Liturgi Pekan Kebaktian Penatalayanen GBKP Wari Peduaken
LITURGI
PEKAN KEBAKTIAN PENATALAYANEN GBKP
WARI PEDUAKEN, Senin, 19 Januarl 2026
Persikapen
1. Nikapken kerina alat-alat kebaktin
2. Mpepulung si man totonken bas doa sapaat
3. Siusahaken maka anak-anakta pe ikut i bas kebaktinta enda
KEBAKTIN
1. Kata Penaruh
Salam ras mejuah-juah i bas gelar Tuhanta Jesus Kristus. Perpulungen si ikelcngi Tuhan, sikataken bujur kempak Dibata si enggo naruhken dingen nemani bengket ku bas Tahun 2026 enda. Tentu si gejap kel tuhu-tuhu kuga penemani Dibata man banta kerina.Seh maka sehat ras mejuah-juah kita kerina mengketi tahun si mbaru enda. I bas berngi-si peduaken enda kita ibabai gelahna ngasup engkelengi Dibata arah kiniteken ras kinipatuhenta nandangi kerina perentah Dibata man banta. Kita ibabai tek nandangi kai si enggo irancangken Dibata, aminna pe melala tantangen i bas sie kerina. Kiniteken man Dibata, mabai manusia patuh dingen nggeluh i bas pengarapen. Seh maka ialokenna ulih si mbaru sinibereken Dibata man bana. Mari dage radu ras kita ertoto....
Tedislah kita kerina, i bas kita naruhken serayanta ngelai kebaktin enda sipujilah Tuhan Dibata alu radu ras kita rende arah ende-endenta : KEE No. 278:1,3 "Ku Dahi Rumah Persembahen"
Kudahi rumah persembahen, segelah aku jumpa Tuhan
Ban Ia sumbul keriahen, `nggo b'reNa bangku kesangapen
Reff : Ersada me anakNdu k'rina, bas kinileken tetap paguh
Bagem biak anak Dibata, tetap nembah ras muji gelarNdu
Begikenlah Kata Dibata, em kap si nerangi geluhta
Jadikenlah wari-warinta, penembahenta e man baNa
Reff : Ersada me anakNdu....
2. Votum + Salam
L I bas gelar Dibata Bapa si enggo nepa doni enda, I bas gelar Jesus Kristus si enggo nelamatken manusia,"ras i basgelar Kesah Si Badia si nemani ras engkawali manusia. Perkuah ate ras dame i bas Dibata Bapa, i bas Jesus Kristus nari ras i bas kerembaken Kesah Si Badia, ras kita (kam) kerina gelah. Amin
P Amin. Amin, Amin (Iendeken)
3. Invocatio
L "Sabab arah Berita Si Meriah tangkas uga Dibata ngerembakken manusia kempak diriNa. Si enda ibenaken i bas kiniteken janah erkedungen i bas kiniteken. Bagi lit tersurat i bas Pustaka Si Badia, " Kalak si enggo iperembakken Dibata kempak diriNa erkiteken kinitekenna nggeluh me ia." ( Rm. 1:17)
Si puji Tuhan : KEE No. 61:1,3 "Nggo Jumpa Ras Perkuah Ate"
Nggo jumpa ras perkuah ate, metunggung gia aku lang
I ban sie la aku mate, e maka 'te ku megedang
Perkuah ate Tuhan kin, perkuah ate Tuhan kin
Makana aku terkelin, makana aku terkelin
Perkuah ate Tuhan nari, penalemenku saja e
Ku puji Tuhan e gundari, si nginget aku lalap me
E maka las ukurku pe, e maka las ukurku pe
Ngikutken lalap Tuhan e, ngikutken lalap Tuhan e.
4. Tek man Pengkawali Dibata (Bdk. Msm. 62) (Perp. Kundul)
L Alu sinik kutimai Dibata ngkelini aku, sabab man baNa saja ngenca aku emalcm
P IA ngenca si ngkawali dingcn si ngkelini aku, IA penampatku, la ndigan pe aku talu.
L Alu teneng kutimai Dibata, pengarapenku man baNa saja ngenca.
P IA kap Dibata si ngkelini dingen mereken kemulian bangku, Dibata kap gegehku dingen kecionku.
L Pujilah Tuhan o kam tinepa Dibata, pujilah IA i bas perbahanendu. E maka si pujilah Tuhan arah ende-endenta: KEE No. 372:1-3 "Pujilah Tuhan si Badia"
Pujilah Tuhan si Badia, pujilah gelarNa si mbisa
Embus suling terompet cawir ban soraNa,
Puji Tuhan si mada k'rina tinepa
Suraklah o doni kerina, rende muliakenlah gelarNa
Bujur perbahanenNa, la pedas merawa
Puji Tuhanta i bas lias ateNa
O tendingku puji Dibata, alu dem keriahen pujilah
Kerina si erkesah, Ia si madasa
Puji Tuhan si Mada k'rina tinepa
5. Kinilangasupen Manusia Nandai Dibata
L Dibata tetap nuduhken perbahanen si mehuli bas kegeluhen manusia. Aminna pe manusia megati lupa nandangi kiniulin Dibata e. Tapi Ituduhken Dibata maka keleng ateNa man manusia tetap rasa lalap.
L Tangkas man bandu kuga keleng ate Dibata si mbelin e. ItuduhkenNa keleng ateNa aminna gia la icidahkenndu kegeluhen si mehuli i lebe-lebe Dibata.
