Pekan Kebaktian Penatalayanen GBKP Wari Pemena

LITURGI

PEKAN KEBAKTIAN PENATALAYANEN GBKP
WARI PEMENA, Minggu 18 Januarl 2026
Tema Umum : Nandal Dlbata SI Tuhu-tuhu ( Joh.17:3)

Perslkapen

• Pengurus PJJ ngaturken si mabai pertoton sapaat ras mpelajari kerina lagu-lagu

Pra lbadah

Sayang-sayang disayang
Aku disayang Tuhan
Aku diangkat jadi anakNya
Aku disayang Tuhan
Glory..Glory...Glory...Haleluya} 2x
Glory..Glory...Puji Tuhan

Bapa Abraham Mempunyai
Banyak sekali anak-anak
Aku anaknya dan kau juga
Mari Puji Tuhan
Tangan kanan, tangan kiri,
Kaki kanan, Kaki Kiri
Kepala Goyang, Lalu duduk

Kata Penaruh

Mejuah-juah man bandu kerina perpulungen ni Tuhan. Sikataken bujur man Tuhan si nggo masu-masu kegeluhenta, seh maka nggo kita iatankenNa bengket ku bas tahun si mbaru, tahun 2026 alu dem kejuah-juahen. E maka mari salamen lebe kita kerina, entah enda sada denga nge kita jumpa ras temanta sada perpulungen bas tahun si mbaru enda. Ninta man temanta "selamat tahun baru teman"

Tahun enda rikutken keputusen gerejanta maka bengket me kita ku bas sasaren pelayanen 2026-2030 eme " penguaten spiritualitas personal berbasis keluarga" alu focus tahun enda eme " relasi dengan Tuhan ( Nandai Dibata ). Spiritualitas tentu ibenari alu kengasupen nandai dingen encidahlcen kekelengen man Dibata. Relasi si rembak ras Dibata jadi salah sada dalan mpegegehi spiritualitas. Bagenda me i bas pekan penatalayanen si pitu wari enda ibabai me kita ku bas penandai Dibata alu payo i bas kerina dampar kegeluhenta.

Man bandu serayan Tuhan si wari enda mabai kebaktin enda ibabai kami kam bas pertoton gelah Dibata si ngajari kam i bas pelayanenta wari enda.

---Ertoto---

---Perpulungen Tedis---

Mari dage sibenai kebaktinta wari enda alu ras kerina kita rende KEE GBKP No. 1 :1-2
O, Dibata si mulia, Si ng'rajai doni e
Kasa kai kin masap gia, T'rangNdu Bapa la bene
Asum ben kelewet kami, Tah erbage susah p'rang
Bapa sinaruhken kami, Kam kap matawari t'rang

Ibas dalin ni Dibata, I bas perbahanenNa
Tangkas ukur tangkas kata, la kap lit pandangenna
Ntabeh pagit gia bangku, Sinik nari aku pe
Kutera pe kerajangku, Tuhan si metehsa e.

Kebaktin
Votum-Salani-Invocation

L I bas gelar Dibata Bapa, i bas gelar AnakNa Jesus Kristus, ras i bas gelar Kesah Si Badia. Penampat man banta (ndu) reh i bas Jahwe nari simereken kegeluhen man banta (bandu) sekalak-sekalak. Amin.

P Amin...Amin...Amin.. ( iendeken )

L Marilah sicubalcen nandai Tuhan. Bagi Matawari la banci pultak arah kenjulu, dingen udan si pemena !a banci la ndabuh mernald taneh, bage me IA pe la banci la reh ndahi kita ( Hos. 6:3)".

