Pemahaman Tentang Trinitas Bahan Bimbingan PA Permata 22-28 Maret 2026

Bahan Bimbingan PA Permata
Tanggal 22 Maret — 28 Maret 2026
(Pemahamen Tentang Trinitas)

Nas : 2 Korinti 13:13

Kasih karunia Tuhan Yesus Kristus, dan kasih Allah, dan persekutuan Roh Kudus menyertai kamu sekalian.

Tema : Dibata Si Telu Sada

Gelah PERMATA GBKP
1. Meteh konsep trinitas si ipahami GBKP
2. Nggeluhi kehadiren Trinitas ibas kegeluhenna

Metode: Mereken Pendapat Kenca Nonton Film "The Shack"

I. BENA KATA
Lit istilah erkiniteken ibenai alu pengalamen si kedungenna iikuti bas pengangkan. Kinitekenna man Dibata palasna tentu bas kata Dibata. Kata Dibata turah arah pengalamen erkiniteken si nulis si kedungenna si suratkenna arah penampat kesah si Badia. Trinitas eme sada kejadin pengalamen erkiniteken si nigejapken ibas perpulungen si pemena. Asum ia nggeluh ras Jesus, ajar-ajar ngidah kejadin perjumpaan Dibata Bapa, Jesus bagepe Kesah Si Badia. Perjumpaan teluna isuratken bas Pustaka Si Badia misalna ibas Lukas 3:21-22 asum Jesus iperidiken, Kesah Si Badia nusur ku Babo Jesus ras Dibata ngerana man Jesus. Kejadin-kejadin enda i saksiken me kedungenna i bas pustaka Si Badia. Memang payo bas Alkitab labo lit tulisen kerna Trinitas, tapi pendahinna teluna ras perjumpanna i suratken. Emaka bas pedalanenna kerina teolog Kristen mulai ngertiken pengalamen enda guna jadi sada pengertin ras kedungenna ibereken gelarna Trinitas.

II. ISI
   Kitab 2 korinti isuratken Paulus man perpulungen si sangana dem alu erbage- bage persoalen. Lit perpecahen, lit ka si ngeraguken kinirasulen Paulus dingen tantangen si deban si turah bas perpulungen. Emaka bagin PA-nta wari enda jadi" penutup surat enda, jadi sada kalimat pasu-pasu si ibereken Paulus man kerina perpulungen si tading i Korintus, alu sada pengarapen gelah kerina persoalen terdungi arah penampat Dibata si telu sada.
   Ibas bagin PA-nta Paulus encidahken biak-biak Dibata si telu sada si berbeda. Perbedaan enda seri kal bagi pengangkaan GBKP kerna trinitas. GBKP memahami maka Bapa, Anak ras Kesah Si Badia mengerjakan pekerjaan yang sama (penciptaan, penyelamatan dan penebusan) ras GBKP memahami Trinitas berbeda bentuk bukan keberadaan ras berbeda dalam aspek bukan kuasa. Ertina GBKP memahami sada nge Dibata e, Ia tetap Tunggal. Tapi bas bentuk dingen pendahin Ia hadir bas pengalamen perpulungen alu cara si pelain-lain. Paulus bas 2 Korinti mereken penjelasen bentuk pendahin enda.
   Si pemena nina Jesus eme Tuhan. Jesus mereken lias ate man kerina perpulungen. Kata lias ate eme charis si banci iertiken anugerah. Jesus me anugerah bas diriNa me jadi keselamaten si i anugerahken man kerina manusia. Arah anugrah e kerina manusia termasuk i basna kalak Korinti ngaloken keselamaten. Si peduaken eme Dibata. Ibas Dibata ikawitken ras kata kekelengen. Kata kekelengen si ipake eme agape. Dibata me ulu kekelengen, ras enda icidahkenNa mulai kin doni i tepa. Alu keleng ate i tepaNa manusia, alu keleng ate me maka Ia lalap ndarami dalan guna nelamatken manusia ras e tentu sisaksiken bas Pustaka Si Badia. Si eme Kesah Si Badia si ngerembakken. Kata sipake i jenda eme koinonia siertina kebersamaan, persekutuan. Adi mulih kita kubas benana kesah Si Badia rusur si gejap i je me kiniersadan turah, persadan i bengketi ras perpulungen si pelain-lain ersada enda me dahin Kesah Si Badia.

III. PENGKENAINA
Erkiniteken tentu eme perjumpaan ukur (hati) ras pemeteh. Sada sisi sedar kal kita maka guna ngangkai Tuhan labo kita ngasup ibas kerina keterbatasenta. Manusia la ngasup guna ngantusi Tuhan si memang mentasi akal pikirenta (trans rasional). Tapi bas dampar si deban pikirenta ibentuk ngertiken kerina pengalamen iman si nggo si bentasi. Maka rikutken si e jelas me man banta labo lit sada ilustrasi guna njelasi kerna trinitas. Tapi si jelas GBKP bas konfesina nggo ngakuken maka Dibata e sada substansi si hadir bas pengalamen iman ajar-ajar ibas telu pribadi.
Adi mulih kita kubas film the Shack si nggo sitonton ras-ras jelas ije maka Dibata e hadir nemani kegeluhen Mack si sangana lit bas kepiceten erkiteken anakna. Bas situasi dem alu perbeben Mack jumpa ras Dibata sitelu sada ras Ia me si mereken pengapul man Mack seh maka ngasup ia kedungenna bebas ibas kesuliten geluhNa. Bagepe PERMATA GBKP iarapken ngasup ngejapken dahin-dahin si nggo ilakoken Dibata si telu sada bas geluhna. Pengalamen enda me si kedungenna nampati kita payo ngangkai kerna Dibatanta si telu sada.

IV. DISKUSI
1. Kenca si tonton Film the Shack, katawari nge si idah Lias ate Jesus erdahin, Keleng ate Dibata, dingen kerembaken kesah Si Badia igambarken bas Film enda.
2. Bayangken kita jadi Mack, pemeran Bapa bas film enda, uga nge penggejapenta ope ras kenca jumpa ras Dibata. Turiken!

V. USULAN LAGU KEE
196:1 (Pujilah Dibata Bapa)

Pdt. Jefri Keliat, M.Fil

(Direktur PPWG Zentrum Kabanjahe)

Nonton Film The Shack Tanpa Iklan Subtitle Indonesia