Kebaktian Paskah I GBKP Minggu, 21 April 2019

KEBAKTIAN GBKP KM 8 MINGGU, 21 APRIL 2019

( PASKAH I : PULAH / KEKEKEN TUHAN JESUS )

I. BAHAN KHOTBAH
Invocatio : Pilipi 3 : 10

10. Sada ngenca sura-surangku e me gelah kutandai Kristus dingen kugejap kuasa kekekenNa janah ikut aku ngenanami kiniseranNa, dingen bali ras IA i bas kematenNa, 11alu pengarapen maka aku ipekeke Dibata i bas si mate nari ku kegeluhen.

Ogen : Masmur 21 : 1 – 7 (Antiponal)

Pujin guna kemenangen
1. Masmur Daud.
2. O TUHAN, meriah iakap raja sabap kuasaNdu, la tanggung riahna iakapna
perban kemenangen si iberekenNdu bana.
3. Sura-sura ni pusuhna isehkenNdu,
pemindonna iberekenNdu.
4. Reh Kam ndahi ia alu pasu-pasuNdu si mbelin,
itamakenNdu mahkota emas ku takalna.
5. Ipindona kegeluhen; cawir metua iberekenNdu man bana,
lebihen asang si e, geluh si la erkeri-kerin pe iberekenNdu man bana.
6. Erkiteken penampatNdu terberita kal ia,
iberekenNdu bana kegeluhen si medolat.
7. Pasu-pasuNdu ngarak-ngarak ia tetap,
dingen i bas adep-adepenNdu malem atena lalap.

Khotbah : Johanes 20 : 24 – 31 (Tunggal)

Jesus encidahken diriNa man Tomas
24. Sekalak i bas ajar-ajar si sepuluh dua e gelarna si Tomas (igelari pe si Kembar). Sanga Jesus encidahken diriNa man ajar-ajarNa, Tomas la ikut i je.
25. E maka erberita ajar-ajar e man Tomas nina, “Kami enggo jumpa ras Tuhan!”
Ngaloi Tomas, “Adi la kin kuidah bekas paku i bas tanNa, janah adi la kin kutamaken jari-jaringku ku je bage pe adi la kin kutamaken tanku ku awakNa, labo aku tek.”
26. Seminggu kenca ajar-ajar e pulung, pulung ka ia i bas inganna pulung e. Tomas pe ikut pulung. Pintu enggo ieruk, tapi bengket Jesus ku bas, tedis IA i lebe-lebe ajar-ajar e, jenari nina, “Mejuah-juah!”
27. Jenari nina Jesus man Tomas, “Tamakenlah jari-jarindu ku jenda, janah nehenlah tanKu. Dadaken tanndu, tamaken ku awakKu. Olanai la tek, tapi teklah!”
28. Ngaloi Tomas man Jesus, “O, Tuhanku! O, Dibatangku!”
29. Nina Jesus man Tomas, “Ma perbahan idahndu Aku nge maka kam tek? Malem tuhu-tuhu ate kalak si tek man bangKu aminna pe la Aku idahna!”

Tujun kitap enda
30. Tuhu melala denga tanda-tanda sengget ibahan Jesus i lebe-lebe ajar-ajarNa si la isuratken i bas Kitap enda.
31. Kai si enggo isuratken i bas Kitap enda tujunna e me gelah kam tek maka Jesus kap Anak Dibata; IA kap Mesias si ipadanken Dibata. Bage pe gelah arah kinitekenndu nggeluh kam i bas gelarna!

Tema : ”Jesus Keke, Teklah”

II. ENDE-ENDEN

1. KEE 463 : 1-3  ( KLIK JUDUL KEE UNTUK MELIHAT LIRIK TEKS LAGU )
2. KEE 309 : 1-3  ( KLIK JUDUL KEE UNTUK MELIHAT LIRIK TEKS LAGU )
3. KEE 128 : 1-3  ( KLIK JUDUL KEE UNTUK MELIHAT LIRIK TEKS LAGU )
4. KEE 211 : Singer   ( KLIK JUDUL KEE UNTUK MELIHAT LIRIK TEKS LAGU )
5. KEE 211 : Jemaat  ( KLIK JUDUL KEE UNTUK MELIHAT LIRIK TEKS LAGU )
6. KEE 269 : 1-3  ( KLIK JUDUL KEE UNTUK MELIHAT LIRIK TEKS LAGU )
7. KEE 233 : 1- (Persembahen)
8. KEE 374 : 1-3  ( KLIK JUDUL KEE UNTUK MELIHAT LIRIK TEKS LAGU )

Share this post