Liturgi Pekan Kebaktian Penatalayanen GBKP Wari Peteluken
LITURGI
PEKAN KEBAKTIAN PENATALAYANEN GBKP
WARI PETELUKEN, Selasa, 20 Januarl 2026
PersIkapen Kebaktin
• Nikapken pulpen ras kertas guna kari nulisken kesaksin.
• Ngaturken si maba toto sapaat.
NGENDEKEN LAGU PUJIAN
1. Ada satu sobatku yang setia
Tak pemah IA tinggalkan diriku
Di waktu aku susah waktu ku sendirian
Dia s'Ialu menemani hidupku
NamaNya Yesus, namaNya Yesus
Nama Yesus yang menghibur hatiku
NamaNya Yesus, namaNya Yesus
Nama Yesus yang menghibur hatiku
2. KEE GBKP No.399:1,3
Mari surak puji Tuhan endesken nde-enden m'riah
O Surga doni ersurak kerina
Mari renda muji Ia alu ukur si meriah
Puji gelarNa si badia
Reff : La 'rngadi-ngadi ku puji Kam Tuhan
Bas k'rina dampar kegeluhen
Ersurak m'riah pustihku bas Kam
Terpuji Tuhun ras lalap
Mari surak puji Tuhan alu ukur . tendinta
Sabab Kam mehuli kap o Dibata
PulahiNdu aku i bas kiniseran doni enda
Kupuji Tuhan Haleluya
Reff : .....
• Kata Penaruh ku bas kebaktin
Mejuah-juah man banta kerina perpulungen Tuhan. La erleja-leja gerejanta mereken perhatin man banta, guna menata pusuh ras geluhta guna menaken dahin pelayanen bagepe dahinta si teptep wari i bas menaken tahun enda. Enda me wari peteluken kita pulung guna ngelakoken Pekan Kebaktin Penatalayanen alu ngangkat tema Tuhan Kap Sekawalku. Alu tujun gelah min kerina ngawan ni perpulungen nggejapken maka Tuhan tetap hadir guna engkawali kita i bas ndalani kerina dampar geluh, subuk senang entah pe susah. Alu bage sigejapken maka keleng kap ate Tuhan e kita, labo itadingkenNa kita i bas ndalani kegeluhen khusuSna i bas kesusahen entah pc kiniseran. Guna mengketi kebaktinta, mari radu ras kita ertoto
---Perp. Tedis---
Mari dage sipesikap pusuh ras ukurta i bas kita reh ndahi kebaktinnta. Ras kita rende KEE No. 320: 1,2 (Maielis ,igendesken buku man simabai kebaktin)
Susah entah senang gia i bas geluh enda.
Amin kita bas perbcben ernalem man baNa
Nggeluh bas Tuhan malem ateta, sibegiken pedahNa.
Pindo gegeh ras pasu-pasuNa ib'rekenNa man banta
Aminna latih mesera ib'rekenNa
Tetap ernalem.man baNa kidekah geluhta
Mejingkatlah ndahiken dahinNa, lah meriah ukurta
Sangap kalak si rembak ras la, terpujilah gelarNa.
KEBAKTIN
1. Votum, Salam ras invocation
L I bas gelar Dibata Bapa sinepa langit ras doni, i bas gelar AnakNa Jesus Kristus Raja gereja, ras i bas gelar Kesah Si Badia si jadi penampat. Perkuah ate ras dame i bas Dibata Bapa ras i bas Tuhan Jesus Kristus nari, i bas kerembaken Kesah Si Badia ras kita (kam) kerina gelah, amin.
