Ersikap Ku Bas Perjabun - Pastoral: Pasangan Hidup ( Bahan PA Permata 13 - 19 Oktober )

Bahan Bimbingan PA Permata 13 -19 Oktober 2019

Pastoral: Pasangan Hidup

Nas : Kolose 3: 18-19

Erbage-bage pedah man keluarga Kristen
18. O, kam ndehara, patuhlah man perbulangenndu, sabap bage me arusna ibahanndu selaku kalak Kristen.
19. O, kam perbulangen, kelengilah ndeharandu janah ola kasar man bana.

Tema : Ersikap ku Bas Perjabun

Gelah PERMATA GBKP:

Meteh tanggungjawab jadi perbulangen ras ndehara ibas persikapen nentuken teman nggeluh rikutken nas.
Ngasup nandai diri ras pasangenna ibas nikapken perjabun.

Metode : Sharing ras Doa Bersama

I. BENA KATA
Erjabu eme salah sada peristiwa si penting ibas kegeluhen. I ja kita engkeriken tahun-tahun kegeluhenta ras ise si pilihenta seh asa gedang umur. Banci ikataken maka erjabu eme sada keputusen si mbelin, sada keputusan si paling krusial ibas kegeluhen sebab e menyangkut apakah kita akan menikmati hidup atau justru mengutuki hidup si ibereken Dibata man banta.

Emaka sendalanen ras si e kai si harus ilakoken? Tentuna persiapen. Persiapen enda menyangkut ku "erteman-teman atau rusur I gelari ngerondong". Uga ningen erjabu adi lalit rondong. Tentuna enda adalah tahap paling awal si harus lit. Uga kita melabuhkan pilihan ku bas sekalak jelma. Tentuna si penting i je eme pertimbangen alu Kristiani. Kai si idah Tuhan mehuli rikutken keberadanta. Ula tergesa-gesa. Erjabu labo seri ras lomba lari, ise si cepatna ia si jagona. Tapi labo ise si melawenna e ka si payona. Ijenda me toto erperan aktif ras si sentral gelah kita milih ku pilihen sitepat ras waktu si tepat ka.

Kenca dung tahap si e tentuna lit tingkaten si deban. Eme persiapen ku bas perjabun. Ngerana kerna perjabun tentuna labo masalah sinukah. Perbahan perjabun masalahna seh kel bagesna ras kompleks. Melala tips-tips ras kiat-kiat si banci ioge kita ibas buku-buku guna nuju ku bas jabu si sempabu, amin bage gia kai ngenda salahna maka "Jabu Sempabu" lit ibas peringkat pertama ibas pergumulen gerejanta bagepe kerina jelma. Gelah ula meluassa pembahasen PA-nta senembas enda, maka si batasi saja ku bas "persiapen menuju perjabun". Kai kin si pentingna menurut pustaka rikutken bahan oratenta sendah ibas tengah jabu.

II. ISI
Pembahasen enda situhuna sada bagin seh ku bas ayat 21, si biasa igelari haustafeln (dari bahasa Jerman si artina aturan dalam rumah tangga). Unsur-unsur ibas sada rumah tangga ibas paksa lit ije: Bapa (perbulangen), Nande (ndehara), anak ras budak. Perbudakan ibas paksa si e bagi sada kewajaran ras budaya si lit ibas paksa si e, perhatin utama ibas ajaran Paulus situhuna secara tersirat Paulus pe menyoroti budaya perbudakan, e contoh sanga Paulus alu mesangat membela Onesimus budak si kiam ibas kitab Filemon. Adi megermet kita maka situhuna seolah-olah Paulus lebih mendukung dilaki, ibas kalimat-kalimat suratna enda si idah ku patriakal misalna kalimat si ipake nangdangi diberu "tunduklah", sementara kalimat man dilaki "kasihilah dan jangan berlaku kasar". Arah kata si ipake seolah ada tingkatan atau subordinative antara perbulangen ras ndehara. Payo nge bage ?

Kata tunduk / patuh Hupotasso ertina tunduk-patuh. Nilai si terkandung ibas kata enda labo terjeng sekedar tunduk ras taat melainkan memberikan diri secara utuh dan menempatkan diri di bawah orang yang dihormatinya. Dan ini berlaku terus menerus ( perbahan bentuk kalimatna present tense )... sebagaimana layaknya - tunduk kepada Tuhan ( terjemahan asli (beda ras terjemahan Karo ras Indonesia )). Kai artina? Artina kepatuhen man Tuhan si berdasarkan atas iman ras keleng ate si total si jadi dasar tunduk mereka (ndehara) man perbulangen. Alu bage kepatuhan ndehara nangdangi perbulangenna arus alu dasar "sebagaimana layaknya kepada Tuhan" artina memberikan cinta yang total dan seluruhnya nangdangi perbulangen untuk selama-lamanya.

