Bahan PA Permata 17 - 23 Maret 2019

Musyawarah Ngawan

Bimbingen PA Permata :

Nas : 1 Kronika 13 :1 - 14

Peti Perpadanen ipiser i Kiryat Jearim nari 
( 2 Sam. 6:1-11 )
1. Raja Daud runggu ras kerina peminpin pasuken si seribu kalak ras peminpin si seratus kalak.
2. Kenca bage imomokenna man kerina bangsa Israel nina, “Adi payo iakapndu janah adi bage peraten TUHAN Dibatanta, sisuruhlah pertenahen man temanta si sada bangsa bage pe man imam-imam dingen man kalak Lewi si ringan i bas kutana, guna ngataken man bana gelah ras kita kerina pulung i jenda.
3. Kenca bage laweslah kita ngelegi Peti Perpadanen Dibatanta si la iperdiateken sanga Saul jadi raja.”
4. Payo iakap bangsa e kerina kai si ikataken Daud janah ersada arihna kerina guna ngelakokenca.
5. Ipepulung Daud rayat Israel i bas kerina negeri e nari -- menaken i perbalengen Mesir i Selatan seh kempak Dalan ku Hamat i Utara guna maba Peti Perpadanen i Kiryat Jearim nari ku Jerusalem.
6. E maka lawes Daud ras bangsa e ngelegi Peti Perpadanen Dibata ku kuta Baala, e me ku Kiryat Jearim i daerah Juda. Peti Perpadanen e maba gelar TUHAN si kundul i babo Kerubim.
7. I bas rumah Abinadap nari iangkat kalak enda ndarat Peti Perpadanen e jenari itamakenna ku das gereta si mbaru. Ussa ras Ahio mabai gereta e,
8. tapi Daud ras kerina bangsa Israel alu dem keriahen landek-landek asa gegehna guna muji Dibata dingenna rende ras make alat musik.
9. Asum kalak enda seh i bas ingan pengeriken Kidon, i je tertuktuk lembu e, e maka idadaken Ussa tanna njemak Peti Perpadanen e.
10. Merawa TUHAN man Ussa erkiteken idadapna Peti e, e maka ibunuhNa ia janah mate Ussa i adep-adepen Dibata,
11. e me sabapna ingan e igelari Peres Ussa seh wari enda. Nembeh Daud erkiteken itukul TUHAN Ussa alu pernembeh ate.
12. Kenca bage mbiar Daud kempak Dibata jenari nina, “Uga ningku mabasa Peti Perpadanen e genduari?”
13. E maka la ibaba Daud Peti Perpadanen e ku Jerusalem. Tapi itadingkenna i bas rumah Obet Edom -- penduduk asli kuta Gat. 

14. Telu bulan dekahna Peti Perpadanen e tading i je. E maka ipasu-pasu TUHAN keluarga Obet Edom ras kerina sikerajangenna.

Tema : Ersada Arih Maka Enggo Jore

Gelah PERMATA GBKP:

1. Ngangkai kerna perluna Musyawarah Ngawan i tengah-tengah Gerejanta erpalasken nas
2. Ikut muat bagin guna menyuksesken Musyawarah Ngawan alu nikapken usul-usul si mehuli Metode: Inventarisasi (Usul-Usul Si Man Baban ku Musyawarah Ngawan) dan Aksi

I. BENA KATA 
Arih-arih ibas runggu eme sada ciri khas gerejanta guna mpesikap perdalanan kegeluhen gereja si bersekutu, ersaksi bagepe melayani. Cukup iperluken partisipasi kerina ngawan perpulungen muat bagin mereken masuken ntahpe ide-ide simehuli guna kiniulin gereja bagepe guna Kemulian man Dibata.

GBKP secara khusus enggo erbahan ruang man kerina ngawan perpulungen gelah ikut berpartisipasi ibas nehken peranna bagepe pendapatna arah dahin si igelari "Musyawarah Ngawan" ( Musyawarah Warga Sidi Runggun ).

Dahin enda biasana ilakoken ibas bulan Maret kenca dua kali imomoken ibas minggu sebelumna. Ibas kesempaten enda me Badan Pekerja Majelis jemaat bagepe seksi-seksi, unit-unit pelayanan, pengurus PJJ nehken laporen tahunen. Kerina laporen tentuna menjadi bahan evaluasi ras i je me kesempaten ngawan perpulungen mereken saran ras usul-usul sebagai masuken guna meningkatken kiniulin gerejanta.

PERMATA GBKP selaku salah sada komponen gerejanta tentuna iarapken kal partisipasina guna mengembangken pelayanan gerejanta alu pemikiren ras perbahanen si dem alu kreatifitas ras inovasi. Terlebih sada tantangan si mbelin man anak-anak gerejanta ibas menghadapi realitas hidup genduari enda si iperhadapken alu erbage-bage masalah sosial, pendidikan, perkembangen tekhnologi, pendahin bagepe relasi ras keluarga. Sada kesempaten man PERMATA GBKP guna nehken usul-usul, saran ntahpe pendapat si kontekstual ras relevan guna ibaba ku Musyawarah Ngawan tahun enda gelah Gerejanta pe banci nikapken pelayanen si banci menjawab tantangan-tantangan PERMATA GBKP paksa gundari enda.

