Bapa Si Jore Ukurna

BAHAN BIMBINGAN PA MAMRE
TANGGAL, 26 JULI - 1 AGUSTUS 2026
(Bapa Si Sehat Secara Mental )

Ogen : Daniel 4:34-36

Nebukadnesar muji Dibata
34.Nina Raja Nebukadnesar, “Kenca lepas si pitu tahun ndai, kutare ku langit e maka enggo jore ukurku mulihi. Kupuji Dibata si Meganjangna, janah kupehaga dingen kupemuliaken Ia si nggeluh rasa lalap. Rasa lalap Ia erkuasa, kinirajanNa tahan asa si ndekah-ndekahna.
35. Manusia i bas doni la kai pe akapNa; malekat i Surga ras manusia i doni Ia ngatursa. La ise pe ngasup ngelawan peratenNa la ise pe banci nungkun, ‘Kai si ibahanNdu e?’
36. Kenca jore ukurku mulihi, dolatku, kehaganku, ras kemulianku iberekenNa man bangku mulihi. Pegawai-pegawaiku ras kalak mbelin ngalo-ngalo aku, janah kuasa kerajanku ibereken mulihi man bangku, janah lebihen pe asa dolatku si enggo-enggona.

Tema : Bapa Si Jore Ukurna

Tujun : Gelah Mamre :
1) Meteh hal sierbahanca jore ukur e me Dibata kegeluhenna.
2) Ngasup ngelumbaken cara rukur si jore

Metode : Diskusi ras Aksi

I. KATA PENARUH
I bas salah sada situs isingetken i je kerna kesehaten mental (mental health), nina bagenda: "Kesehatan mental atau yang juga dikenal dengan mental health adalah kondisi kesehatan yang berkaitan dengan aspek kejiwaan, psikis, dan emosional seseorang. Mental health mencerminkan keadaan kesehatan mental seseorang, termasuk tingkat keseimbangan emosional, kemampuan mengatasi tekanan, dan kualitas hubungan interpersonal. Seseorang dapat dikatakan memiliki good mental health adalah apabila memiliki ketenangan jiwa dalam menjalani hidupnya. Sebaliknya, seseorang yang kesehatan mentalnya terganggu akan merasa kesulitan dalam mengendalikan emosinya bahkan dapat memengaruhi hubungannya dengan orang lain, kemampuannya dalam berpikir, atau bahkan memicu munculnya keinginan untuk melukai diri sendiri". Arah penjelasen enda tentu penting kal kita selaku Mamre GBKP nandai kondisi-kesehaten mental ta (ukurta) sabab mbelin kal pengaruhna ku bas kegeluhenta si tep-tep wari. Caranta rukur, ngerana ras perbahanenta e me gambaren kondisi ukurta sangana jore entah lang.