P Amin...Amin..Amin (iendeken)
L "Dibata enggo mereken kesempaten man bandu guna erdahin man Kristus, labo saja gelah kam tek man Kristus, tapi pe gelah kam, ngenanami kiniseran guna IA ( Pil. 1:29 )
Rende KEE No. 425:1,2
Adi ras Jesus malem naring pusuhta
IperdiatekenNa me kita ban kelengNa
Amin gia jumpa erbage percuban
La kap itadingkenNa kita isampatiNa
Reff : Malem me ate je pe dat dame
Ras keriahen ukur bene me kebiaren
Tading me keguluten mberat jadi menahang
Pusuh pe jadi salang
Adi ras Jesus seh damena ukurta
Ib'rena kepentarenNa idur kuasaNa
Ndauh me dage ukur ras ate ceda
Ukur mehuli turah ban sialoken kataNa Reff...
---Perpulungen Kundul----
2. Pengkawali Dibata nandangi manusia dingen kinilang,asU nggejapkenca.
L IkeremkenNa kam l teruh kabengNa, gelah kam teneng i bas pengkawaliNa; kesetianNa engkawali ras petetap kam (Msm 91:4) I)
P Mcgati kal la kami teneng Tuhan, la igejapken kami kehadirenNdu i bas geluh kami, khususna i bas ndalani erbage-bage kiniseran. E maka penggejapen kami beraten kiniseran e nderpa kami asangken keleng ate i bas Karn nari.
---relleksi pengalamen ndalani kiniseran (iringi music)
L Iteruh pengkawali Tuhan, kerina megegeh ras mejuah-juah (Msm. 105:37a)
P Ngaku kami Tuhan, lemah kal kami adi reh kiniseran. Lanai ieteh kami tumburen. kesehaten kami terganggu. pikiren la erturi-turin, penggejapen pe la tenang. Lanai ieteh kami mehuli. La nai kami, mejuah-juah.
L+P Rende KEE No. 195:1.2.4
Ise nge ndia banci si mulahisa i
Latih i doni ukur gulut mesera
Mari dahi Ia kam silatih ras beraten
Adi ras Jesus bene me kiniseran
Ku ja nge ndia perdalanen geluhku
La kal ku jumpa ingan cio eilinggem
Jesus nge kap ngenca permakan situhu tuhu
Man baNa saja ngenca kita ernalem
Erbage-bage bangku reh kebiaren
Si kin atena aku iatalukenna
Jesus me kap terang sinaluken kegelapen
Lanai kap mbiar aku bas gcluh enda
3. Ngerenungken mulihi kerna kebenaren kerna pengkawali Tuhan
L Mari dage si inget-inget mulihi kerina tokoh si ieteh kita i bas Pustaka Si Badia. Ise nge kalak si tek dingen nggeluh benar ia ikawali Dibata?
--- paksa teneng---
L Tole sirenungken kai siikataken Daud i bas Masmur 37: 25
"Mulai kitik-kitikku nari sch bagenda enggo metua, la enggo kuidah kalak bujur itadingken Tuhan.."
---paksa teneng---
P Genduari nari tek kami Tuhan maka kai gia sijadi man kami, enggo ipadankenNdu maka kami lebihen asangken kalak si permenang, erkiteken Kristus sierkeleng ate man kami.
L E maka, tetap kal ukurta, maka kita pe pasti. kap megegeh i bas pengkawali Tuhan. Mari ras kita ngendeken KEE No: 463:1,5
Kita nggo menang, kita nggo menang
Kita nggo menang. kita nggo menang
Reff: I bas Kristus Tuhan kita nggeluh
Si dat me kemenangen
ImenangkenNa, imenangkenNa
ImenangkenNa, imenangkenNa
Reff : ....
