Liturgi Pekan Kebaktian Penatalayanen GBKP Wari Pelimaken

LITURGI
PEKAN KEBAKTIAN PENATALAYANEN GBKP

WARI PELIMAKEN, Kamis, 22 Januari 2026

I. PERSIKAPEN
• Pengurus PJJ nikapken kerina perlengkapen guna kebaktin. Adi secara zoom isikapken kelengkapen link na.
• Ngaturken topik pertoton sapaat si man totonken
• Asa bancina kerina ende-enden enggo ipelajari song leader bas sektor.
• Asa bancina ilitken musing pengiring : gitar / keyboard / musik digital.

II. KEBAKTIN
1. Kata Penaruh (ibabai serayan Tuhan /runggun gereja )
Mejuah-juah man banta kerina, tetap sikataken bujur man Dibata erkiteken kekelengenNa si la ersibar man banta seh maka banci denga kita ngikuti Pekan Kebaktiii. Penatayalanen wari pelimaken enda.

Arah kebaktin enda:kita ibabai guna banci erkemalangen man Dibata, gelah alu bage i bas erbage-bage situasi kegeluhen tetap kita ngasup janah arah geluhta terpuji gelar Tuhan simada gereja.

E maka mari dage sipesikap pusuh perukurenta ngikuti Pekan Kebaktin Penatayalanen enda alu mehuli, jenari tertata tuhu kinitekenta man Tuhan, janah sip indo Kesah Si Badia nampati kita nggeluh erkemalangen man Dibata seh maka tangkas sura-sura Dibata man banta sekalak-sekalak. Mari dage sibenaken kebaktinta i bas pertoton.

2. Ertoto

3. Rende KEE No. 395:1-2 " Si Pujilah Tuhanta E" ( Perp. Tedis)
1. Sipujilah Tuhan e, Dibatanta si erkuasa
La ersibar kuasaNa, liasNa 'nggo tetap .
Reff : Marilah kita kerina, sipuji Tuhan `bas geluhta
Mbelin kekelengenNa banta flina segedang geluhta
2. Sipujilah Tuhanta e,singerajOsa kerinana
E maka kerajang jelma, mehuli jadina
Reff:...

4. Votum-Salam
L   I bas gelar Dibata. Bapa, anakNa Jesus Kristus ras i bas gelar Kesah Si Badia
   Perkuah ate ras dame i bas Dibata Bapa, i bas Jesus Kristus nari, i bas kerembaken Kesah Si Badia ras kita (kam) kerina gelah. Amin
P   Amin..amin....amin..(iendeken)

5. Invocatio
"Sisampat-sampatenlah kam i bas maba baban geluh enda. Alu bage isehkenndu kap undang-undang Kristus". (Gal. 6:2)

6. Rende KEE No. 59:1-2 Keleng AteNdu Tangkas Bangku"
1. Keleng ateNdu tangkas bangku, si ku pujiken lalap min.
   Kam Tuhan Jesus me Rsajangku, si erkeleng man bangku kin
   Madin keleng ateNdu kuinget, asangken k'rajangku me tersinget
2. Kam sindarami aku rusur, tedeh ateNdu aku e
   Bena-benana aku `ngkusur, Kam nari nalukenca pe
   Ipilih Kam me kap tendingku, ku pilih Kam pe man Tuhanku

7. Pujin Man Dibata (Bdk Msm. 62)       (Perp. Kundul)
L   Alu sinik kutimai Dibata ngekelini aku, sabab man baNa saja ngenca aku emalem
P Ia ngena si ngkawali dingen si ngkelini aku, IA penampatku, la ndigan pe aku talu
L   Alu teneng ku timai Dibata, man baNa saja aku erpengarapen.
P   IA ngenca si ngkawali aku dingen engkelini aku, IA penampatku, la ndigan pe aku talu.
L   IA kap Dibata si ngkelini dingen mereken kemulian bangku, Dibata kap gegehku dingen kecionku.
P O bangsaku, ernalemlah man Dibata katawari pe, turiken isi pusuhndu man baNa, sabab IA kap ingan
L   Si puji Tuhan si mereken kegeluhen man banta alu ngendeken..

