Jam Ertoto Permata GBKP - Bahan PA Permata 28 April - 4 Mei 2019

Jam Ertoto Permata GBKP - Bahan PA Permata GBKP 28 April sd 4 Mei 2019

I. Persikapen Guna Jam Ertoto

Pesikap 1 PERMATA GBKP si jadi Pemimpin Ertoto ( PE)
Pesikap 4 PERMATA GBKP si jadi SiMabai Ertoto ( SE )
Pemusik (Group) ( P )
Singer ( S )
Pesikap ruangen si tenang alu cahaya lilin atau salib si erlampu, rsd.
PEMUTAREN VIDEO; Korban Penyalahgunaan Narkoba dan HIV /AIDS ( Videona banci i Download ibas You tube nari ), kune lalit peralaten guna pemutar Video banci i PRINT FHOTO-FHOTO,Korban Penyalahgunaan Narkoba ras HIV /AIDS ibahan ibas Karton guna ijelasken man kerina Permata GBKP.

II. Jam Ertoto PERMATA GBKP
( Musik Instrumen 3-5 Menit )................ Pemusik
1. Pengantar Menaken jam Ertoto
PE : Senina ras turang, ibas berngi / wari enda kita erbahan Jam Ertoto Permata sebelang-belang PERMATA GBKP, topik totonta emkap Korban Penyalahgunaan Narkoba ras HIV /AIDS, i jenda kari si idah kai-kai saja jenis-jenis narkoba, uga peredaren narkoba ras uga dampak korban narkoba. Sope si nin ibas Pemutaren Video ( Fhoto-fhoto ibas karton ). Mari sipuji Tuhan...
Rende : KEE. NO. 317: 1,3
Sipuji Tuhan arah geluhta, si inget tetap ngaruhNa banta
Ban k'leng ateNa nebusi kita, terkelin kita si tek baNa
Segedang g'Iuhta inget Dibata, bas k'rina paksa ngaraplah baNa
Tetap ukurta rembak ras Ia, erban si r'guna ula erleja
Reh pendungina wari-warinta, lit kap paksana reh me Tuhan
ipepulungNa kerina jelma, kita si s'tia malem ateta

2. Pemutaren Video/Penjelasen alu Foto-foto
( Korban Penyalahgunaan Narkoba dan HIV /AIDS )

3. Rende. KEE. No.292 : 1 "Manusia Enggo Erdosa...... ( S ) (Alu setengah sora)

( Lampu i mateken, pegara lilin ntah Salib si Erlampu, si mereken cahaya si teduh, ula terangsa, sierbahan teduh ertoto)

4. Pengajuk Guna Ertoto........... ( PE )
Tangkas si idahna jenis-jenis narkoba, uga pengedarenna ras uga dampak bahaya si teriket Narkoba menghancurken generasi bangsa Indonesia enda, bage pe banci menghancurken generasi Permata GBKP
5. Rende. KEE. No.292:1 "Manusla Enggo Erdosa"............ (Kerina)
Manusia nggo erdosa, meluat mekelesa
Pusuh labo lit damena, di sirang ras Dibata
Bekikenlah pendilona, ikutkenlah kataNa
Geluh pelimbaruiNa, rembak kita ras Ia............. 2x i endeken
6. Topik I "Korban Penyalahgunaan Narkoba dan HIV /AIDS (PERMATA GBKP I ) : Enggo tangkas si idah uga Korban Penyalahgunaan Narkoba dan HIV /AIDS, mari dage si totoken gelah kerina korban penyalahgunan Narkoba ras HIV/AIDS reh ia ku Tuhan, tek kita maka Tuhan ngaloken kerina manusia si erdosa si reh man BaNa. Tek kita maka korban penyalahgunan ras si terkena HIV/AIDS si reh ku Tuhan mengalami pemulihen. Mari Ras kita ERTOTO... ( 5- 10 menit)

➢ PERMATA GBKP ERTOTO

Sanga ertoto...( musik instrument ...... .(P)

Dung ERTOTO Rende. KEE. No.76:1 "Ku LebeNdu Dibatangku"

Ku lebeNdu Dibatangku

Aku nembah rjimpuh pe

Dengkehken lah min totonku

Neh iluhku mambur e........ 2x I endeken

7. Topik II " Jaringen Pengedar Narkoba ras penularen HIV/AIDS" (PERMATA GBKP II ) : Mari si totoken kerina jaringen pengedar Narkoba, mulai jaringen, InternasiOnal, nasional, provinsi, kabupaten, kecamaten, kuta-kuta, gelahna min jera ibas dahin si erdosa e, bage pe ertoto kita gelah i daramina dahin si mehuli si ngena ate Tuhan, bage pe ertoto kita maka kerina si erdahin ibas jaringen Narkoba enda sadar maka dahin e dahin si la mehuli, si merusak kehidupan manusia, merusak kehidupen bangsa ras negaranta. Bage pe ertoto kita nandangi ingan-ingan prostitusi si jadi ingan penyebaren HIV/ADIS, gelah kerina ingan-ingan si la mehuli, sadar kerna dampakna si erbahan melala pinakit-pinakit si berbahaya.
Mari ras kita ertoto......................................... ( 5-10 menit )

