KEE 209 Perpulungen Ersadalah
KEE No. 209 : 1-5 ( Perpulungen Ersadalah )
Ayat 1 :
Perpulungen ersadalah,
Ngikutken PedahNa.
Bas kiniteken tetaplah,
Man Tuhan Dibata.
Bas si mehuli ayaklah,
Sisampat-sampaten.
Bage kap pedah Dibata,
Sikeleng-kelengen.
Ayat 2 :
Gereja Kristen sikaplah,
Ersada paguhlah.
Ersada ukur min i bas,
Dibata Bapanta.
Peturah kiniteken pe,
Ras dame k’rinalah.
Ras sikeleng-kelengenlah,
Ngikutken Tuhanta.
Ayat 3 :
Ersada ‘bas lau peridin,
Ban sada Tuhanta.
Gereja kitik tah mbelin,
Si mada Dibata.
Gereja la banci pecah,
Ersada kerina.
Ersada bas kiniteken,
Sisampat-sampaten.
Ayat 4 :
Erbage-bage pemere,
Man banta kerina.
Tujunna sada me kepe
Terpuji Dibata.
Ersada ukur me jine,
O, Kristen japa pe.
Anem melala ringring pe,
Sada kula kepe.
Ayat 5 :
Kerina daten pemere,
Dat pasu-pasu pe.
Mejingkat k’rina min dage,
Ndahiken dahin e.
Meteruk ukur k’rinalah,
Em pedah Tuhan e.
Em jadi man ikutenlah,
Ibas kelengNa e.
Sinusurkenca Panitia Ende-Enden GBKP 1979-1984
0 Response to "KEE 209 Perpulungen Ersadalah"
Post a Comment