Kebaktian Sabtu Pengarapen GBKP Sabtu, 20 April 2019

KEBAKTIAN SABTU PENGARAPEN GBKP KM 8

Kebaktin sekali ngenca, ilakoken wari Sabtu, 20 April 2019, benaken pukul 19.00
WIB / Jam 07 berngi.

I. BAHAN KHOTBAH
Invocatio : Epesus 4 : 9

9. Kai kin ertina “IA nangkih” e? Ertina e me: perlebe IA nusur ku ingan si meterukna kal, i doni enda.

Ogen : Masmur 139 : 7 – 12 (Responsoria)

7. Ku ja aku lawes maka aku pulah i bas Kam nari?
Ku ja kukiamken maka aku ndauh i bas adep-adepenNdu nari?
8. Adi nangkih aku ku langit, enggo Kam i je,
adi aku medem i bas doni kematen, Kam pe i je.
9. Kune aku kabang kempak matawari pultak,
ntah ringan aku i bas ingan si ndauh i matawari ben,
10. i je pe aku itaruhkenNdu,
i je pe tanNdu nge si negu-negu aku.
11. Aminna kupindoken maka ikeleweti gelap aku,
ntah terang si lit i sekelewetku jadi berngi,
12. tapi gelap e pe labo man baNdu gelap,
dingen berngi ersinalsal man baNdu bagi suari,
suari ntah berngi seri saja nge man baNdu.

Khotbah : Markus 15 : 42 – 47 (Tunggal)

Jesus ikuburken
(Mat. 27:57-61; Luk. 23:50-56; Joh. 19:38-42)
42-43. Ope seh jam wari Sabat, reh me Jusup kalak Arimatea. Ia sekalak anggota Pengadilen Agama si ihamati. Ia pe sekalak si tertima-tima nandangi kerehen Kinirajan Dibata. Sendah enda wari Persikapen (e me wari ope wari Sabat). E maka alu la biar-biaren Jusup pang ngadap man Pilatus mindo mait Jesus.
44. Mamang ate Pilatus, asum ibegina berita kerna Jesus enggo mate. E maka idilona kepala perajurit jenari isungkunna ntah tuhu kin Jesus enggo mate.
45. Kenca ibegina keterangen kepala perajurit e, e maka ipelepasna Jusup muat mait Jesus e.
46. Itukur Jusup dagangen si meherga, ipesusurna mait Jesus jenari ibalutina alu e. Kenca bage itamakenna mait e ku bas sada kuburen si itukak ibas lingling batu. E maka igulingkenna sada batu si mbelin nutupi kubur e.
47. Idah Maria Magdalena ras Maria nande Joses i ja Jesus ikuburken.

Tema : ”Jesus I Bas Doni Kematen”

II. Ende-Enden

1. KEE 352 : 1-2   ( KLIK JUDUL KEE UNTUK MELIHAT LIRIK TEKS LAGU )
2. KEE 190 : 1-2   ( KLIK JUDUL KEE UNTUK MELIHAT LIRIK TEKS LAGU )
3. KEE 357 : 1-3   ( KLIK JUDUL KEE UNTUK MELIHAT LIRIK TEKS LAGU )
4. KEE 164 : 1-2   ( KLIK JUDUL KEE UNTUK MELIHAT LIRIK TEKS LAGU )
5. KEE 471 : 1-  (Persembahen)
6. KEE 281 : 1-2   ( KLIK JUDUL KEE UNTUK MELIHAT LIRIK TEKS LAGU )

Share this post