8. Rende No. 202 :1,3 "Ernalem Gelah Man Jesus"
1. Ernalem gelah man Jesus, kula ukur tendingku
   Endesken geluhndu baNa, Keleng ateNa bandu
   Reff : Emalem gelah, tutus min gelah
          O Jesusku bahan aku, ernalem gelah

3. Ola lupa `rtoto baNa, ras kataken bujur pe
Mbue kapen pemereNa, ola lupa kita e
Reff : ...

9. Pengakun kerna kinilangasupen nggeluh ernalem man Dibata
L   Dibata kap ulu kegeluhenta. IA me sierkuasa i bas kerina dampar geluhta.
P   Ngaku aku o Tuhan, megati aku nirangi Kam, maun-maun la ku gejap Kam siengkawali aku.
L   Dibata kap ulu kegeluhen. Ia me Bapa si negu-negu dingen si nemani perdalanen geluhta alu dem kekelengen.
P   Ngaku aku Tuhan megati denga aku ngelukken kekelengen smiberekeriNdu man bangku
L   Marilah siakuken kinilangasupen nggeluh ndalanken si ngena ate Dibata alu ngendeken :

10. Rende KEE No. 233:1-2 "Si Bas Dosa Kin Ercebah "
1. Si bas dosa kin ercebah, ola nai min dage pedekah-dekah
   Tuhan Jesus `nggo ertenah, itimaiNa me kam wari si sendah
   Reff : Minter dahi Tuhan Jesus si melias
            Je turiken dosa alu telkas
          `Lah darehNa mbersihkena seh melikas
            Maka banNa enggo kelas
2. Gia `nggo luka iban dosa, i bas Tuhan `nggo lit me kap tawarna
   IA ban si pekenasa, gelah ola pagi jumpa kelesa
   Reff : ...

11. Berita pengalemi dosa (Perp. Tedis)
L Selaku persuruhen Dibata, aku nehken kataNa man banta (ndu), nina:
"Marilah, maka si dungi cakapta enda. Kam enggo erkubang-kubang ibahan dosa, tapi Kuperidi kam maka bersih bagi salju. Aminna gia erkiteken dosandu kam enggo mbiring bagi tengguang, mulihi kam jadi mbentar bagi kapas.."(Jes. I :18)

12. Rende KEE No. 402 :1,3 "Perban Keleng Atendu"
1. Perban keieng ateNdu, tebusiNdu geluhku
   Alu mambur darehNdu, geluhku jadi mbaru
Reff : Asa ngasup gegehku, ku ikutken kataNdu
        Jesus Kam siperkuah, kupuji ras ku sembah
3. Perban keleng ateNdu, jadikenNdu geluhku
   Meherga ras erguna, desken batu permata. Reff : ...

--- Perp. Kundul ---

13. Kata Dihata
a. Ngoge Kata Dil!ata Johanes 2:1-12. (Iogeken Si mada Jabu)
L Ketuahen kalak si megiken kata Dibata dingen simakekenca bas geluhna si teptep wari. Haleluya
P Haleluya..Haleluya..Haleluya (iendeken)

b. Renungen. (Ibenari ras lujungi alu pertoton)
Kotbah Kejadin 18:17-19
Tema Erkemalangen Mn Dibata .

14. Pengakun Kiniteken (Perp. Tedis)

15. Persembahen            (Perp. Kundul )
L   Kata Dibata si jadi palas bas kita ngendesken persembahenta "Nembahlah man Tuhan alu ukur meriah, dahilah ku adep-adepenNa janah rende meriah" (Msm. 100:2)
   Tupung ngendesken, persenibahenta, sipuji Tuhan alu ras kita muji Tuhan:
Rende KEE No. 385:1-3 "Babalah Persembahen Simerimna"
1.   Babalah persembahen si merimna, ku adep-adepen Dibatanta
       Sehkenlah puji-pujin si mehaga, man Tuhan Dibata si Badia
       S'bab IA simada kerina, si lit bas geluh enda
       Kataken bujur arah g'luhta, terpuji gelah Tuhanta
2.   Ajari kami make pemerendu, guna mpehaga Kam o Tuhanku
       Jadi e pe pebelangken kataNdu, i bas kegeluhen doni enda
       `Lah gegeh ras pengertin kami, seh jadi pasu-pasu
       Man k'rina kpgeluhen enda, terpuji gelar Tuhan
3.    Kami nehken persembahen o Tuhan, mpehaga Kam si mada kerina
      Enda me gancih diri kami Tuhan, jadi alatNdu bas doni enda
       Bagepe kegeluhen kami, i bas pertibi enda;
       Jadi persembahen si nggeluh, Terpuji gelar Tuhan