Erpalasken kata Dibata enda, mari si puji IA alu ras kita rende KEE GBKP No.213:1-3

Sipuji sipujilah lebe, Sipuji gelarNa sipuji me dage
Dibata Bapanta simada kuasa e, Sinasa kerina'nggo itepaNa pe
`Lah baci kita `rdame
Sipuji sipujilah lebe, Sipuji gelarNa sipuji me dage
AnakNa Si Tonggal em Jesus Kristus e
Si teklah man baNa ikeliniNa pe, `Lah ola kita bene

Sipuji sipuji sipujilah lebe, Sipuji gelarNa sipuji me dage
Kesah Si Badia Penampat me jine,
Ib'reNa gegehta ngelawan dosa e, `Lah ola kita kote

-------Perp. Kundul ---------

Penandai ras Pujin man Dibata

L Dibata kap sinepa doni ras isina kerina

P Itandai kami kam o Tuhan arah kerina tinepaNdu, Tuhu mejile dingen sikap kerina bekas tinepaNdu. Uruk uruk, lawit, rubia-rubia, sinuan-sinuan si erbage-bage jadi saksi dingen bukti kema ulina bekas tinepaNdu.

L Dibata e perkuah dingen bujur kap, Dibatanta e perkeleng kap.

P Itandai kami Kam o Tuhan arah keleng ateNdu nandangi kami. Keleng ateNdu isaksiken ibas Pustaka Si Badia. Kam kap sinemani kegeluhen bangsaNdu i bas kerina paksa. Kesaksin i bas Pustaka Si Badia si mpetetap ukur kami katawari paksa pe.

L Dibata kap si nginget dingen si masu-masu kita.

P Itandai kami pe Kam arah pasu-pasuNdu si simper nandangi kami o Tuhan. Alu erbage-bage cara ipasu-pasuNdu geluh kami, arah jabu, kesehatan, rejeki, ras sidebanna. La erngadi-ngadi pasu-pasuNdu bagi lau si maler ku bas kegeluhen kami.

L Tuhan Dibata si tetap jadi teman bas kegeluhenta.

P Itandai kami Kam arah .pengkawaliNdu kegeluhen kami o Tuhan. La kal nggo pernah i gejapken kami si sada kami i bas ndalani kegeluhen. Arah toto si ipenangkih kami kam baNdu igejap kami maka ibegikenNdu kerina sora pusuh kami. I bas keriahen dingen kepiceten la enggo pernah sekali pe la Kam ras kami.

L Tuhan kap si nebusi bangsaNa i bas dosa dosa nari.

P Itandai kami Kam arah perbahanenNdu si nggo nelamatken kami o Tuhan. Jesus nggo reh ku doni enda, mereken keselamaten man kami kerina manusia. Arah Jesus kami si ndube jadi budak dosa nggo isalihkenNa jadi anak-anak Dibata.

L Mari tole si puji Tuhan si enggo nemani kerina paksa kegeluhenta alu ras kita rende KEE GBKP No.2:1-2

Ipuji kami Kam, gelarNdu si mejin
O, Tuhan sinidas, si mekelek mbelin
Sinasa lit kepe i Surga ras i doni
Man Dibatanta e ras kita k'rina muji
Kam Si Badia e Kam tetap si `ngkawali
LiasNdu tangkas min i surga ras i doni

Kam lalap rnan pujin i bas ende-enden
`Rkiteken bujur kap mehuli peraten
Di reh nge pagi Kam ngukumsa pengarahen

Mekuah `teNdu min mb'ra ola kesalahen
La kalak kemalun si baNdulah emalem
Kam penundalenku e maka `teku malem

Pengakun Dosa

L Dosa ringan i bas pusuhta kerina. Si erbahanca lanai si tandai Dibata alu payo. Ukurta me usur sibaba, si megati lanai sendalananen ras sura-sura Dibata. Seh maka kerina si jadi bas kegeluhenta la erbahanca tambah penandaita kerna Dibata. Seh sura-suranta labo erbahanca tambah kinitekenta. Lit ka pe turah perbebenta e pe erbahanca erndauhkan kita ras IA.

