KEE 261 Kuga Kin Ndia Sura-Sura Ni Dibata

KEE No. 261 : 1 - 6 ( Kuga Kin Ndia Sura-sura Ni Dibata)

Ayat 1 :
Reff :
Kuga kin ndia sura-sura ni Dibata
Nandangi kita manusia pertibi enda
Jaga kelengilah kerina tinepaNa
‘Lah ula kita mekelesa Tuhan
Verse :
Ibas ngerabi ni ciluki k’rangen tua
‘Nggo jadi jajat piah meseng si nasana
Cimber meseng na ‘nggo ngulungi ‘nterem jelma
Turah penakit mate ka pe lit nge deba

Ayat 2 :
Reff :
Kuga kin ndia sura-sura ni Dibata
Nandangi kita manusia pertibi enda
Jaga kelengilah kerina tinepaNa
‘Lah ula kita mekelesa Tuhan
Verse :
Wari perlego pe kap enggo jadi ndekah
Senuan-senuan pe terketes nge si turah
Lit pe si turah enggo kurang si erbuah
Je reh teremna kalak lapar ras si suhsah

Ayat 3 :
Reff :
Kuga kin ndia sura-sura ni Dibata
Nandangi kita manusia pertibi enda
Jaga kelengilah kerina tinepaNa
‘Lah ula kita mekelesa Tuhan
Verse :
Adina radas kin tabahi batang kayu
Erbanca uruk pe ras deleng bagi tabu
Piah enggo sapsap kin arusna tahan-turu
Reh kenca udan minter naring’ ng’raja lau

Ayat 4 :
Reff :
Kuga kin ndia sura-sura ni Dibata
Nandangi kita manusia pertibi enda
Jaga kelengilah kerina tinepaNa
‘Lah ula kita mekelesa Tuhan
Verse :
Ibas nggasgasi ‘di la kenca kita robah
Tambah teremna rusur kalak erban ulah
Lau si maler pe kap dungna pagi kerah
Si gelgel malem genduari jadi ngisah

Ayat 5 :
Reff :
Kuga kin ndia sura-sura ni Dibata

Nandangi kita manusia pertibi enda
Jaga kelengilah kerina tinepaNa
‘Lah ula kita mekelesa Tuhan
Verse :
‘Tah ‘ban alerken rusur lau si la payo
Enggo megembur si nai nari kin meciho
Ngidah binurung pe ateta ‘nggo megogo
‘Je kalak ridi pe lanai bo pang ku layo

Ayat 6 :
Reff :
Kuga kin ndia sura-sura ni Dibata
Nandangi kita manusia pertibi enda
Jaga kelengilah kerina tinepaNa
‘Lah ula kita mekelesa Tuhan
Verse :
Perik si kabang pe ‘enggo urak beliganna
Rubia-rubia pe lit masap sinursurna
Nurung ‘bas layo pe ‘enggo kurang bilangenna
‘Di ni gasgasi tentu napnap nge jadina

Syair & Lagu : S. Tarigan, 1997