Liturgi Kebaktian Penatalayanen GBKP Wari Peenemken
LITURGI
KEBAKTIAN PENATALAYANEN GBKP
WARI PEENEMKEN, Jumat, 23 Januari 2026
A. KEBAKTIN PERSIKAPEN
• Mpelajari lagu-lagu
• Nikapken kerina perlengkapen guna kebaktin dingen ngaturken sumat bagin i bas kebaktin
• Si usahaken maka Bapa, Nande, anak ikut muat bagin i bas kebaktin Pekan Penatalayen enda
• Perdalanen Kebaktin i bas kundul ntah tedis ilakoken sue ras situasi.
B. KEBAKTIN
1. Kata Pengalo-ngalo
Turang ras senina i bas Tuhan Yesus Kristus, selaku serayan Tuhan ikataken kami. syalom ras mejuah-juah banta kerina! Kepulungenta wari enda tuhu-tuhu nambahi keriahen man banta kerina.. I bas Pekan Kebaktin Pelayanenta wari peenemken enda kita ipersingeti eme dalan Dibata ncidahken keleng ateNa nandangi doni enda. Gerejanta labo terjeng gedung ingan pulung-pulung si sikap man tatapen, tapi gereja e me ingan si Badia, ingan mpepaguhi kiniersadanta ras Dibata dingen temanta manusia bagepe inganta ngerespon keleng ate Tuhan arah kiniteken ras perbahanen si mehuli
Mari dage sipesikap ukurta enembah man Dibata si mada gereja, arah pertotonta...
--- Perp. Tedis ---
Rende KEE No. 57 : 1,2 "Nggo lata Pulung I Lebe"
'Nggo kita pulung i lebe, Tuhanta si mbelin
Ersadalah totonta e, Ras `nde-enden puji
O Tuhanku si nasa lit, pematang i bas kam
E banci kin la kam nggit mehaga ndahi Kam?
2. Votum —Salam
L Ibas gelar Dibata Bapa Si Mada Gereja, i bas gelar Jesus Kristus takal perpulungen, ras i bas gelar Kesah Si Badia si mpengasup kita (kam) guna ngidah kemulian Dibata. Perkuah ate ras dame i bas Dibata Bapa, ras i bas Tuhan Jesus Kristus, ras i bas kerembaken Kesah si Badia, ras kita (kam) kerina gelah. Amin
P Amin..Amin..Amin... (Iendeken)
3. Berita Kerna Perbahanen Ras Surassura Dibata ( Invocatio)
L "Ola kita la reh ku perpulungen, bagi si ibahan- piga-piga seninanta. Tapi lebih asa si e siilah-iahenlah kita sabab sieteh maka wari Tuhan, e me wari kerehenNa , reh me "( Heber 10:25 )
Erpalaske kata Dibata enda, si puji IA alu ras kita ngendeken : KEE No. 350:1-2 "Kelengi Kebenaren"
1. Kelengi kebenaren pedauhlah si jahat
Pakeken kata Tuhan, tahan rasa lalap
Nggeluhlah alu bujur meteruk ukur kin
Dalanken kebenaren maka ukur teneng
Reff : Erjaga-jagalah reh me wari Tuhan
Ersikap-sikaplah pake kata Tuhan
2. Darami simehuli pedauh min si ilat
Megermet bas keg'luhen make pedah Tuhan
Lakokenlah si adil i bas kegeluhen
Bage me pedah Tuhan tetap si dalanken
Reff : ...
4. Pujin Man Kemulian Dibata (Perp. Kundul)
L Icidahken Tuhan kap keleng ateNa arah gerejaNa, sura-sura Dibata gelah tetap kita ersada arih muat bagin i bas dahin-dahin pelayanen gerejaNa.
P Ipuji dingen imuliaken kami Tuhan, Kam enggo mereken gerejaNdu ingan kami ersembah ras ingan kami ersada arih ndalanken sura-suraNdu. KuasaNdulah jadi pengerakut kiniersadan kami. Amin
L Sipuji Tuhan alu ras kita rende arah KEE No. 348: 1,7 "Ersembah Perlu I bas Doni Enda"
Ersembah perlu i bas doni enda
E desken bingkai bas kegeluhenta
Ersembah em pedah kata Dibata
Pehaga Tuhan bas kegeluhenta
Ersembah em kap geluh teptep wari
Lagu langkahta ncidahken mehuli
Mari ersembah Dibata si dahi
Cidahken ukur erbahan mehuli
5. Kinata Kegeluhen Mannsia Selaku Gereja
L Gerejanta GBKP e me tanda kehadiren Dibata i tengah-tengah doni enda? Kuga nge ketutusenta i bas engkelengi gerejaNa, alu aktif ras muat bagin i bas dahin-dahin pelayanen gereja, sibuk ersekutu, ersaksi ras ngelai? I bas paksa teneng, marilah sigejapken salah lepakta iadep-adepen Dibata.