Hal selanjutna si cukup penting eme perintah nangdangi perbulangen gelah engkelengi "agave" ndehara si sifat bahasana pe terus menerus ( ibas bentuk present ). Ras nuansa kekelengen "agave" i jenda labo nuansa kekelengen si nilaina biasa. Sebab kata "agave" ipake bagi keleng ate Kristus nangdangi anak-anakNa, si seh ngasa kesahNa pe iberekenNa. Jadi keleng ate si imaksudken Paulus man kerina perbulangen i jenda bali ras keleng ate Kristus

nangdangi perpulungen si nggit Ia nggorbanken darehNa demi keselamaten perpulungen e. Ertina keleng ate si nikmasudken ijenda labo keleng ate si sembarangen tapi keleng ate si mbages si nggit erkorban guna kiniulin ndeharana seh kesahna pe nggit ia gelah sikap ndeharana.

Alu analisa si enda duana, perintah man ndehara-ndehara bagepe kerina perbulangen maka lit kesimpulen si banci si tangkap eme:

I bas perjabun labo lit istilah subordinative ( ise kepala-ise bawahen ). Ibas kasus Kolose Paulus simake adat budaya Yunani & Yahudi guna nuduhken pedahna isina situhuna labo nuriken sidatas teruhen.
Tanggung jawab ndehara ras perbulangen situhuna secara nilai seri. Mereken diri ras membaktikan diri alu tutus nangdangi pasangenna si ibereken Dibata man bana.

PENGKENAINA
Erjabu labo masalah waktu, ise si cepatna ia si mejilena ntah ia si lakona. Erjabu emkap penyatun komitmen sendalanen ras pedah Tuhan. Artina perjabun arus erpalasken kiniteken. Labo erkiteken penuruh ras penjemba kalak tapi lebih ku ulih pertoton ras pergumulen ras Tuhan. Adi bage kita erkiniteken maka kalak si ibereken Tuhan man banta eme si terbaik si ibere Tuhan.

Persiapen si perlu ibahan eme menjiwai nilai-nilai perjabun. Artina mulai mempelajari kai kin erti jadi ndehara ras perbulangen. Arah oratenta teridah maka jadi ndehara berarti menundukkan diri, membaktikan diri sepenuh-sepenuhnya ibas keleng ate seumur geluhna nangdangi perbulangenna. Sementara jadi perbulangen berarti mereken keleng ate si mbages si bahken melebihi ia engkelengi dirina jine man ndeharana atau dengan kata lain pang ia mereken kesahna pe demi ndeharana seumur geluhna.

Tentuna enda labo ibatasi dalam nuansa keleng ate si semu gelah nggo dat gelah enggo erjabu. Tapi lebih mbages asa si e, sebab dua kata kerja si man dilaki ras man diberu seri polana eme present tense. Artina la berubah, terus-menerus. Artina pengabdian ras keleng ate e terus seh ngayak mate. Labo sanga ngerondong pang mate tapi kenca nggo jadi perbulangen berubah kejam. Artina nilai-nilai si enda ndai la berubah seh rasa lalap.

Erjabu adalah masalah keberanin guna ertanggungjawab ibas ibadah man Tuhan. Perjabunta e eme ibadah man Tuhan. Adi lenga bo pang ertanggung jawab, ertoto ras ersikaplah terdauhen maka ibere Dibata gegeh ngantusi nilai-nilai perjabun, tapi adi nggo bulat komitmen pindo penampat man Tuhan maka sikap kerina perdalan seh ku bas perjabun. Selamat nikapken diri ku bas sura-sura perjabun.

IV. SHARING RAS DOA BERSAMA
Bentuk kelompok 4-5 kalak sada kelompok. Coba sharingken kerna situasindu gundari kerna teman-teman (rondongndu) enggo nge kam tek, maka ia nge si ibereken Tuhan man bandu. Adi ragu denga, engkai? Adi enggo tek, kai alasenna? Si sangana "jomblo" ( lalit teman-teman ) kai kira-kira kapndu si perlu isikapkenndu ibas mulai sada hubungen si serius ku lebe wari enda? ( Dung sharing tutup ibas doa bersama ).

V. USULAN LAGU