Liturgi Kebaktian Penatalayanen GBKP Wari Pepituken

LITURGI
PEKAN KEBAKTIAN PENATALAYANEN GBKP

WARI PEPITUKEN, Sabtu 24 Januari 2026

1. PERSIKAPEN
• Pengurus PJJ nikapken kerina perlengkapen guna kebaktin
• Ngaturken topik pertoton sapaatsi man totonken
• Asa bancina kerina ende-enden enggo ipelajari song leader ibas sektor
• Asa bancina ilitken musik pengiring : gitar/keyboard/music digital

2. KEBAKTIN
1. Kata Penaruh
Mejuah-juah man banta kerina. Terpujilah Tuhan si la erngadi-ngadi ngkelengi kita lebih asa si terukuri kita. Wari lepas wari kita ikawali ras ipegegehiNa. Seh ka menda kita i bas pekan kebaktin penatalayanenta i bas wari si pepituken enda. Sue ras fokus pelayanen gerejanta, erpalas ku bas keleng ate Dibata, kita idilo nandai Dibata alu engkelengi IA. Nuate gerejanta arah rangkaian pekan penatalayanen tahun 2026 enda, tertata min pusuh, geluh ras pelayanenta guna ncibalken keleng ate Dibata arah kita sikeleng-kelengen bas kegeluhenta. Alu gegehta mungkin mesera ngenda ndalankenca, tapi tek kita i bas penampat ras penegu-negu Kesah Si Badia ngasup kita ndalanken kai siisuraken Dibata man banta. E maka marilah sibereken pusuhta guna ersembah man Dibata simada kegeluhenta ras tetap negu-negu kita ndalanken singena ateNa. Sitaruhken serayan Tuhan simabai kita i bas kebaktinta arah pertotonta. Ras kita ertoto....

Rende KEE No. 338:1,3 "Rehlah Kam O, Ulu Tuah"

--- Perp Tedis----

Rehlah Kam O, ulu tuah, ajar aku megelah

'lah nurihi pujin kami, lalap la `mgadi-ngadi
Lias ras keleng attNdu, jujurkenNdu man bangku
`Nteguh paguh la terundu, kuasa ras muliaNdu
Pasu pasu surge nari, kugejap tiap wari
Kepentaren berekenNdu, nehken sura-suraNdu
PakekenNdu Iah min aku, jadi persuruhenNdu
Jenda aku suruh aku, nehken kekelengenNdu

2. Votum-Salam
L I bas gelar Dibata Bapa, anakNa Jesus Kristus ras bas gelar Kesah Si Badia.
Perkuah ate ras damei i bas Dibata Bapa, i bas Jesus Kristus nari, i bas kerembaken Kesah Si Badia ras kita (kam) kerina gelah. Amin
P Amin..Amin...Amin.. (iendeken)

3. Invocatio
"Malem kal ate bangsa si ngakui TUHAN jadi Dibatana, sangap kal bangsa si terpilih jadi sikerajangenNa". (Msm 33:12)

4. Rende KEE No. 201 :1,4 "Malem Ate Tuhu-Tuhu"
Malem ate tuhu-tuhu, siernalem man baNdu
Kam Dibata sinjadiken langit ras doni enda.
SalsaliNdu pusuh kami maka trangNdu tergejap
Kalak si tek la kap bene, ban kelengNdu e tetap

Aloken Kam lah O Bapa, kuendesken geluhku
KesahNdu min ngajarisa, lah kueteh nembah banNdu
Pasu-pasu min kerina, daging ukur tendingku
Gelah arah tan ras kata, kupuji me gelarNdu

5. Pujin Man Dibata           (Perp. Kundul )
L   Pujilah TUHAN, o tendingku, tendi kula, ukurku pujilah gelarNa si badia Pujilah TUHAN, o tendingku, ola lupa kerina kiniulinNa
P   IalemiNa kerina dosa-dosandu, dingen ipepalemNa kerina pinakitndu. I bas kuburen nari ipulahiNa kam, ipasu-pasuNa kam alu keleng ate ras perkuah ateNa.
L   Alu kiniulin idemiNa geluhndu, desken rajawali tetap kam megegeh dingen nguda. Bagi keleng ate bapa man anak-anakna, bage kal me pengkelengi Dibata kalak si erkemalangen man bana.
L+P Amin

6. Rende No. 368:1-2 "Si puji Tuhan Dibatanta"
1. Si puji Tuhan Dibatanta,
Kataken bujur baNa
Sabab Ia si merekenca
Pasu-pasu man banta.
Reff. Mbelin ras mulia kekelengan Tuhan i bas doni enda
Ajari O Tuhan kami k'rina anakndu
Naksiken kerina perbahanenNdu.
2. Geluh kami meriah tuhu,
k'rina si k'rajangenNdu.
Sabab kalak si nembah baNdu,
Datken pasu-pasuNdu.
Reff.

