Kristus Si Nggeluh I Bas Aku Bahan Bimbingen PA Permata 29 Maret - 4 April 2026

Bahan Bimbingen PA Permata 
Tanggal 29 Maret - 4 April 2026
JAM DOA PERMATA GBKP ( Nandai Diri ) 

Nas : Galati 2:20

namun aku hidup, tetapi bukan lagi aku sendiri yang hidup, melainkan Kristus yang hidup di dalam aku. Dan hidupku yang kuhidupi sekarang di dalam daging, adalah hidup oleh iman dalam Anak Allah yang telah mengasihi aku dan menyerahkan diri-Nya untuk aku.

Tema : Kristus Si Nggeluh I Bas Aku 

I. PERSIKAPEN
• Mpelajari alur liturgi Jam Doa bagepe ende-enden ibas ibas Jam Doa alu ras-ras. Mbedaken Instrumen bagepe Ende-enden. Ibadah Jam Doa simehulina ibabai Pendeta, Vikaris, Detaser, bagepe Pertua-Diaken (adi lalit, ipesikap sekalak ibas Pengurus ntahpe PERMATA GBKP)
• MC = Pendeta/Vikaris/Detaser/Pertua/Diaken/Sekalak Pengurus ntahpe PERMATA GBKP.
• Perp = PERMATA GBKP
• Nikapken ingan Jam Doa (kundul melingkar, itengah ibahan Lilin 2 bagepe Pustaka Si Badia posisi terbuka sue ras nas). Lampu imateken, sikap berdoa, teduh, fokus ertoto, bagepe pusuh si nembah ras muji Tuhan. 

II. KEBAKTIN
MC: Mari sibenaken Jam Doa enda, bengket kita ku bas paksa teneng. 

----Iiringi alunan musik Pribadi Yang Mengenal Hatiku---

MC: PERMATA GBKP si nikelengi Tuhan, selain Dibata, isekin si nandai dirindu seh ku ukurndu si mbagesna? Isekin si meteh sura-surandu sedekah enda? Janah isekin si ngangkai perbebenndu, ukurndu si latih, masalah si ibuni-bunikenndu e? Ise pe lang, seakatan Dibata. Pujilah Dibata si man baNa labo banci terligen kai-kai pe. Mari bengket kam ku bas Paksa Teneng guna ngukuri uga Mbisa na Tuhanta e, alu bage keke ukurndu guna muji gelarNa si Mbelin.

---Iiringi alunan musik KEE GBKP No. 359 "Kerina Anak Tuhan"---

Rende: KEE GBKP No. 311: "Pujilah Tendingku" (3x) 

MC: Ertoto dage kam ibas pusuhndu, puji-puji Tuhan e ibas totondu penangkihlah pujinndu man Tuhan asa beluhndu ibas totondu sekalak-sekalak.

---Iiringi alunan musik KEE GBKP No. 3.11 "Pujilah Tendingku"--- 

MC: Kekelengen Tuhan, itandaindu nge ise kam sedekah enda? Ietehndu, kin ise si nggeluh ibas kam? Janah pe erdandanken ise kin kam geluh i doni enda? 

Perp: Tuhan, ngaku aku maka sedekah enda labo kutandai ise kin aku situhuna.. lupa aku maka Kristus kap singgeluh ibas aku, lupa aku erkiteken Kam, erkiteken kinitekenku man baNdu kap maka aku nggeluh idoni enda genduari o Tuhan.. kuakuen salahku Tuhan, lepak penandaiku sedekah enda, alemi kal aku...

Rende: KEE GBKP No. 446:2 "Dosangku Majekkensa" (3x) 

MC: Kekelengen Tuhan, ibas kam nggeluhken geluhndu i doni enda, itandai kalak sideban nge kam selaku kula ni Kristus ? Ketandan nge kam anak-anak Dibata? Idah doni enda nge kinitekenndu erbuah bas lagu langkah, pengerana ras perukurenndu? 

Perp: Tuhan, ngaku aku, ibas aku ndalani geluhku, maun labo itandai kalak aku enda salah sada ring-ring ibas kula-Ndu. Labo kap aku ketandan anak-Ndu, sebab labo iidah doni enda buah kinitekenndu ibas lagu langkahku, ibas pengeranaku, bagepe ibas perukurenku o Tuhan... kuakuken salahku Tuhan, lepak perbahanenku sedekah enda, o Tuhan ola kal i tak-taki-Ndu kejahaten ras dosa-dosaku, ula kal aku i ukum-Ndu, alemi kal aku... 

Rende: KEE GBKP No. 446: 3 "Dosangku Majekkensa" (3x) 

MC: Tole nina TUHAN, "Marilah maka si dungi cakapta enda. Kam nggo erkubang-kubang ibahan dosa, tapi kuperidi kam maka bersih bagi salju. Aminna gia erkiteken dosandu kam nggo mbiring bagi tengguang, mulihi kam jadi mbentar bagi kapas. Adi kam patuh man bangKu, ipanndu me kai si mehuli ulih tanehndu ena." 

Rende: KEE GBKP No. 477 "Demi Pusuhku O Tuhan" (3x) 

Perp: Bujur Tuhan, demi pusuhku, kuasailah aku.... 

