KEE 235 Dibata Kap Njagaisa

KEE No. 235 : 1 - 4 ( Dibata Kap Njagaisa )

Ayat 1 :
Dibata kap njagaisa gedang berngi,
Sangana aku medem nderbih nai,
Je medak aku bas erpagi-pagi,
GelarNdu kupebelin ras kupuji.
Reff :
Wari enda wari ni Dibata ale,
Sialoken janah m’riahlah ukurta,
Dage baNa ‘ndesken keg’luhennta ale,
Bas nembah muji g’larNa Sibadia

Ayat 2 :
Kawali dage aku gedang wari
Meriah ‘tahsa gulut gia sekali
Pesalanglah ukurku genduari
‘Lah banci kulakoken si mehuli.
Reff :
Wari enda wari ni Dibata ale,
Sialoken janah m’riahlah ukurta,
Dage baNa ‘ndesken keg’luhennta ale,
Bas nembah muji g’larNa Sibadia

Ayat 3 :
Temani ibas aku ngelayasi
Dahin si lenga tembe si kudahi
Si murde gelah banci salangsai
B’rekenNdu bangku gegeh lako ndungi.
Reff :
Wari enda wari ni Dibata ale,
Sialoken janah m’riahlah ukurta,
Dage baNa ‘ndesken keg’luhennta ale,
Bas nembah muji g’larNa Sibadia

Ayat 4 :
TuahiNdulah sanga aku encari
Muat asam kegeluhen teptep wari
Gia iblis ng’rimrim la erngadi-ngadi
Ras Kam tentu ukurku enggo sipi.
Reff :
Wari enda wari ni Dibata ale,
Sialoken janah m’riahlah ukurta,
Dage baNa ‘ndesken keg’luhennta ale,
Bas nembah muji g’larNa Sibadia

Syair dan Lagu : S. Tarigan, 1998

Share this post