7. Pengakun Kerna Kinilangasupen nggeluh sikeleng-kelengen
L   Tuhanta e dem kekelengen, perban keleng ateNa man banta, anakNa kal pe iberekenNa man banta
P   Ieteh ras igejap kami kal kam kekelengen 0 Tuhan, tapi megati kal la kami nggeluh i bas keleng ateNdu e. Megati denga la Kam iban kami singkuasai pusuh kami, ipebelin kami denga rusur sura-sura ukur kami.
L   Tuhan e dem kekelengen, idiloNa kita guna ngaloken ras ngelaken keleng ateNa man sapih-sapihta.
P   Meriah kal nge akap kami ngaloken kekelengenNdu o Tuhan, tapi mesera kal akap kami ngelaken keleng ate e man sapih-sapih kami. Belinen nembeh ate asangken kekelengen bas pusuh kami, o Tuhan, alemin min kami
L Marilah siakuken kinilangasupenta nggeluh sikelengen-kelengen iadep-adepen Dibatanta.

8. Rende KEE No. 440:1-2 " O Bapa salah Lepakku Ku'teh Nge"
O Bapa, lepakku ku 'teh nge.
Dosangku pe rusur kuinget
Man baNdu aku erdosa
Reff. Mekuah ateNdu min, erkiteken liasNdu
SasapkenNdu min, k'rina dosangku o Tuhan.
O Bapa, kubahan rusur si jahat
Patut nge aku i ukumNdu
Bujur nge keputusenNdu Reff....

9. Berita Pengalemi Dosa (Perp. Tedis)
L Selaku persuruhen Dibata, aku nehken kataNa man banta (ndu), nina :
Tapi adi siakuken dosanta man Dibata, isehkenNa me padanNa, ilakokenNa kai si bujur, ialemiNa dosa-dosanta, janah ibersihkenNa kita i bas kerina perbahanenta si la payo" (1 Joh 1:9)

10. Rende KEE No. 454:1,3 " Bujur Man BaNdu Tuhan"
Amin dosangku mbue la terkira
Si erban ndauh ras Kam Tuhan
Tapi keleng ateNdu tangkas Tuhan
La tak-takiNdu dosangku
Reff. Bujur man baNdu Tuhan
      ban ialemi dosangku
      Meriah kel ukurku
      Tuhan nasapken dosangku
Pusuhku enggo ip'limbaruiNa
P'raten doni lanai erkuasa
P'rayakenku ndalanken peratenNa
Kesangapen ib'rekenNa
Reff : ...

--- Perp. Kundul ---

11. Kata Dibata
a. Ngoge Kata Dibata : Jesaya 45:22-23 (Iogeken Si mada jabu)
L Ketuahen kalak si megiken kata, Dibata dingen simakenca i bas geluhna si teptep wari, Haleluya
P Haleluya.. Haleluya...Haleluya ( iendeken )
b. Kotbah (ibenari ras iujungi alu pertoton)
Teks : 1 Johanes 3:11-18
Tema : Si Keleng-kelengen

12. Pengakun Kiniteken (Perp. Tedis)

13. Persembahen ( Perp. Kundul )
L Kata Dibata si jadi palas i bas kita ngendesken persembahenta : "O senina-seninangku, nginget perkuah ate Dibata si'mbelin si isehkenNa man banta, kupindo man bandu : Endeskenlah kulandu man Dibata saja selaku persembahen si nggeluh rikutken singena ateNa. Sabab bage me arusna kam ersembah man Dibata sue ras biakndu selaku mahluk si rukur" ( Rom. 12:1 )
Tupung ngendesken persembahenta, sipuji alu ras kita muji Tuhan