16. Perpadanen man Tuhan Dibata (Perp. Tedis)

L   Turang ras senina kekelengen Tuhan tetap kap seh man banta si emalem kempak IA segedang-gedang geluhta. Uga dage ninta?
P   Erpadan kami Tuhan, guna tetap ernalem man baNdu saja segedang-gedang geluh kami.
L   Tuhan Dibata tetap nehken kekelengenNa man banta (ndu), ia me ingan cicio si paguh enteguh. Uga dage ninta (ndu)?
P   Erpadan aku Tuhan guna tetap tutus erkemalangen man baNdu, erkiteken Kam ingan ku cicio seh rasa lalap.
L   Tuhan lah si mpegegehi kam guna ndalanken si enggo ipadankenndu
P Amin

17. Rende KEE No. 350:1-2 "Kelengi Kebenaren"
1. Kelengi kebenaren,pedauhlah si jahat
Pakeken kata Tuhan, tahan rasa lalap
Nggeluhlah alu bujur, meteruk ukur kin
Dalanken kebenaren maka ukur teneng
Reff : Erjaga-jagalah reh me wari Tuhan
Ersikap-sikaplah pake kata Tuhan
2. Darami si mehuli, pedauh min si ilat
Megermet bas keg'luhen make pedah Tuhan
Lakokenlah si adil, i bas kegeluhen
Bageme pedah Tuhan tetap sidalanken
Reff : ...

18. Pertoton Tuhan

19. Pemasu-masun
L Berelah dirindu guna tetap ikelengi Dibata, janah sikeleng-kelengenlah kam sapih kami manusia janah pakekenlah kerina silit i bas kam guna ngkelengi gerejaNa. Guna jadi gegehndu, alokenlah pasu-pasu idur Dibata nari : "Ipasu-pasu janah ikawali Dibata kita (kam), siang ayo Dibata ersinalsal ibabonta (ndu), janah melias ateNa ngenehen kita (kam). Itatap Dibata ku kita (kam) janah malem ateta (ndu) ibahanNa."Amin
P Amin..Amin..Amin.. (iendeken)

III. Diskusi ras Aksi

1. Oge ulihi bahanta Kejadian nina Tuhan kusehken pagi man bana kasa kai si nggo ku padanken". Kai pengertinta kerna ayat enda man banta sekalak-sekalak ?.Turiken
2. Marilah sicidahken aksinta arah ngendeken lagu "Ku kasihi kau dengan kasih Tuhan" sibahan gerakenna janah sividioken gelah sitamaken bas media sosialta. Gelah alu bage reh teremna kita sikeleng-kelengen i bas keleng ate sinibereken Dibata man banta.
Lirik laguna "Ku Kasihi Kau Dengan Kasih Tuhan"
Ku kasihi kau dengan kasih.Tuhan
Ku kasihi kau dengan kasih Tuhan
Ku lihat diwajahmu kemuliaan Raja
Kukasihi kau dengan kasih Tuhan.

Bagaimana aku harus mengatakannya
Perasaan yang ada dihatiku
Tuhan tolong aku harus mengatakannya
Ku kasihi kau dengan kasih Tuhan

Ku kasihi kau dengan kasih Tuhan
Ku kasihi kau dengan kasih Tuhan
Ku lihat di wajah mu kemuliaan Raja
Ku kasihi kau dengan kasih Tuhan

Pdt. Oktoria br Surbakti, M.Th

HP/WA : 081376206662