II. ISI 
1 Kronika 13 : 1-14 eme ncidahken sura-sura simehuli Raja Daud si arihkenna ibas runggu ras kerina pemimpin pasuken bagepe imomokenna man kerina bangsa Israel. Sura-sura Raja Daud eme ngelegi Peti Perpadanen si la iperdiateken Saul guna ibaba ku Yerusalem. Kerina imam-imam, kalak Lewi ikut ilibatken ibas rencana enda. Pemerintahan Daud enggo mulai mapan ras aman. Yerusalem enggo jadi ibukota kerajaan, tapi Peti Perpadanen si jadi tanda "Tuhan si bertakhta idatas Kerubim", inganna i Kiryat-Yearim denga. Minimal enggo lebih 40 tahun Peti Perpadanen e ringan ije kenca irampas bangsa Filistin sangana peperangan nerang Israel ibas zaman imam Eli. Kenca si e iulihken Peti Perpadanen e man bangsa Israel ras itempatken ibas rumah Abinadab idatas uruk (1Sam.5-7:1).Daud ras kerina bangsa Israel, imam, kaiak Lewi sepakat guna maba Peti Perpadanen ku Sion. Tapi ibas prosesi ngelegi ras maba Peti Perpadanen e Raja Daud ras rombongen la ndalanken aturen-aturen sienggo itetapken Musa. Kerna aturenna banci si oge Bilangen 4:1-20. Mungkin enggo ndekahsa hukum Musa lanai ipelajari, mungkin ka pe jelma sinterem lanai erpengakap maka Peti e Badia erkiteken ibaba perukuren simeriah arah ekspresi landek-landek dingen rende-rende. Akibatna lembu simaba peti tertuk-tuk janah si Ussa berupaya alu ndadaken tanna njemak Peti e, tapi merawa Dibata man bana seh mate si Ussa. Enda sebagai peringatan man Israel si enggo mulih ibas pembuangen nari guna mbangun mulihi Bait Allah ras kerina sarana. Umat harus mengutamakan kebadian bagepe aturan Tuhan. Labo banci sembarangen ntahpe asal-asalen.

"Niat yang balk, tujuan yang mulia, tetap perlu dilakukan dengan pola dan cara yang benar dan menurut aturan yang ada. Hal ini yang sering dilupakan. Banyak orang berpikir bahwa cara tidak penting, peraturan bisa saja dilanggar, yang terutama adalah mencapai apa yang diinginkan dan berhasil sesuai yang diangankan". 

Arah nas enda banci dat kita pelajaran si penting. Kai saja pe banci siarihken ras silakoken ibas Gereja tapi perlu sijaga Kebadian Dibata.

III. PENGKENAINA 
Melala gagasan ntahpe ide-ide sibanci sibaba ibas Musyawarah ngawan, kerna keperlun / kebutuhen pelayanan PERMATA GBKP banci siusulken, tapi si penting eme unsur-unsur Kebadian ras Kemulian Dibata. Rikutken situasi ras persoalen-persoalen si lit maka PERMATA GBKP sangat iarapken peranna guna mengembangken pelayanan arah program si terintegrasi ras kerina katagorial bagepe program Runggun. Program seremonial ntahpe perayan-perayan banci imodifikasi jadi pelayanan kemanusiaan, keadilan ras pekabaran Injil si banci igejapken jelma sinterem. Iarapken PERMATA GBKP banci mereken pengaruh guna menciptakan pelayanan si kreatif ras inovatif ibas wilayah pelayanenna. Rikutken teks PA enda si jadi prinsip eme " Dahin Gereja erpalasken arih-arih ibas Runggu, janah kerina dahin tetap njaga Kebadian Dibata". Alu bage maka enggo jore. La hanya ngukurken pencapaian tapi perlu mpersiapkan cara si payo ras ilakoken rikutken aturen si lit ras kehamaten man Tuhan sebab la Badia.

IV. KEGIATEN / AKSI 
Rumusken usulen-usulen si kreatif ras inofatif guna ibaba ku Musyawarah Ngawan!

V. USULAN ENDE-ENDEN 

1. KEE No. 209:1-2 (Perpulungen Ersadalah)    - Klik Judul Lagu Untuk melihat Lirik Teks Lagu
2. KEE No. 68:1 (DahinNdu Simbelin Tuhan)   - Klik Judul Lagu Untuk melihat Lirik Teks Lagu
3. Jangan Lelah Bekerja Diladangnya Tuhan     - Klik Judul Lagu Untuk melihat Lirik Teks Lagu

Pdt. Agustinus P. Purba, S.Th, MA Ketua Umum Moderamen GBKP

Share this post