Kebaktian Paskah II GBKP Senin, 22 April 2019

KEBAKTIAN PASKAH II

Kebaktin sekali ngenca, ilakoken wari Senen, 22 April 2019, benaken pukul 19.00
Wib/Jam 07 berngi.

A. BAHAN KHOTBAH
Invocatio : Masmur 13 : 6

6. Ernalem aku ku bas keleng ateNdu si tetap.
Meriah ukurku perbahan ipulahiNdu aku.
O TUHAN rende aku man banNdu.
Sabap lalap mehuli perbahanNdu man bangku.

Ogen : Perb. Rasul-Rasul 4 : 5 – 12 (Tunggal)

5. Pepagina pulung peminpin-peminpin kalak Jahudi ras pertua-pertua bage pe guru-guru Undang-undang i Jerusalem.
6. Ikut pe pulung Imam si Mbelin Annas ras Kayapas, bage pe Johanes ras Aleksander ras kalak si deban i bas kesusuren Imam si Mbelin nari.
7. Kenca bage isuruhna Petrus ras Johanes tedis i lebe-lebe sidang. Jenari isungkunina nina, “Kuga ibahanndu maka kalak si pangpangen e enggo banci erdalan? Kuasa kai lit i bas kam ntah pe gelar ise ipakendu asum kam mpepalem ia?”
8. Petrus si dem alu Kesah Si Badia erjabap man sidang e nina, “O kam peminpin-peminpin ras pertua-pertua.
9. Kami iadilindu kerna perbahanen kami si mehuli nandangi kalak si pangpangen e. Isungkunindu kami kerna kuga kami pepalem ia.
10. Dage arus ietehndu kerina bage pe arus ieteh kerina kalak Israel maka ia si tedis i lebe-lebendu enda enggo banci erdalan erkite-kiteken kuasa gelar Jesus Kristus kalak Nasaret. IA me Jesus si enggo ipakukenndu ku kayu persilang dingen si enggo ipekeke Dibata i bas si mate nari.
11. Jesus si ikataken i bas Pustaka Si Badia,
‘Batu si iambekken tukang enggo jadi batu palas.’
Janah kam me tukang e.
12. Arah Jesus ngenca kita banci terkelin; sabap i belang-belang doni enda la lit itetapken Dibata gelar si deban si erbahanca kita terkelin.”

Khotbah: Jesaya 63 : 7 – 9 (Responsoria)

Kiniulin TUHAN man Israel
7. Ateku nuriken kerna kekelengen TUHAN si la lit sibarna,
kupuji Ia, erkiteken kasa kai si enggo ibahanNa.
Man bangsa Israel enggo mbue kal pasu-pasuNa,
erkiteken kekelengenNa si tetap ras perkuah ateNa.
8. Nina TUHAN, “BangsangKu kap ia, e maka labo banci Aku itipuna.” Erkiteken si e ikelinina bangsa e
9. i bas kerina kiniseranna nari. Labo malekat, tapi TUHAN jine kap si ngkelinisa. Erkiteken kekelengenNa ras perkuah ateNa, ipulahiNa bangsa e. I bas paksa si enggo lepas lalap ipekena-kenaNa ia, 

Tema : ”Kekelengen Tuhan La Lit Sibarna”

B. ENDE-ENDEN

1. KEE 463 : 1-2   ( KLIK JUDUL KEE UNTUK MELIHAT LIRIK TEKS LAGU )
2. KEE 201 : 1-2   ( KLIK JUDUL KEE UNTUK MELIHAT LIRIK TEKS LAGU )
3. KEE 242 : 1-3   ( KLIK JUDUL KEE UNTUK MELIHAT LIRIK TEKS LAGU )
4. KEE 354 : 1-2   ( KLIK JUDUL KEE UNTUK MELIHAT LIRIK TEKS LAGU )
5. KEE 302 : 1- (Persembahen)
6. KEE 183 : 1-2   ( KLIK JUDUL KEE UNTUK MELIHAT LIRIK TEKS LAGU )

Share this post