II. URAIAN TEKS
   Bahan PA Mamre nta sekali enda kerna raja Babel, si tergelar Nebukadnesar, nuriken sada pengalamen geluhna selaku raja si erkuasa i bas zamanna ras kerajanna pe mbelin. Bahan PA Mamre nta genduari, i benai ayat 34-36, nuriken kerna perubahen cara rukur ras bertindak, bahkan perubahen suasana pusuh raja Nebukadnesar kenca idalanina masa 7 tahun ndai. Erpalasken si e, lit piga-piga hal si man tengetenta, e me:
   Ayat 34: Nina Raja Nebukadnesar, "Kenca lepas si pitu tahun ndai, kutare ku langit e maka enggo jore ukurku mulihi". Pitu tahun si enggo ialamina, mereken sada pengalamen nggeluh si mbaru man Nebukadnesar. Perubahen situasi arah nggeluh i bas istana raja, erbage kemewahen, tading mrentah, melala kemudahen, mehamat kalak man bana, berubah situasi geluhna jadi nggeluh ras rubia-rubia, man dukut, terpuruk tuhu-tuhu. Tapi kenca ialamina si 7 tahun e, kai nina, ku tare ku langit, i bas bahasa aslina pakena kata shamayin ertina surga, langit. E ngatakenca maka, jurgak pe takalna, lanai dalam konteks kesombongen, tapi i bas keadaan si mbaru bagi kalak si ngataken bujur ras natap kempak Tuhan alu rasa kagum, terharu ras hormat. Janah selanjutna nina Nebukadnesar: e maka enggo jore ukurku mulihi. "Jore ukur" i bas bahasa Indonesia pakena kata "akal budi", i bas bahasa Ibrani pakena kata manda ertina, pengetahuan, kekuatan untuk mengetahui, memahami, pengertian. Alu bage, pengakun Nebukadnesar enda banci si ertiken: kenca lepas si 7 tahun, erlajar arah pengalaman geluhna, terbuka me ukurna, datna pemeteh, paham me ia, ngerti ia, iangkana kai sura-sura Dibata man bana, ras jore me ukurna.
  Kenca enggo jore ukurna, "kupuji Dibata si Meganjangna". Ia sekalak raja si erkuasa, kerajanna mbelin, tapi justru, Nebukadnesar muji Dibata. Bahkan ikatakenna Dibata si Meganjangna. Ganjangen asangken kuasa ras kerajan Babel (Babilonia). La sebatas ipujina Dibata, tapi pe kupehaga dingen kupermuliaken Ia singgeluh rasa lalap (34b). "Kupehaga", bhs Indonesia "membesarkan", sementara ibas bahasa Ibrani : shebach ertina memuji, memuja, memuliakan, menyanjung, mendewakan. Sementara kata "kupermuliaken", Bahasa Indonesia, "memuliakan", i bas Bahasa Ibrani pakena kata hadar ertina memuliakan, mengagungkan, memuja, i bas Bahasa Inggrisna: to glorify (God). Ayat 35, Nebukadnesar nuriken kerna ise Dibata ras ise manusia. Keduduken Dibata ndauh ganjangen asangken manusia. Baik manusia bege pe malekat, Tuhan ngaturkensa. La lit si ngasup ngelawan peratenNa. Arah sudut pandang Nebukadnesar selaku raja si enggo ipelimbarui perukurunna ngidah ras nggejapken maka uga pa pe belinna kuasa manusia labo terpeseri ras kuasa (keduduken) Dibata. Memang lit kuasa manusia, tapi ibabona lit denga kuasa Dibata si terganjangen.
   Ayat 36: Kenca jore ukurku mulihi, dolatku, kehaganku, ras kemulianku iberekenNa man bangku mulihi. I bas Alkitab Bahasa Indonesia tertulis: "Pada waktu akal budiku kembali kepadaku, kembalilah juga kepadaku kebesaran dan kemuliaanku untuk kemasyhuran kerajaanku. Janah seh me Nebukadnesar ku bas sada pengakun maka igejapkenna Tuhan memulihkan ukurna (ngelayasi pusuhna) bahkan dolatna selaku raja mulih man bana. Dibata ngangkatken ia mulihi alu pribadi ras perukuren si berbeda. E me lanai ngandalken kuasana tapi enggo ngandalken kuasa Dibata. Lanai meganjang ukurna tapi enggo meteruk ukurna bahkan ipujina pe Dibata si meganjangna (nen pe ayat 37). Janah selanjutna nina Pegawai-pegawaiku ras kalak mbelin ngalo-ngalo aku, janah kuasa kerajanku ibereken mulihi man bangku, janah lebihen pe asa dolatku si nggo-nggona. Isaksiken Nebukadnesar maka pegawaina ngalo-ngalo ia mulihi. Bahkan dolatna melebihi si enggo-enggona (bdk Ayub kenca ilewatina proses kegeluhenna).

