik sekarang ini baikpun selama-lamanya. Amin.
Tema : Nimai Wari Kerehen Tuhan
Gelah PERMATA GBKP
1. Nuriken kerna kerehen Jesus rikutken nas
2. Nggeluh bagi singena ate Tuhan: Bersih dingen la erpandangen ilebe-lebe Dibata
I. BENA KATA
Bahan PA sendah eme erkawiten ras kerehen Jesus mulihken entah pe megati igelari pendungi jaman (eskatologi =eskatos ertina pendungi, logi= logos ertina ilmu). Jadi, eskatologi eme ilmu si mpelajari kerna wari pendungi (akhir zaman). Melala agama ibabo doni enda ngajarken kerna pendungi jaman tapi tentu lit bedana kai si pelajari kita i bas Pustaka Si Badia. Amin gia lit ka aliren si la tek nandangi pendungi jaman, man bana adi enggo mate enggo erkedungen, lanai lit pengadilen si perpudi man manusia. Umpamana ibas kalak Jahudi eme Aliren Saduki. Ibas dampar si deban maka ajaren Filsafat pe mbue si labo tek nandangi litna wari pendungi (akhir zaman). Rata-rata is erpengakap maka manusia adi enggo mate enggo dung sikerajangenna. Labo lit pengadilen pendungi ras labo lit kegeluhen kenca kematen. Umpamana aliren: Atheis, Materialistik, Ephikureanisme dan Stoikisme.
II. ISI
Bahan PA ends eme Surat Petrus si peduaken man perpulungen si ikepkepna paksa si e. Adi i bas suratna si pemena maka si ngaloken suratna eme Perpulungen i daerah Propinsi Pontus, Galati, Kapodokia, Asia ras Bitinia. Ibas Suratna si peduaken ends ikatakenna man Perpulungen si "bali ras kami nggo ndatken kengasupen gelah tek man Jesus Kristus." Salah sada kemegahen Petrus ijenda eme nggejapken lias ate Dibata si ialoken Perpulungen si erbanca ia erkiniteken ras nandai Dibata ibas Tuhan Jesus Kristus.
Ibas Bindu 3 enda Petrus ngerana kerna Kerehen Jesus Peduakaliken. Iturikenna pe tanda-tanda ibas pendungi jaman e eme litna kalak si ikuasai kerincuhen daging kulana (ay.3), janah alu megombang ia nungkun, ma erpadang Tuhan maka Ia reh? I ja dage Ia? Bapa-bapanta nggo mate tapi kerina bali denga ras asum doni enda ijadiken. Petrus mereken respon nandangi kalak si erpengakap bagenda eme nina: Ula lupa ibas Tuhan bali kap sada wari ras seribu tahun, janah seribu tahun bali kap ras sada wari. Ertina situhuna Tuhan la ikuasai waktu bali ras kita manusia si terbatas waktu emaka tempa melawen si akap. Cuba kita rukur arah dampar Dibata si la ikuasai waktu maka labo lit ndekahsa maka IA reh mulihken ku doni enda. Jenari Petrus mereken perukuren reflektif man perpulungen e kerna Ienga jadi rehna Jesus peduakaliken eme maka "ibere Tuhan kesempaten gelah banci kita jera, mpekena lagu langkahta i babo doni enda" (bdk.ay.9).
Jenari i bas bahan PA nta enda Petrus ngutip kerna pengajaren si isehken Jesus jine maka kerehenNa ku doni enda mulihken eme bagi sekalak penangko (bdk. Luk.12;39-40), Paulus jine pe ngutip pengajaren Jesus enda i bas Suratna man Perpulungen Tesalonika (1 Tes.5:2). Janah tanda-tanda pendungi jaman e nina Petrus eme i bas wari e lesap me langit alu sora si erlenggur janah barang-barang si i langit meseng dingen ikernepken, janah doni ras kerina isina lesap ine. Kenca turiken Petrus kerna pengajaren uga kerna pendungi jaman i bas kerehen Jesus peduakaliken enda maka ibanna penungkunen reflektif: Adi si enda kerina bagenda me jadina, kuga nge arusna kegeluhenndu? Kam arus nggeluh bagi si ngena ate Tuhan, janah erpengendes man Dibata. sanga itimaindu Wari Dibata janah ngusahakenca gelah reh pedasna Ia reh. I bas Wari e langit keri meseng, janah erkiteken lasna barang-barang si i langit jadi melebur.
Emaka i bas pendungi, iajarken Petrus maka kita nimai kai si enggo ipadanken Dibata eme langit si mbaru ras doni si mbaru; ije me inganna keadilen. Ertina maka langit ras doni si mbaru eme ingan si isikapken Tuhan man banta kerina kalak si tek man Jesus. Guna persikapen nimai wari e maka Iit orat nggeluh (tindaken etis) si iajarken Petrus ijenda man perpulungen eme:
• Pala-palailah gelah kam bersih dingen la erpandangen i lebe-lebe Dibata janah nggeluh alu dame ras Ia.
• Bahanlah maka kesabaren Tuhan e jadi kesempaten man bandu gelah kam terkelin.
• Metengetlah gelah ola kam papak ibahan kesalahen-kesalahen kalak si la meteh aturen e, jenari ndabuh kam i bas inganndu si nteguh nari.
• Tetaplah kam ertambah-tambah i bas lias ate Dibata bage pe ertambahna pemetehndu kerna Tuhan.
III. PENGKENAINA
Arah pengajaren Pustaka Si Badia maka iajarken man banta kerna Wari Pendungi (akhir zaman). Petrus selaku murid Jesus jine i e bas Suratna enda ngataken man perpulungen kai si ndube leben ibegina arah pengajaren Tuhan Jesus jine. Ertina maka kerna wari pendungi e tuhu-tuhu lit ras bakal terjadi erkiteken. Jesus jine si ngatakenca man ajar-ajarNa. I bas Kitab Matius 24-25 melala ije ituriken Jesus kai tanda-tanda ras uga kerna kerehenNa mulihken ku doni enda.
Saja si la katakenNa eme kerna wari ras tanggal kerehenNa. Amin bage gia gel-gel nari enggo lit rusur kalak Kristen ncubaken netapken tanggalna. I bas Indonesia jine, i kota Bandung pernah lit Pdt Mangapin Sibuea ikatakenna paksa si e man pengikutna Jemaat Pondok Nabi maka Jesus reh tgl 10 November 2003 jam 15.00 Wib. Seh wari ras jamna maka si ikatakenna labo tuhu. Ertina maka kerna wari kerehen Jesus labo perlu si ukuri, saja lagu langkahta tandana kita tek man bana janah ersikap nimai kerehenNa si perluna ipersingeti Petrus ndai i bas suratna enda. Marthin Luther Bapa Reformasi jine pernah ngataken, "anggaplah pagi reh Jesus, tapi suanlah batang tualah wari si sendah." Enda ertina maka secara spiritual kita ersikap katawari pe kerehen Jesus janah secara tanggungjawab tetap si dalanken kai si banci silakoken i bas doni enda si erguna nimai kerehenNa.
IV. DISKUSI
1. Arah isi Pustaka Si Badia, uga nge iakapndu pentingna kerna pengajaren pendungi jaman (kerehen Jesus peduakaliken)?
2. Kai nge hubungen orat nggeluh (tindaken etis) i bas kalak Kristen erkawiten ras keselamatenna?
V. USULAN LAGU
KEE 271:1 (I Doni Enda Mbue Kesusahen) ( KLIK JUDUL LAGU UNTUK MELIHAT LIRIK )
0 Response to "Nimai Wari Kerehen Tuhan"
Post a Comment