Kebaktian Jumat Si Mbelin GBKP Jumat, 19 April 2019

KEBAKTIAN JUMAT SI MBELIN GBKP KM 8 Jumat 19 April 2019

Ilakoken wari Jumat, 19 April 2019. Kebaktin 3 kali eme : Kebaktin I jam 07.00 wib,
Kebaktin II jam 10.00 wib, Kebaktin III jam 19.00 wib.

A. BAHAN KHOTBAH
Invocatio : 1 Korinti 2 : 2

2. Sabap asum aku nai ras kam enggo kutetapken i bas ukurku maka kerina kulupaken seakatan Jesus Kristus, dingen kuga IA ipakuken seh mate i kayu persilang.

Ogen : Miha 7 : 7 – 13 (Tunggal)

7. Tapi adi aku kuperdiateken TUHAN; alu ukur tetap kutimai si ngkelini aku. Ibegiken Dibatangku nge aku.
Ikelini TUHAN nge bangsaNa
8. O musuh-musuh kami, ola kam ermeriah ukur ngenehen nasip kami. Tuhu enggo jongkang kami, tapi keke ka nge kami mulihi. Genduari kami i bas gelap, tapi ibereken TUHAN ka nge pagi man kami terang.
9. Enggo kami erdosa man TUHAN, e maka genduari arus igengken kami pernembeh ateNa kentisik. Tapi kedungenna ibelaNa nge kami, dingen iberekenNa keadilen man kami. IbabaNa kami ku bas terang; iidah kami me kuga pengkelengiNa kami.
10. Kenca bage iidah musuh-musuh kami me si e, e maka mela iakapna, musuh si ngatakenca mbarenda nina, “I ja kin TUHAN Dibatandu?” Iidah kami me ia italuken, iperjaki desken kubang i bas dalan.
11. O kalak Jerusalem, reh me paksana majekken tembokndu mulihi. Tupung paksa e pagi daerahndu ipebelangi.
12. Bangsandu mulih pagi ku kam i ja nari pe; i Assur nari arah Timur, i Mesir nari i Selatan, i bas daerah-daerah Lau Eprat nari, i lepar lawit nari ras i deleng-deleng nari.
13. Tapi doni jadi gurun pasir pagi erkite-kiteken kejahaten kalak si ringan i je.

Khotbah : Markus 15 : 21 – 32 (Responsoria)

Jesus ipakuken ku kayu persilang
(Mat. 27:32-44; Luk. 23:26-43; Joh. 19:17-27)
21. I tengah dalan jumpa kalak ndai ras sekalak dilaki gelarna Simon. Simon e rehna i kuta nari. Ia me ipaksa perajurit-perajurit mersan kayu persilang Jesus. (Simon enda kalak Kireni bapa Alexander ras Rupus.)
22. Ibaba perajurit-perajurit ndai Jesus ku sada ingan si igelari Golgota, ertina, “Ingan takal-takal”. 23. I je ibereken man Jesus anggur si icampur ras mur. Tapi Jesus la nggit nginemsa.
24. Kenca bage ipakukenna Jesus ku kayu persilang jenari itikam tandukkenna uis Jesus ibas ia erbagi.
25. Jesus ipakuken ku kayu persilang jam siwah erpagi-pagi.
26. I datas kayu silang itulis i je, “Raja Kalak Jahudi”.
27. Raduken ras Jesus lit ka pe dua kalak pengerampok ipakuken kalak ndai. Sekalak arah kemuhenNa, sekalak arah kawesNa.
[28. Alu bage enggo seh isi Pustaka Si Badia e me, “IA ipeseri ras kalak jahat”.]
29. Kalak si mentas arah e ncekuraki IA janahna ngupir nina, “Oh! AteNdu ngeruntuhken Rumah Pertoton janah majekkenca ka i bas telu wari.
30. Genduari nusurkenlah janah pulahilah baNdu!”
31. Bage ka pe imam-imam si mbelin ras guru-guru agama isindir-sindirna Jesus nina sapih-sapih ia, “Kalak si deban isampatiNa, tapi diriNa jine la tersampatiSa.
32. Adi IA kin raja Israel, Mesias si ipadanken e, nusur dage IA ibas kayu persilang e nari, gelah kami tek man baNa.”
Perampok si dua kalak si ipakuken ras Jesus e pe isindirna ka nge Jesus.

Tema : ”Jesus Ipakuken Ku Kayu Persilang”

B. ENDE-ENDEN

1. KEE 447 : 1-3    ( KLIK JUDUL KEE UNTUK MELIHAT LIRIK TEKS )
2. KEE 166 : 1-2    ( KLIK JUDUL KEE UNTUK MELIHAT LIRIK TEKS )
3. KEE 446 : 1-2    ( KLIK JUDUL KEE UNTUK MELIHAT LIRIK TEKS )
4. KEE 269 : 1-2    ( KLIK JUDUL KEE UNTUK MELIHAT LIRIK TEKS )
5. KEE 445 : 1- (Persembahen)
6. KEE 229 : 1        ( KLIK JUDUL KEE UNTUK MELIHAT LIRIK TEKS )

Share this post