----------- (Paksa Teneng i iringi musik instrumental) -------
L Adi siperdiateken kecibal kegeluhenta secara pribadi, sieteh nge maka sura-sura Tuhan gelah kita kerina ersada arih guna nehken kekelengen, erBerita Si Meriah subuk nandangi keluarga, teman sada perpulungen ras masyarakat. Enggo nge ndia sidalanken sura-sura Tuhan e? I bas paksa teneng, marilah sigejapken salah lepakta i adep-adepen Dibata.
-------- ( Paksa Teneng i iringi music instrumental ) ---------
L Mari dage siakuken dosa ras kinilangasupenta nehken tanggung jabapta i bas gereja Tuhan, alu ngendeken : KEE No. 446: 1,2 "Dosangku majekkensa"
1. Dosangku majekkensa
SilangNdu Tuhanku
Salahku kap erbahansa
Nggo mambur darehNdu
kesahNdu asamkenNdu
Gunangku Tuhanku
Bagem pengkelengNdu
K'rina igengkenNdu
2. Ersembah mungkuk aku
Iadep-adepenNdu
Kerina kuakuken
`lah itebusiNdu
Bagem pengarapenku
Em isi pusuhku
Mekuah min ateNdu
Kam kap Penebusku
6. Berita Pengalemi Dosa ( Perp. Tedis )
L Dengkehken dage kata. Dibata kerna pengalemi dosa, man banta (ndu) si nggejap dingen ngakuken dosa-dosanta (ndu). Selaku persuruhen Dibata, aku nehken kataNa man banta (ndu) kerina si enggo ngakuken. dosa-dosanta (ndu). Nina Tuhan:
Nai mate pertendinta (ndu) erkiteken dosa-dosanta (ndu), dingen erkiteken kita (kam) la ngikutken perentah-perentah Dibata. Tapi genduari enggo ipegeluh Dibata kita (kam) ras Kristus, kerina dosa-dosanta (ndu) enggo ialemi Dibata. ( Kolose 2:13 )
Meriah ukurta i bas kita enggo ngaloken pengalemi dosa idur Dibata nari, e maka rende sipuji IA ngendeken : KEE No. 500:1,2 "Perkuah Atendu"
ngenca pengarapenku
Labo lit si deban si pengasup aku
Malem me ateku
nggeluh teruh kabengNdu
Isikapken Tuhan k'rina kegeluhen
Bagem kepe tuhu
keg'luhen anak Tuhan
Si tetap ngarapken
perkuah ateNdu.
2. Bujur ningku banNdu
Si `nggo nampati aku
Bas teruh kuasaNdu,
Ku `ndesken geluhku
Bene me kerina kiniarun ateku
Tuhan si ngangkatken k'rina perbebenku
Tetap ku endesken kegeluhenku baNdu
Jadikenlah aku jadi perkakasNdu
7. Kata Dibata ( Perp. Kundul )
a. Ogen Sipemena : Nehemia 8:1-12 ( Iogeken Simada jabu )
L Ketuahen kalak si megiken kata Dibata, dingen si makekenca i bas geluhna si teptep wari. Haleluya P Haleluya..Haleluya..Haleluya ..(iendeken)
b. Kotbah (Ibenaken ras i dungi alu pertoton )
Teks : Perbahanen Rasul-rasul 11:22-30
Tema: Perpulungen si Ersada Arih
8. Pengakun Kiniteken (Perp. Tedis)
9. Persembahen ( Perp. Kundul )
L I bas keriahen ukurta perban kerembakenta ras Dibata, mari siendesken persembahen pengataken bujurta man Dibata. Kata Dibata si jadi palasta guna ersembah e me : "O Senina-seninangku, nginget perkuah ate Dibata si mbelin si isehkenNa man banta, kupindo man bandu : Endeskenlah kulandu man Dibata saja selaku persembahen si nggeluh rikutken si ngena ateNa. Sabap bage me arusna kam ersembah man Dibata sue ras biakndu selaku makhluk si rukur " ( Roma 12:1 )
Tupung ngendesken persembahen rende kita KEE No. 15 : 1-2 (Kataken Bujur Min)
1. Kataken bujur min,
Kam k'rina sini jenda.
