KEE 50 O, Seninangku Mari

KEE No. 50 : 1 - 6 ( O, Seninangku Mari )

Ayat 1 :
O, seninangku mari
Teknari ben me kap
Lah di gelapen kari
Ateta me tetap
Ota! Dalinkenlah
Lanai bo kap ndauhsa
Si idah kari Bapa
Ibas rumahNa ‘jah

Ayat 2 :
La lit erkadiola
Si milih dalin e
Tah papak pe mb’ra ola
La lit pe si bene
‘Di njulus gia pe
Tetapken peratenndu
Pernehen ku lebendu
Ma pintun surga e?

Ayat 3 :
Tah latih gia kita
‘Ban bongkak-bangkik je
Tah luka pe nahenta
Ibahan duri pe
Lain dalin kap la lit
Si ikutlah Tuhanta
Ban Ia me Temanta
Bene pe lanai nggit

Ayat 4 :
Usurilah senina
Si naruh kapen je
Ja keharun banta
IgegehiNa pe
T’rang adah nehenlah
Ma siang ayo Bapa?
Nggo ukur jadi sapa
Sidahi Bapa jah

Ayat 5 :
Dalinkenlah gundari
Lanai ndauhsa kap
‘Deherna reh tiap wari
Ku ingan si tetap
‘Di sidalanen kin
Je sisampat-sampaten
Je kesenangen daten
I surga pe pagin

Ayat 6 :
Lanai ndekah serana
Megenggeng kita min
Nggit ndeher me jangkana
Si jumpa pengadin
Je bengket surga pe
Je jumpa ras temanta
Je ngadap man Tuhanta
Je lalap kita e

Sinusurkenca Pdt. E. J. Van den Berg

Share this post