KEE 204 Kata Ni Dibata

KEE No. 204 : 1 - 6 ( Kata Ni Dibata )

Ayat 1 :
Kata ni Dibata,
Seh kal e perluna.
Bas geluh enda,
Ogelah Pustaka.
Je Ia ngerana,
Man banta k’rina.
Gegeh ibas geluhku,
KataNdu situhu-tuhu,
Ras pasu-pasuNdu.

Ayat 2 :
Kata ni Dibata,
E jadi senjata,
Bas geluh enda.
Lawanlah musuhta,
La arah gegehta,
IpemenangNa.
Tetap kal ukur kami,
La lit kebiaren nari,
Tuhan si nampati.

Ayat 3 :
Mari kita k’rina,
Si begi kataNa,
Tutus ateta.
‘Di nggit ngalokenca.
B’rekenNa dameNa,
Kubas pusuhta.
Ola lupa min dage,
Kata Dibata si pake,
Si petetap ate.

Ayat 4 :
Nguda ras metua,
Perlu ngalokenca,
Kata Dibata.
Tah i japa gia
Ola lupa kita,
Em ban temanta.
Sampatlah min o, Tuhan,
Gelah kuteh kai kubahan,
Man kerina teman.

Ayat 5 :
Di gulut ukurta,
Ogelah Pustaka,
Pengapul banta.
Latih mberat gia,
Ngadulah man baNa,
IpenahangNa.
Tuhan saja kuarap,
Ingan pengadun si tetap,
Teman ras lalap.

Ayat 6 :
Guru ras Pandita,
Diaken, Pertua
Tah ise gia.
‘di ngerana ia
Bas Kata Dibata,
begiken ia
Alu ate si tutus.
Ola bagi si mekarus,
AlokenNdu Yesus.

Sinusurkenca Panitia Ende-Enden GBKP 1979-1984