Nande Si Nikapken Kesusuren Si Paguh - Hari Ulang Tahun Permata GBKP ( Bahan PA Moria 1 - 7 September 2019 )

Bahan Bimbingen PA Moria 1 - 7 September 2019

Hari Ulang Tahun Permata GBKP

SI MAN OGEN : Masmur 144 : 12-15

12. Anak-anak kami tupung anak perana,
balilah min desken batang kayu si turah alu megegeh.
Janah anak-anak kami si diberu tupung singuda-nguda,
jadilah desken tiang si ihias i bas suki-suki istana.
13. Bahanlah gudang-gudang kami dem isina,
alu ulih juma si melala erbagena.
Bahanlah min biri-biri kami i mbalmbal,
meribu-ribu buena.
14. Jadilah maka merih lembu kami,
dingen la lit si bene dingen la lit si keguguren.
Ola min lit kalak si kelsehen, i bas dalin-dalin kuta kami.
15. Malem ate bangsa-bangsa si bage,
malem ate kalak si erDibataken TUHAN.

TEMA : NANDE SI NIKAPKEN KESUSUREN SI PAGUH.

T U J U N : Gelah Moria

• Meteh maka anak perana desken batang kayu si megegeh ras anak diberu desken tiang si ihias i bas istana. 
• Ngasup nikapken anak alu nehken pengajaren ras usihen guna ngalaken tantangen ras proses kiniulin masa depanna. 

METODE PA : Sharing pengalaman, aksi, nobar.

Kata Penaruh.
Dibata nepa kegeluhen doni enda, nai nari, genduari seh rasa lalap. Kegeluhen si nderbih enggo si bentasi, wari enda man perjuangenkenta janah wari si pagi langa tentu kita atan ngenanamisa. Emaka la banci lang, kita arus nikapken si pagi e alu perjuangen wari si sendah. Sabap adi wari si sendah banci denga si idah, si arak-arak dingen si pedahi anak kempunta, si dampingi ia ngalaken erbage kiniseran ras percuban. Tapi wari si pagi langa tentu banci atan hadir nemani ia i bas ndalani wari-wari guna ngalaken erbage-bage tantangen.

Emaka arus si sikapken ia gelah ngasup ndalani kegeluhen amin kita lanai ras ia pagin. Kai si arus si bahan guna sie? Tentuna nikapken anak-anakta e gelah sikap ia ndalani kegeluhen enda alu mehuli, sabap anak-anakta eme, kesusurenta guna nerusken kegeluhen doni enda.

Mpebagesi Pengangkan Kerna Ogen.
Bahan PA-nta enda eme ende-enden pujin ras pengataken bujur raja menang i bas peperangen. Iturikenna kinimbisan Dibata si nepa doni ras isina, si mereken kemenangen man raja-raja. Daud nehken puji-pujin erkiteken ngaloken kemenangen i bas perang bage pe erpengarapen kerna kiniulin kesusuren ras kemakmuren bangsana. Janah enda enggo jadi bagin Pertoton perpulungen kerna kegeluhen sitep-tep wari.

1. Anak-anak. Tangkas pengarapen Daud kerna kesusuren eme anak dilaki ras diberu. Sabap nai nari Padan Dibata man kalak si ipilihNa mereken kesusuren, bagi bintang i langit ( Kejadin 15:5 ). Gambaren anak-anak si nguda si ituriken Daud eme:
   
   • Dilaki, anak perana, desken batang kayu si turah ras megegeh. Turah, reh belinna la saja daging kula tapi pe kerina biak si mehuli; megegeh i bas si mehuli.
   • Diberu, singuda-nguda desken tiang ihiasi i bas suki istana. Tiang suki istana tentuna megegeh ras paguh, itatap seh kal jilena erbahanca mehaga istana si itatap ras ipujiken kalak sideban. Bageme anak diberu si iarapken bangsa enda.
2. Ulih pendahin. Isingetkenna kerna gudang eme ingan nimpan ulih pendahin, adi bas masyarakat Karo igelari keben, i je me ipepulung ulih juma kususna gandum ( page ). Ulih si melala, gudang si dem jadi jaminen maka bias keperiun geluh, la mbiar kelihen ( bagi Jusup si mpepulung ulih juma pitu tahun dekahna i Mesir ). Pemasmur nuriken ulih juma e erbage-bage jenisna, eme pasu-pasu Dibata man bangsana. Kegeluhen bangsa Dibata paksa e erjuma ras erasuh-asuhen. Gambaren kalak si ipasu-pasu Dibata, megati ituriken uga buena asuh-asuhenna ( Abraham, Ishak, Jakub bagepe si Job). Emaka iarapken Daud maka reh buena biri-biri, merih lembu, la lit si bene ras keguguren. 
3. Kemalemen ate. Alu pengarak-ngarak dingen pasu-pasu Dibata kerina ngenanami kiniulin. Gambaren si ituriken Daud eme la lit kalak si kelsehen i bas inganna tading termasuk i tengah kuta. Bageme kemalemen ate kalak si tek dingen nembah man Dibata.

Enda me pertoton dingen pengataken bujur Daud, kesangapen kalak si erkemalangen man Tuhan teridah arah pasu-pasu Dibata: anak, pendahin si ngkuhi kemalemen ate.