Rende KEE No. 302 :1,3 "Nginget Perkuah Dibata Si Mbelin"
1. Nginget perkuah Dibata si mbelin
Si isehkenNa man banta k'rina kin
Ibas kerina dampar kegeluhen
I doni si dem alu keguluten
Reff. Endeskenlah kulanta man Dibata, kerinana si lit ibas geluhta
Selaku persembahenta si nggeluh, em persembahen si ngena ateNa
3. Marilah lerina sipuj i Dibata Janah sipeteruk ka pe ukurta
Alu bage si dat sura-suraNa Kai si mehuli ras ngena ateNa Reff :

Marilah k'rina sipuji Dibata, janah sipeteruk ka pe ukurta Alu bage sidat sura-suraNa, kai si mehuli ras ngena ateNa Reff :

Topik Pertoton Sapaat
• Notoken Persembahen
• Notoken gelah kerina perpulungen erjuang i bas kegeluhenna encidahken tanda nandai Dibata alu si keleng-kelengen.
• Notoken perdalanen Lakon Persadan Si Badia gelah kerina perpulungen ersikap ras erdalan kerina alu mehuli.
• Notoken tuan rumah i bas wari si sendah
• Siturah i bas perpulungen

14. Perpadanen man Dibata        (Perp. Tedis)
L   Dibatanta la emgadi-engadi engkelengi kita, janah idiloNa kita sikeleng-kelengen i bas geluhta.
P   Kualoken keleng atendu bas geluhku Tuhan, janah erpadan aku ngelaken kekelengenNdu e arah aku nggit ngkelengi kalak si deban si lit isekelewetku. Kuperdiateken me senina/turangku siman sampatenku.
L   Dibatanta pe engkelengi doni enda alu make gerejaNa GBKP enda, kai nge sibanci ibahandu ngelaken keleng ate Dibata erkelangken gerejaNa?
P   Ertutusna aku ersembah man baNdu i tengah gerejaNdu GBKP enda, subuk ku gereja, PJJ bagepe bas PA, radu ras si e, kubuat tegunku guna ngekelengi gerejaNdu alu e nehken persembahen bagi arusna ras pe nggit makeken talenta ras kinilitenku guna ndahiken dahin pelayanen.
L   Tuhan lah si mpegegehi kam guna ngelakoken si enggo ipadankenNdu
P Amin

15, Rende KEE No. 254:1 " Isuruh Dibata"
1. Reff. Isuruh Dibata sikeleng-kelengen
          Si sampat-sampaten asa kengasupen
          Mbue me kap tuhu si man bahanenta
          Radu ras kerina kita ndahikenca
Palasta nampati em ate mekuah
Ngusih Tuhan Yesus enggo kam nampati
Meriah ukurta adi teman pulah
Masap kebiaren `je dat ate jadi
Reff

16. Pertoton Tuhan

17. Pemasu-masun

L Berelah dirindu guna tetap ikelengi Dibata, sikeleng-kelengenlah kam sapih kam manusia janah pakekenlah kerina si lit i bas kam guna ngkelengi gerejaNa. guna jadi gegehndu, alokenlah pasu-pasu idur Dibata nari :
"Ipasu-pasu janah ikawali Dibaw kita (kam), siang ayo Dibata ersinalsa ibabonta (ndu), janah melias ateNa ngenehen kita (kam). Itatap Ditata ku kita (kam) janah malem atena (ndu) ibahanNa. " Amin
P Amin...Amin...Amin ( iendeken )

Sharing/Tekad bersama
1. Adi siban evaluasi dirinta (pribadi lepas pribadi) i bas skala 1-10, nilai/ponten piga nge kita i bas ndalanken kekelengenta man Dibata erkelangken gerejaNa? Masing-masing kita mereken nilai sue ras kolom si enggo tersedia.

2. Kenca enggo ilakoken sharing ras teman, ban kelompokta (Kelompok serayan-kelompok pengurus PJJ & Pengurus Kategorial, kelompok nora/naras, kelompok perpulungen) i bas masing-masing kelompok enda, ban tekadta per kelompok kai ateta silakoken ku lebe wari enda kenca kita nggo ngikuti Pekan Kebaktin Penatalayanenta ( si konkrit ras terukur ) sue ras renungenta. Masing-masing kelompok tedis guna nuriken tekadna bersama

Pdt Ribka Mayasari Br Tarigan, S.Th, M.M

HP/WA : 08529714914