MC: Demilah dirindu salu Kesah Tuhan, demi dirindu salu Kata-Na. Baba pusuhndu desken tambe ku pancur Tuhan. 

Rende KEE GBKP No. 468:1-2 "Tuhan Demi Aku Salu KesahNdu

Renungen

Nas: Galati 2:20

namun aku hidup, tetapi bukan lagi aku sendiri yang hidup, melainkan Kristus yang hidup di dalam aku. Dan hidupku yang kuhidupi sekarang di dalam daging, adalah hidup oleh iman dalam Anak Allah yang telah mengasihi aku dan menyerahkan diri-Nya untuk aku.

Tema : Kristus Si Nggeluh Ibas Aku
    PERMATA GBKP sinikelengi Tuhan, entah bagaimanapun juga yang kam pahami selama ini, satu hal yang harus kam ketahui bahwa entah bagaimana pun juga Kristus sendirilah yang menjadi pelaku segala perbuatan hidup orang Kristen. Enda ngatakenca man banta kerina aminpe genduari kita nggeluh ibas kula denga namun geluhta enggo irohaniken erkiteken kiniteken. Arah Galatia 2:20 ituriken Paulus uga kinata kegeluhen enda, secara menyeluruh iturikenna uga kerna situasi si sangana terjadi. Baik ibas pribadi bagepe ibas rasul-rasul sideban si lit i Jerusalem. Perpulungen Galati banci alu menukah ngidah langsung kepalsuan siituduhken bana, bagepe kinilangasupen, kelemahenna ibas nggitna murtad arah kinitekenna.  Kam pe, selaku PERMATA GBKP barangkali iidahndu nge langsung uga kepalsuan si lit idoni enda, idahndu pe kinilangasupen, kelepaken, kelemahen kalak Kristen ibas mpertahanken kinitekenna, atau kinilangasupenndu, lepakndu, kelemahenndu selaku PERMATA GBKP ibas njagai kinitekenndu man Tuhan, piga-piga pe idahndu lit PERMATA GBKP si labo segan-segan murtad ibas kinitekenna erkiteken ate ngena.
    Adi kelemahen bagepe ketidaktetapan hati PERMATA GBKP ipediat bage-bage saja, maka alu mesukah PERMATA GBKP jadi goyah ibas ndalanken kewajibenna man Dibata, alu sebab merincuh mpesenangken pusuhna, pusuh kalak sideban alu cara si la payo ibas Dibata. Bagepe megegeh pengaruh contoh-contoh si lit si enggo idahndu ibas kalak Kristen si mungkin ibas waktu lepas tutus kal atena, tapi monce ka dungna ibas kinitekenna.
    Amin bage gia, kam PERMATA GBKP ola bage. Ula sia-siaken kematen Kristus. Ingetlah lalap sitersurat ibas Galati 2:20 enda, maka Lanai aku singgeluh, tapi kristus si nggeluh ibas aku. Kegeluhenku si genduari i bas doni enda kugeluhken erdandanken kiniteken man Anak Dibata, si ngkelengi aku dingen ngendesken DiriNa man gunangku.
    Entah kuga gia enggo perdalan geluhta paksa enda, bagi kalak si ibas proses rehabilitasilah kita. Sekalak pecandu NARKOBA banci seh kel menderitana, kulana siterbiasa mengkonsumsi obat-obatan, tersiksa erkiteken kulana menagih dosis si biasa ialokenna. Tapi adi megenggeng ia, terbentasina tahap sie, kulana mulihken normal, sehat, mejuah-juah tanpa harus mengkonsumsi NARKOBA. Alu bage sipecandu banci hidup baru tanpa bergantung pada obat-obat yang terlarang, yang menghancurkan dirinya. Kulana bersih, lanai ikuasai narkoba, janah ibas ia pulih e, ia dungna jadi penyemangat man jiwa-jiwa sisangana proses pemulihen. Kam pe bage, kuga gia kecibal geluhndu genduari enda, ula segan-segan, ula kam ertahan, masukilah tahap rehabilitasi e, pulihken dirindu, ulihken kondisi geluhndu bagi siarusna kalak Kristen nggeluh i doni enda selaku tubuh Kristus. Tuhan pasti nampati kam guna ndalanken singena ateNa. Adi kin tandaindu dirindu, enda me dirindu: "HIDUPKU BUKANNYA AKU LAGI TAPI YESUS DALAMKU" 

Rende: "HIDUPKU BUKANNYA AKU LAGI TAPI YESUS DALAMKU" 

MC: Mari ertoto kam sekalak-sekalak guna dirindu, ibas pusuhndu sekalak-sekalak. Ertoto kam.
---iiringi alunan musik Hidupku Bukannya Aku Lagi Tapi Yesus Dalamku ---

MC: Mari siakuken kinitekenta bagi kerina kalak Kristen ibas kerina paksa ras ingan i doni enda.

Persembahen: Rende KEE GBKP No. 471 "Ermengkah Ukurku" 

Doa Persembahen + Sapaat + Pertoton Tuhan 

Rende: KEE GBKP No. 360 "Ibas Tuhan Aku Megegeh" (3x) 

Share this post