Pengkenaina.
Toto ras pasu-pasu si seh asa genduari ibelasken kalak Karo kususna i bas kerja perjabun eme: jumpa bulan matawari, si nangkih mayang ras si nutu cimpa bagepe merih manuk niasuh, mbuah page nisuan. Ertina enda me salah sada bentuk kebayaken ras kesangapen i bas budayanta. Jumpa tuah anak dilaki ras anak diberu bagepe rulih i bas kerina pendahin. Masyarakatta nggo ngukuri kerna paksa si reh, emaka megati adi si perdiateken, orangtua ncari nikapken man anak kempuna, tading- tadingen, erta. Talu megati perayaken arus mereken tadin kiniteken ras pedah si mehuli. Perbahan belinna arapenta nandangi anak kempu. Arah rusurna kita megiken ras makeken Kata Dibata, biak si bagenda rupana enggo mulas reh urakna.

Enda me si jadi perayakan ras arapen man banta Moria GBKP gelah ngidah PERMATA, rudang-rudang mejile si la saja jadi kebanggan ras ngkuhi keriahenta tapi pe jadi persembahenta man Dibata. Sabap kita nikapken kesusuren, generasi penerus si mehuli si ngena ate Dibata. Guna sie, tentuna orangtua i bas jaman enda reh belinna tantangen si man alankenta. Seh buena pinakit sosial si banci ncedaken batang kayu si turah ndai bagepe ncedaken hiasen si mejile. Reh buena kita arus ertoto, gelah ieteh anakta bage belinna arapenta nandangi ia. Ende-enden 'Di doa ibuku' la saja terjeng ende-eden si iendekenna tapi memang e si isaksiken anak-anakta sabap ibegina si singetken gelarna i bas pertotonta bagepe bagi lagu 'Rudang-rudang mejile'.

Si perlu si inget, tugas ras tanggungjababta mpebelin anak si ibereken Dibata. Si renungken Pertoton Jendreral D. MacArthur

Tuhanku... 

Bentuklah anakku menjadi manusia yang cukup kuat untuk mengetahui kelemahannya. 

Dan, berani menghadapi dirinya sendiri saat dalam ketakutan. 

Manusia yang sabar dan tabah dalam kekalahan 

Tetap jujur dan rendah hati dalam kemenangan. 

Bentuklah puteraku menjadi manusia yang berhasrat mewujudkan cita-citanya dan tidak hanya tenggelam dalam angan-angannya saja. 

Seorang Putera yang sadar bahwa mengenal Engkau dan dirinya sendiri adalah landasan segala ilmu pengetahuan. 

Tuhanku... 

Aku mohon, janganlah pimpin puteraku di jalan yang mudah dan lunak. 

Namun, tuntunlah dia di jalan yang penuh hambatan dan godaan, kesulitan dan tantangan. 

Biarkan puteraku belajar untuk tetap berdiri di tengah badai dan senantiasa belajar untuk mengasihi mereka yang tidak berdaya. 

Ajarilah dia berhati tulus dan bercita-cita tinggi, sanggup memimpin dirinya sendiri, sebelum mempunyai kesempatan untuk memimpin orang lain. 

Berikanlah hamba seorang putra yang mengerti makna tawa ceria tanpa melupakan makna tangis duka. 

Putera yang berhasrat untuk menggapai masa depan yang cerah namun tak pernah melupakan masa lampau. 

Dan, setelah semua menjadi miliknya... 

Berikan dia cukup rasa humor sehingga ia dapat bersikap sungguh-sungguh namun tetap mampu menikmati hidupnya. 

Tuhanku... 

Berilah ia kerendahan hati...

Agar ia ingat akan kesederhanaan dan keagungan yang hakiki... 

Pada sumber kearifan, kelemahlembutan, dan kekuatan yang sernpurna... 

Dan, pada akhirnya bila semua itu terwujud, hamba, ayahnya, dengan berani berkata "hidupku tidaklah sia-sia"

Sharing Pengalarnen, Nobar ras Aksi:  
Tentuna Moria si pulung lit si metua ras si nguda, ertina beda generasi, alu bage cara nikapken anak tep-tep jamanna banci la seri. Emaka si bagi kelompok, 6 kalak sada kelompok, tep-tep kelompok lit metua ras nguda

1. Si metua nuriken carana nikapken kesusuren rikutken jamanna dingen si nguda nuriken tantangen si nialamina rikutken konteks si genduari. Perdiateken kinata ( konteksna ) tujun guna kiniulin PERMATA-nta, labo ndarami kesalahen ras kebenaren.
2. Aksi: ikut Moria i bas PA PERMATA, datam rangka Ulang Tahunna. I bas minggu PERMATA, endeken Rudang-rudang mejile.

Adi enggo mbelin bage mebelin daging nibaba nake
Mbelin bekas pendidong-doah nande bapa perkuah
Ras ikuning-ikuningi mami, mami mbacar metami
Mehuli kal ajarna ndube rikut toto ras pasu-pasuna
Ula kal macik tangke rudang, rudang kalimbubunta
Rudang-rudang mejile nake tuah nu kade-kade
Maka ersingkal gelah babah nande-bapanta sumekah
Payo me ateta tuhu me ateta sipake me pedah
Ula kal macik tangke rudang, rudang-rudang mejile
Rudang-rudang mejile

Penulis ( Pdt Suenita Sinulingga M.Th )

Judul Film : Kasih Ibu

Mohon Bantuan Subscribe dan Like Youtube Channel GBKP KM 8. Bujur

Share this post