KEE 89 Si Medersa Me Ukurna

KEE No. 89 : 1 - 10 ( Si Medersa Me Ukurna )

Ayat 1 :
Si medersa me ukurna
Ketuahen ia me
Sangap ia me aturna
Keriahen surga pe
Bana ras ncukupi kap
Kebayaken si tetap

Ayat 2 :
Si erate ceda ‘rtuah
Bana apul Tuhan kap
Ban nggo ndeher si Perkuah
PenampatNa tergejap
Mambur iluh gia me
Ipernehen Tuhan pe

Ayat 3 :
Ketuahen si ukurna
Lembab tah megogo e
Maka ‘rtambah me bujurna
Nggit kal ia talu pe
Kurang kerajangna pe
Bana kap pertibi e

Ayat 4 :
Si melehe dingen muas
Kempak kebenaren e
Ketuahen, lanai muas
Ia ibesuri pe
Si nggo nare min ku das
Ia ngidah Tuhan ras

Ayat 5 :
Si atena nge mekuah
Man teman ras kalak pe
Ia sangap ras ertuah
Ban mehuli langkah e
Si ngapuli kalak e
Jumpa pengapulna pe

Ayat 6 :
Si melikas ukur kapen
I idahna Tuhan pe
Kebujuren reh tetapen
Geduk ilawanna me
Si nggo ngayak serta kin
Ia serta kal pagin

Ayat 7 :
Ketuahen si ngayaki
Maka ‘rdame ras teman
Si ndarami periahken
Ukur asa si terban
Si bage ukurna kin
Anak Tuhan me pagin

Ayat 8 :
Sierkiniteken kebenaren
Seh bas kepiceten pe
Labo kai pe kebiaren
Ketuahen ia nge
Kerajan Dibata kin
Tentu bana me pagin

Ayat 9 :
Adi igombangi kalak
Kam ‘rdandanken Tuhan me
Ola gia ersimolak
Di icekuraki pe
Si nggenggengken enda kap
Ketuahen me tetap

Ayat 10 :
Sira tendang doni enda
Kam me si nggo tek kap e
Arah lagu langkah jenda
Min terpuji Tuhan nge
‘Di atendu surga e
Ayak ukur surga pe

Sinusurkenca Pdt. E. J. Van den Berg