Man Dibatandu e,
Singidah kita enda.
Singk'lini kita kap,
Ibas AnakNa e.
Sim'reken lalap kin,
NgaruhNa pemere.
2. Man baNdu o, Tuhan,
Kesahku ras tendingku
Kupersembahkenlah
Gegehku ras dagingku
Aloken o, Bapa,
Keleng ateku min.
Sebab kuteh tetap,
E ngena teNdu kin.
Pertoton Persembahen ras Pertoton Sapaat
- Persembahen (Ibabai sembuyak/senina si mada jabu)
- Notoken gelah perpulungen kerina tetap ersada arih muat bagin i bas dahin-dahin pelayanen perpulungen ras gereja (Ibabai kalimbubu si mada jabu).
- Notoken Pendeta, Pt/Dk ras Pt/Dk Emeretus, Moderamen GBKP, BP Majelis Klasis, BP Majelis Runggun (Ibabai anak beru si mada jabu).
- Jabu ingan pulung ras jabu ingan pulung sireh bagepe siturah i bas perpulungen (Ibabai simaba kebaktin).
10. Perpadanen Man Dibata (Perp.Tedis)
L Gereja eme tanda kehadiren Dibata. Dibata mereken tanggung jabab man banta (ndu) tutus ku gereja ras ku perpulungen, bagepe ersada arih nehken kekelengen, nandangi keluarga, perpulungen ras masyarakat. Nggit me kita (kam) makeken dirinta (ndu) ndalanken pedah Dibata sienggo idengkehkenndu?
P Erpadan aku Tuhan, nggit kami ersada arih guna inuat bagin bas gerejaNdu dingen ndalanken kekelengen bagi
Kata Pengalo-ngalo Twang ras senina i bas Tuhaniesus Krigas, selaku serayan Tuhan en kami. syalom ras mejualiduah banta kerinat uiungenta wari enda tuhuatuhu nambahi keriahen man banta bagi sinisurakenNdu. ( E maka salami kawes kemuhenta, jenari kataken "Ersada Tetap Arihta")
L Guna mpeteguhi perpadanneta (ndu) man Dibata, rende kita i bas : KEE NO. 175:1,2,5 "Bage Pedah Dibata"
1. Bage Pedah Tuhan : "Sikeleng-kelengen"
Ersada ukur tetaplah, sisampat-sampaten
2. Tuhu mehuli ka, di tutus ateta
Mejingkat ndahi dahinNa, bage isuruhNa
5. ‘Di ingan sirang pe, tah lawes ku ja pa pe
Ras Kristus tetap me kepe, lit persadanta pe
11. Pertoton Tuhan
12. Pengutusen Ras Pasu-pasu Dibata
L Mulihlah alu dame ras mejuah-juah. Tetaplah ersada arih guna muat bagin i bas dahin pelayanen Gereja Tuhan. Guna pengasup kita (kam) alokenlah pasu-pasu idur Dibata nari:
"Ipasu-pasu janah ikawali Dibata kita (kam), siang ayo Dibata ersinalsal ibabonta (ndu), janah melias atena ngenehen kita (kam). Itatap Dibata ku kita (kam), janah malem ateta (ndu) ibahanNa. Amin.
P Amin..Arnin..Amin.. (Iendeken)
Diskusi
1. Piga persen (%) nge tingkat kehadiren perpulungen kubas PJJ-ta ras Runggunta, janah kai-kai saja nge dia sierbahanca maka lit denga perpulungenta la muat bagin i bas dahin-dahin pelayanen Gereja subuk i bas Koinonia, Diakonia ras Marturia? Turikenlah !
2. Tandana kita perpulungen si ersada arih kai saja si banci si lakoken rikutken kerina potensi si lit bas kita nguda engkelengi Gerejanta. Bahan e jadi aksi.man geluhenta selama sada tahun.enda.
0 Response to "Liturgi Kebaktian Penatalayanen GBKP Wari Peenemken"
Post a Comment