➢ PERMATA GBKP ERTOTO

Sanga ertoto...(musik instrument ...... .(P)

Dung ERTOTO..... Rende. KEE. No. KEE.383 "Dengkeh Lah Min"

Dengkehken Tuhan aku erlebuh

Ngendesken pingko ku bandu Tuhan

Dengkehken Tuhan aku erlebuh

Ngendesken pingko ku bandu Tuhan......2x i endeken

8. Topik III. " Notoken PERMATA GBKP gelah terhindar Narkoba Ras HIV /AIDS" (PERMATA GBKP III ) : Mari si totoken kerina permata Runggunta ras kerina Permata sebelang-belang GBKP enda, gelahna ula ndabuh ku bas penyalahgunan Narkoba, bage pe gelah ula ngit ndeheri lingkungen / pergaulan si ngeluh ibas iketen narkoba. Bage pe mari ras kita ertoto gelahna permata GBKP la ndabuh ibas pergaulan-pergaulan bebas bage pe ertoto kita gelah permata GBKP la ndahi ingan-ingan si la mehuli si jadi ingan penyebaren HIV/AIDS. Mari sitotoken gelahna ulanai min tambah korban perbahan pinakit si berbahaya e, sebab melala kalak si enggo kena pinakit e janah mesera kel nambarisa.
Mari ras kita ertoto........................ ( 5-10 menit )
➢ PERMATA GBKP ERTOTO
Sanga ertoto...(musik instrument.......(P)

Dung ERTOTO...Rende. KEE. No.187:1 "Gegeh Kuasa Kesah Sibadia"

Gegeh kuasa Kesah Sibadia

I'bre Tuhan bangku tiap jam

Kata wari pe i temanina

I idahNa kai pe si kuban

Perdalanku pe I temaniNa

Setan iblis i pelawesNa

Kuasa doni la ergegeh bangku

Tuhan saja man ikutenku

9. DOA KELOMPOK
PE : Enggo kenca kita ndai ertoto uga nge pengejapennta, si pediat saja nge narkoba ras HIV/AIDS enda erdalan terus ngkenai generasi bangsa, generasi gerejanta. Ibas pusuhta uga pe lit ersuruh guna nampati senina / turangta si enggo jadi korban penyahgunaan Narkoba ras HIV/AIDS.
Emaka ibagiken kita ku bas 3 kelompok masing-masing kelompok erbahan AKSI kai sibanci ibahan ibas runggun guna PENCEGAHEN ntah NAMPATI Permata ntah senina turangta ( di Iuar GBKP pe banci ) si enggo terkena narkoba ras H1V/AIDS.

Enggo kenca dung erdiskusi ibas kelompok, emaka setiap kelompok memaparken kai si enggo diskusiken.
Enggo kenca dung i paparken, ibahan doa ibas kelompok masing-masing ( Bergandengan tangan guna notoken aksi si rencana i lakoken kelompok).
➢ Enggo kenca dung diskusi, rende lebe emaka ertoto.

KEE. No.292:3

Di kita la mediate, man teman ras jabunta

I jape la malem ate, di sirang ras Dibata

Begikenlah pendiloNa, usih perbahanenNa

Sampati turang senina, dame senang ukurta...2x i

endeken

Ertoto i babai Pemimpin Ertoto ( PE )

PE : Mari dage si totoken i bas masing-masing kelompok kai nda Aksi si enggo si sepakati enda gelah si dalanken, mari sipindo gegeh man Tuhan, gelah i bereken Tuhan kuasaNa man teptep kelompok gelah ngasup ndalanken aksi si enggo i rencanaken, Janah ola kita mbiar sebab Tuhan si masu-masu si erdahin ibas peken anggur Tuhan, janah dahin enda emkap dahin si mulia, mabai kalak si enggo bene, kalak si enggo papak mulihi rembak ras Tuhan. Mari ras kita ertoto ibas masing-masing kelompok, janahta bergandengen tan. Ertoto si benaken................... ( 5-10 menit )
................( DOA KELOMPOK ) ..............musik instrument ( P )
PE : Enda kerina toto kami Tuhan, pegegehi kami guna ndalankenca. Ibas Yesus Kristus reh kami ertoto. Amin

10. Persembahen
PE : Rende. KEE.No.332:1 "Sipembarken Writa Si Meriah"
Sipembarken b'rita si meriah
Si tertaban banci pulah
Si pentang jadi erpengidah
Rakatlah min ersembah
Rakatlah min ersembah
Reff :
Perban lias ate Tuhanku
Gegeh dosa enggo talu
Kuasa Kristus tangkas t'ridah
Rasa lalap pujilah................... (i ulih-ulihi)

11. Doa Persembahen + Pertoton Tuhan

Pdt Insan Sinurat, S. Th