P Ngaku kami Tuhan, megati kami lupa dingen la nggejapken keleng ateNdu e. Piahna ukur kami si ipebelin kami. Megati lanai itandai kami Kam arah perbahanenNdu man kami. Alemilah kami o Tuhan....
L Marilah siakuken tole kinilangsupenta i lebe-lebe Dibata arah ende-endenta : KEE No. 462:1-2 "Jesus Tuhanku"
Jesus Tuhanku Penalcmenku
La lit gcgehku, sampatilah aku
Sampat aku Tuhan, sampat aku Tuhan Sampat aku Tuhan, sampat o Bapa}2x
Jesus Tuhanku penalemenku
Aru ateku, kundesken man baNdu
Sampat aku Tuhan, sampat aku Tuhan Sampat aku Tuhan, sampat o Bapa }2x
6. Padan Dibata man Manusia Perp. Tedis
L Kata Dibata si jadi palas man kalak si tek : "Nina TUHAN : Ngena ateku kebujuren, tapi ciga ateku penindasen ras kejahalen. Man bangsaku la banci lang letap Kubereken upahna, janah Kubahan perpadanen si nteguh rasa lalap ras ia"( Jes. 61:8 ).
Si puji Tuhan : KEE No. 454:1,3 "Bujur Man BaNdu Tuhan".
Amin dosaku mbue la terkira, si erban ndauh ras Kam Tuhan.
Tapi keleng ateNdu tangkas Tuhan, la taktakiNdu dosangku
Reff : Bujur man baNdu Tuhan, ban ialemi dosangku
Meriah kal ukurku, Tuhan nasapken dosangku
Pusuhku enggo iplimbaruiNa, p'raten doni lanai erkuasa
P'rayakenku ndalanken peratenNa, kesangapen ib'rekenNa
Reff : Bujur man baNdu Tuhan .....
7. Kata Dibata (Perp. Kundul)
a. Ngoge Kata Dibata Bagin Si Pentena ( Kejadin 26:1-5)
L : Ketuahen kalak si megiken Kata Dibata, dingen si makekenca i bas geluhna si tep tep wari, Haleluya
P : Haleluya, Haleluya, Haleluya ( iendeken )
b. Khotbah : Heber 11 : 8-12
Tema : TEK DINGEN PATUH MAN DIBATA
8. Pengakun Kiniteken (Perp. Tedis)
9. Persembahen Pengataken Bujur (Perp. Kundul )
a. Kata Dibata si jadi palas i bas nehken persembahen, emekap :
"Ngataken bujur c me persembahen si pehagaken Aku janah si patuh ngikutken Aku tentu kukelini." ( Msm. 50:23 ).
b. Iherta ngendesken persembahen, ras kita rende arah ende-endenta : KEE No. 171:1,2 " Gelar Tuhan Jesus Kristus"
Gelar Tuhan Jesus Kristus, lit seh si rasa lalap
Gelar Jesus maba dame keriahen si tetap
Reff : Pemasu-masuna lit me, man k'rina manusia
IdiloNa kita k'rina ku bas kesenangen e
GeIar Jesus erkuasa man kerina tinepa
Ise gia mindo baNa tentu isampatiNa
Reff: Pemasu-masunna lit me....
c. Pertoton Persembahen ras Sapaat
10. Perpadanen (Perp.Tedis)
L Dibata nehken sura-sura ras perentahNa man bandu gelah jadi kesaksin i bas kegeluhenndu.
P Erpadan kami Tuhan, ndalanken kerina sura-sura ras siniperentahkcn Dibata bas kegeluhen kami.
L Dibata ngutus kalak si tek dingen iperlengkapiNa lako ndalani misi Dibata bas doni enda.
P Erpadan kami Tuhan alu dem kiniteken ras kinipatuhen icidahken kami perbahanen si mehuli man doni enda.
L Si peteguhi perpadanenta arah ende-endenta :
KEE No. 75:1,3 "Tetapkenlah Ukurta"
Tetapkenlah ukurta, ngikutken Jesus e
Si gelemlah pedahNa, tutus ateta pe
Piher tendinta e, ban ia penalemen
Kesusahen i doni, talu ibanNa pe
Piherkenlah ukurta ngelawan dosa e
Pinterkenlah dalinta, ngikutken Jesus e
Kesikel dosa e, em kap man tadingenken
Tudu ras Kata Tuhan, si ngepken kita kin
11. Pertoton Tuhan
12. Pemasu-masun
L Tetaplah kita (kam) nggeluh erkemalangen man Dibata, gelah idah doni enda biak-biak si mehuli i bas kam nari. Guna jadi gegehta (ndu), alokcnlah pasu-pasu idur Dibata nari :
"Ipasu-pasu janah ikawali Dibata kita (kam), siang ayo Dibata ersinalsal ibabonta (ndu). Janah melias ate-Na ngenehen kita (kam). Itatap Dibata ku kita (kam), janah malem ateta (ndu) ibahan-Na. " Amin
P Amin, Amin, Amin (iendeken)
Diskusi
1. Turikenlah i bas dampar kai kiniteken Abraham ras Sara teridah dingen jadi usihen man kalak si tek?
2. Tek nge kam, maka kam enggo iselamatken ? Kai arusna sibahan selako kalak si nggo iselamatken?
0 Response to "Liturgi Pekan Kebaktian Penatalayanen GBKP Wari Peduaken"
Post a Comment