Kebaktian GBKP Minggu, 26 Mei 2019

Kebaktian GBKP KM 8 - MINGGU, 26 MEI 2019

( ROGATE : ERTOTO )

BAHAN KHOTBAH
Invocatio : Masmur 5 : 3

3. O Dibatangku, o rajangku,
begikenlah sorangku erlebuh mindo penampat.
Sabap man bandu ngenca aku ertoto.

Ogen : Masmur 102 : 2 - 5, 13 - 23 (Responsoria)

Masmur 102 : 2 - 5
2. O TUHAN, begiken min pertotonku,
dengkehken min pingko-pingkongku.
3. Ola itundalkenNdu aku,
tupung aku i bas kesusahen.
Dengkehken min pingko-pingkongku,
minter min aloi aku.
4. Geluhku masap bali ras cimber,
dagingku melas bali ras api.
5. Pusuhku getem bagi nggala,
nakan pe lanai terpan aku.

Masmur 102 : 13 - 23

13. Tapi Kam kap raja rasa lalap seh rasa lalap, o TUHAN,
kerina kesusuren la ngelupaken Kam.
14. Keke me Kam guna ngkelengi Sion,
enggo seh paksana encidahken perkuah ate man bana,
enda me paksana.
15. Sabap keleng kal ate suruh-suruhenNdu nandangi kuta e,
aminna pe kuta e enggo runtuh,
keleng kal atena kuta e
aminna pe enggo runtuh.
16. Bangsa-bangsa mbiar nandangi TUHAN,
kerina raja-raja malang man kuasaNa.
17. Sabap ipanteki TUHAN me mulihi Sion,
icidahkenNa me kemulianNa.
18. IdengkehkenNa me pingko-pingko bangsaNa si enggo itadingken
dingen ibegikenNa me pertotonna.
19. Suratken min kerina perbahanen TUHAN enda,
guna kesusuren si nandangi reh,
maka bangsa si langa tubuh pe,
banci muji Ia.
20. Itatap Dibata i bas inganNa si badia si meganjang nari,
i Surga nari ipernehenNa ku doni,
21. lako ndengkehken kelsehen kalak si tertaban,
dingen lako mulahi kalak si iukum mate.
22. E maka imomoken me gelarNa i Sion,
ipuji me Ia i Jerusalem,
23. tupung bangsa-bangsa ras kerajan-kerajan
pulung lako ersembah man TUHAN.

Khotbah : Lukas 11 : 5 – 13 (Tunggal)

5. Tole nina Jesus man ajar-ajarNa, “Adi sekalak i bas kam lawes ku rumah temanndu i tengah berngi janah nindu, ‘O teman, kupinjam min rotindu telu ngkibul,
6. sabap temanku si i bas perdalanen singgah ku rumahku janah la lit si man berenken man bana.’ 7. Banci jadi temanndu e erjabap i rumah nari, ‘Ola ganggundu aku! Pintun enggo ieruk, janah aku ras anak-anakku enggo medem. La terbahan aku keke guna merekenca man bandu.’
8. Bage gia, Kukataken pe man bandu, aminna gia ia la keke mereken roti man bandu erkiteken ia temanndu, tapi perbahan la kam mela mindo alu meseksek, keke nge ia, iberekenna man bandu kai si iperlukenndu.
9. Perbahan si e Kukataken man bandu: Pindolah tentu ngalo kam; daramilah, tentu idatndu; tuktuklah, tentu italangi pintun man bandu.
10. Sabap ise si mindo ngalo kap, janah ise si ndarami idatna kap, bage pe ise si nuktuk pintun italangi kap.
11. Tentu la lit i bas kam selaku bapa mereken nipe man anakndu adi ipindona nurung.
12. Ntah iberekenndu kacip gelang man bana adi ipindona tinaruh. 

13. Dagina, adi kam pe kalak si jahat ietehndu mereken si mehuli man anak-anakndu, apai denga ka Bapa si i Surga. Tentu iberekenNa nge man bandu Kesah si Badia man si mindo man baNa.”

Tema : ”Dibata Mereken Si Mehuli”

ENDE-ENDEN

1. KEE 311 : 1-3  ( Klik Judul KEE Untuk Melihat Teks Lirik Lagu )
2. KEE 463 : 1-5  ( Klik Judul KEE Untuk Melihat Teks Lirik Lagu ) 
3. KEE 306 : 1     ( Klik Judul KEE Untuk Melihat Teks Lirik Lagu )
4. KEE 377 : 1-2  ( Klik Judul KEE Untuk Melihat Teks Lirik Lagu )
5. KEE 391 : 1-3  ( Klik Judul KEE Untuk Melihat Teks Lirik Lagu )
6. KEE 366 : 1-   (Persembahen)
7. KEE 381 : 1-4  ( Klik Judul KEE Untuk Melihat Teks Lirik Lagu )

Share this post