P Iakuken kami dosa kami man baNdu o Tuhan. Paksa-paksa si jadi bas kegeluhen kami la kepeken nambahi penandai kami kerna Kam. Adi reh keriahen kami, megati e erbahanca turah meganjang ukur. Lanai iinget kami ise erbahanca maka ialoken kami keriahen kami e. Beluh kami ka nge iakap kami e kerina. Bagepe adi reh kepiceten, mis kang Kam iakap kami la payo. Salah Tuhan e kerina, bagem ningkami megati.

L Lit kita genduari sibuk lalap bas geluh enda, seh maka lanai lit waktu guna nandai Dibata alu payo. Lanai lit waktu ertoto, erminggu, ngikuti perpulungen. Lanai lit waktu megi-megi sora Dibata. Lanai pemah sora Dibata sibegi, erkiteken dekahan sora HP, WA, Tik-Tok, Facebook ras sidebanna nge sibegiken. Sora Tuhan nggo sigantiken ras sora si deban.

P Ngaku kami Tuhan, nggo jarang kal ibegiken kami soraNdu. Lanai pemah kami sada jabu ngoge Pustaka, ertoto ras-ras. Nggo isibukken kami bas pendahin kami. Nggo isibukken kami arah kerina teknologi si lit si erbahanca lanai ibegiken kami soraNdu.

L Mari tole siakuken salah lepakta man Tuhan alu ras kita rende KEE GBKP No. 190:1-3
Ola kal lupaken aku, O, Jesus Tuhan
Amin mbue kal dosangku, Masap k'rina ban
Reff : Jesus, Jesus, sampat akulah ,
Bas Kam saja aku pulah, Kep-kep akulah

O, Tuhan bere KesahNdu, Ku pusuhku e
PengapulNdu e man bangku, Ringan min ije Reff :

Aku jimpuh ilebenNdu, Ban tek aku pe .
Di ras Karn la ku talu, Ban gegehNdu e Reff :

----Perpulungen Tedis ----

Pengalemi Dosa

L Selaku persuruhen Dibata, aku nehken kataNa man banta (ndu) sierkadiola dingen nggit jera i bas dosa ras kelepakenta (ndu):
"Tole nina TUHAN, 'Marilah maka sidungi cakapta enda. Kam enggo erkubang-kubang ibahan dosa, tapi kuperidi karn maka bersih bagi salju. Aminna gia-erkiteken dosandu kam enggo mbiring bagi tengguang, mulihi kam jadi mbentar bagi kapas" (Jes 1:18 )

Mariah ukurta i bas kita enggo ngaloken padanNa, e maka rende kita i bas : KEE GBKP No. 269:1-3 Enggo masap dosangku, K'rina perban dareh Jesus
Malem ate tendingku, K'rina perban dareh Jesus
Reff : O, dareh Tuhanku, Si `ngkelini tendingku
Badia geluhku. K'rina perban dareh Jesus

Dame me kap pusuhku, K'rina perban dareh Jesus
Labo perban bujurku, K'rina perban dareh Jesus Reff :

Pengarapenku nteguh, K'rina perban dareh
Jesus Sangap geluhku tuhu, K'rina perban dareh Jesus Reff :

Kata Dibata

a. Ngogeken kata Dibata bagin si pemena Jeremia 9:23-24 (iogeken sekalak anak-anak )

L Ketuahen kalak simegiken kata Dibata dingen simakekenca i bas geluhna si teptep wari, Haleluya

P Haleluya... Haleluya... Hateluya...(iendeken)

b. Kotbah Johanes 17:1-5 (ibenai ras idungi alu pertoton )
Tema Nandai Dibata si Tuhu-Tuhu

----- Perp. Tedis ----

Pengakun Kiniteken

---- Perp. Kundul -----

Persembahen

L Kata Dibata si jadi palas man banta guna ngendesken persembahen pengataken bujurta e me Masmur 50:23 " Ngataken bujur e me persembahen si pehagaken Aku janah si patuh ngikutken Aku tentu Kukelini"