4. Kata Dibata
a. Pengogen kata Dibata bagin si pemena : 1 Korinti 10:11-13 (iogeken simada jabu )
L Ketuahen kalak simegiken kata Dibata dingen singelakokenca i bas geluhna, Haleluya
P Haleluya...Haleluya.. Haleluya (iendeken)
b. Kotbah (ibenai ras iujungi alu pertoton)
Teks : Masmur 121:1-8
Tema : Tuhan Kap Sekawalku
5. Pengakun Kiniteken
--- Perpulungen Tedis ---
6. Persembahen Perpulungen Kundul
a. Kata Dibata si jadi palas persembahen : Lit kalak melumbar mere tapi tambah-tambah kebayakenna, lit kalak pelit tapi tambah tambah kemusilenna. Melumbarlah mere maka kam reh bayakna (Kua. 1 1 :24-25b).
b. Rende : KEE GBKP No. 420:1-
Asa gegch ras kengasupen, Kami nehken persembahen
Endesken kami baNdu Tuhan, Alu dem keriahen
Reff : Ajari kami ngergaken talenta ras kiniliten
Arah ukur ras perbahanen Tuhan ipermuliaken
Simpar tuhu kami aloken, Pasu-pasuNdu o Tuhan
KelengNdu igcjapken kami, Kam kap sinegu kami Reff : ....
c. Ertoto kerna persembahen ras pertoton sapaat.
Topik doa Sapaat :
- Ertoto Kerna Persembahen ( jabu sembiring)
- Ertoto Gelah Kerina perpulungen tetap tek maka Dibata pe pengawal situhu-tuhu ( jabu Ginting )
- Ertoto gelah kerina jabu-jabu tetap setia man Tuhan (jabu Tarigan)
- Ertoto gelah Tuhan mereken serpang pulah man kerina perbeben kegeluhcn anak-anakNa ( jabu Karo-karo ).
- Ertoto kerna tuan rumah bagepe man rumah wari si pepagi dingen si turah bas perpulungen (jabu Perangin-angin)
---Perpulungen Tedis---
7. Tekad encidahken jabu si ikawali Dibata
L Dibata, simereken kemalemen ate man banta, sierbahanca kita nggeluh benar i bas kai pe; janah IA siengkawali kita: kesahta. tendita, kulanta gelah bcrsih i bas kesalahen nari asum kerehcn Tuhanta Jesus Kristus pagi.
P Asa ngasup kami, idalani kami kegeluhen bagi si ngena ate Tuhan janah tek kami maka IA me si engkawali kami i bas kerina paksa; jenari IA me sierbahanca kami nggeluh i bas kemenangen naluken kerina tantangen.
L+P Kam kap Tuhan. sekawalku. amin.
Rende : KEE No. 330:1,2 Tuhan, Kam me sipennakan"
Tuhan Kam me sipennaken kami biri-biriNdu
Kami tetap kap nggejapken blinna keleng ateNdu
Tuhan Jesus. Juru S'Iamat karni sik'rajangenNdu ) 2x
Kam pengawalku si setia, Kam sekawal geluhku
Kam pedauhken k'rina dosa ndilo kalak si lalar
Tuhan Jesus. Juru S'Iamat, mindo kami kelengNdu ) 2x
8. Pertoton Tuhan
9. Permasu-masun
L Laweslah ku kegeluhenndu si teptep wari, cidahkenlah man doni biak si megenggeng i bas ndalani kerina kiniseran doni, enda me tandana jabundu eme keluarga Dibata. Guna jadi gegehndu, alokenlah pasu-pasu i bas Dibata nari:
Lias ate Tuhan Jesus Kristus, kekelengen Dibata Bapa ras kerembaken kesah si Badia ras kita (kam) kerina gelah, Amin.
P Amin...amin...amin.
Diskusi ras Aksi
1. Tema-nta i bas kebaktin wari enda eme Tuhan kap sekawalku. Uga nge pengertinta kerna tema enda khususna sanga lit si la bagi ukur ntah pe perbeben jadi bas kegeluhenta?
2. Mari situlisken sada ayat Alkitab si sedekah enda mpegegehi kita asum lit perbeben. Tulisken ras kai alasenna. Kenca kerina nuliskenca, kertas ipepulung i bas sada inganen. Kenca si e kerina muat sada kertas ras ayat eme jadi gegeh man bana wari enda.
0 Response to "Liturgi Pekan Kebaktian Penatalayanen GBKP Wari Peteluken"
Post a Comment