III. PENGKENAINA
   Si jadi Tema PA Mamre-nta sekali enda e me Bapa Si Jore Ukurna. Arah penjelasen bahan PA enda, kita selaku Mamre banci erlajar arah Nebukadnesar kai nge si jadi factor erbahanca ukurta la jore ras kai ka si jadi factor si erbahanca ukurta jore. Faktor si erbahanca ukurta la jore erpalasken bahan PA nta:
   Kemegahen doni.
   Umumna, kerina jelma ersura-sura sukses, entah seh sura-surana. Enda kerina i bas level sura-sura kedagingen entah manusiawi. Kemegahen doni jadi perayaken. Ulihna lit deba si ndatkenca tapi lit ka si kecewa bahkan deba enggo sakit pe. Lanai sehat mentalna (lanai jore ukurna).
   La ngasup ngantusi sura-sura Dibata.
   I bas kita nggeluhken geluhta i doni enda, labo terantusi kita kerina sura-sura Dibata i bas geluhta, apakah si bagi ukur entah si la bagi ukurta. Nebukadnesar selaku raja pe mindo man Daniel gelah nuriken antusen nipina. Ia perlu penjelasen ras arti nipina. Banci jadi kita pe lit kejadin i bas geluhta si la kita ngasup ngertikenca, sungkunlah Tuhan.
   Faktor (tips) si erbahanca ukurta jore:
   Nggit nungkun ras erlajar.

Melala memang si enggo si eteh tapi lit denga ka nge si labo siangkai. Terus belajar mengembangkan diri ras nggit nungkun erbahanca pusuhta semakin terbuka ras si angka kai arus silakoken ibas geluhta. Labo erbias-bias nambahi pemeteh. Jadilah pembelajar yang tekun (sekolah hidup).
   Nggit megiken kata pedah (nasehat).
   Kepate ras nggit nampati, labo ngukurken kesenangenta tapi kesenangen Bersama (kebaikan bersama) kepeken erbahanca jore ukurta. Bagi prinsip: senang melihat orang senang, dan susah melihat orang susah.
   Ndalani proses Tuhan mpelimbarui geluhta.
   Usur si belasken, rancangan Tuhan Adalah rancangan damai sejahtera (bdk Jer. 29:11). Tapi bage kenca lit si la bagi ukurta, mekatep lupa kita ayat enda. Bagi ukurta min si jadi, e maka ninta rancangan Tuhan rancangan damai sejahtera. Raja Nebukadnesar ibentuk Tuhan mulihi perukurenna kidekah 7 tahun. Erlajar meteruk ukur ras ngaloken kuasa Tuhan ganjangen asangken kuasana sendiri. Setia I bas proses, she dungna jore ukurna, angkana sura-sura Tuhan, pujina Tuhan janah kerajanna man bana bahkan terulin asangken si enggona.
  Nikmati geluhta selaku Mamre ras isi jabunta, belajar bersyukur (ngataken bujur), ula erbanding-banding, ergai kalak sideban, sampati temanta kasa gegeh ukur lit, jagai jabunta gelah tetap ersembah man Tuhan. Ergaken pe kerina jelma (seninanta Mamre ras kalak sideban isekitarta). Adi lit kuasa, gegeh, kinilitenndu, pakeken kesempaten si lit saling berbagi ras seninanta Mamre si deban. Em gambaren "Bapa Si Jore Ukurna".

IV. DISKUSI
1. Pelajaren kai nge si banci idatndu arah pengalamen raja Nebukadnesar enda?
2. Menurut kam sendiri entah pengalamenndu, turiken dage kai nge ciri-ciri "Bapa Si Jore Ukurna"?

USULEN ENDE-ENDEN :
1) KEE GBKP No 249:1,3 ( KLIK JUDUL LAGU UNTUK MELIHAT LIRIK TEKS )
2) KEE GBKP No 354:1-3 ( KLIK JUDUL LAGU UNTUK MELIHAT LIRIK TEKS )
3) KEE GBKP No 181:1,2 ( KLIK JUDUL LAGU UNTUK MELIHAT LIRIK TEKS )
4) KEE 343 No. 343 : 1 (Persembahen) ( KLIK JUDUL LAGU UNTUK MELIHAT LIRIK TEKS )

Pdt. Jekson Barus, M.Th.

HP/WA: 0813 7027 3729