Tupung si endesken persembahenta ras kita rende i bas KEE 471:1

Ermengkah ukurku, ras ngatakcn bujur Tuhan
Kelengi min aku, Kam empu geluhku
Enda ngenca Tuhan persembahenku
Kerina geluhku kesah ras kulangku
La kap lit bas aku erta kebayaken
Si cukup meherga `lah ku persembahken
Sada ngenca Tuhan lit pemindonku
Aloken min Tuhan persembahenku
Pakeken geluhku jadi perkakasNdu
Segedang geluhku

Pertoton Persembahen ras Sapaat

Topik pertoton sapaat
• Notoken persembahan (ibabai sekalak anak)

• Ertoto gelah kerina perpulungen ngidah kegeluhenna jadi dalan nandai Dibata (ibabai sekalak Mamre)

• Ertoto gelab kerina jabu ikut i bas pekan penatalayanen sada ininggu enda (ibabai sekalak Moria)

• Ertoto gelah kerina Runggun sebelang-belang GBKP meteh kerna kerina program utama runggun i bas tahun enda rikutken GBP GBKP (ibabai sekalak Saitun)

• Notoken siturah bas perpulungen dingen tuan rumah wari si senda ras si pagi (ibabai simabai kebaktin)

----- Perpulungen Tedis -----

Perpadanen

L Nggo sialoken sura-sura Dibata i bas wari enda, mari dage si peseh padanta man Dibata.

P Bujur Tuhan Kam me Dibata si perkeleng, erpadan kami guna ngulihi ngerembakken diri kami ku Kam. Setia kami bas KataNdu. Nggeluh kami erpalasken sura-suraNdu.

L Tole i bas jabunta, kai tekadta ?

P Erpadan kami O Tuhan njadiken jabu kami jadi jabu si erkiniteken. Kata Dibata teridah arah cara nggeluh jabu kami, Sikeleng-kelengen, si sampat-sampaten dingen si ajar-ajaren kami. Sura-sura jabu kami pe lalap iendesken kami man banNdu.

L Bas Gereja, kai tole tekatta?

P Erpadan kami o Tuhan, guna njadiken gereja ingan kami pulung mpeturah kiniteken dingen persadan. Tutus ate kami pulung, gelah erpayona penandai kami nandangi kam o Tuhan.

L Mari dage si pepaguhi perpadanenta man Dibata alu ras kita rende KEE No. 201:1,4
Malem ate tuhu-tuhu, Siernalem man baNdu
Kam Dibata si `njadiken, langit ras doni enda.
Sal-saliNdu pusuh kami, Maka t'rangNdu tergejap
Kalak si tek la kap bene, `Ban kelengNdu e tetap

Aloken Kamlah o, Bapa, Kuendesken geluhku
kesahNdu min ngajarisa, Lah kuteh nembah baNdu
Pasu-pasu min kerina, Daging ukur, tendingku
Gelah arah tan ras kata, kupuji gelarNdu

Pertoton Tuhan

Pemasu-masun
L Laweslah ku bas kegeluhenta (ndu) si teptep wari, cidahkenlah persadanta (ndu) i bas Kristus, guna jadi gegehta (ndu) alokenlah pasu-pasu Dibata:
`Dibata sumbul kemalemen ate e gelah sincukupi keperlunta (ndu ) guna . ndalanekn si sentudu ras peratenNa. Janah Dibatalah erdahin i bas kita (kam) arah Jesus Kristus gelah kita (kam) ngelakoken kai si ngena ateNa. Man Kristuslah kemuliaan seh rasa lalap." Amin ( bdk Heb. 13:21)

P Amin...Amin...Amin... (iendeken)

Diskusi

1. Adi si oge mulih Johanes 17:3, uga nge sedekah enda pengertinta kerna kata "Dibata si tuhu-tuhu"? Uga kata enda siterapken sedekah enda?

2. Nina invocationta marilah sicubaken nandai Dibata. Tentu i bas si e perlu usaha. Kai nge usahanta subuk pribadi, jabu ras bas perpulungen tahun enda gelah erngasupna kita nandai Dibata alu payo, turiken.