Bereken Rikut Patutna

BEREKEN RIKUTKEN PATUTNA
Bahan Bimbingen PJJ 31 Mei - 6 Juni 2026
(Konfesi GBKP BAB VII: Pemerintah)

Ogen : Matius 22: 15-22

Penungkunen kerna nggalar pajak
(Mrk 12:13-17; Luk 20:20-26)

15. Jenari lawes kalak Parisi e arih-arih guna ncubai Jesus alu penungkunen.
16. E maka raduken piga-piga kalak i bas parte Herodes nari, Kalak Parisi nuruh ajar-ajarna ndahi Yesus. Nina persuruhen e, “O, Guru, ieteh kami maka Kam kalak bujur. Kam ngajar alu terus terang kerna sura-sura Dibata nandangi manusia, alu la biar-biaren man ise pe. Sabap la erpilihen manusia man Bandu.
17. Kataken dage man kami, la kin ngelanggar Undang-undang agama Jahudi adi igalari pajak man pemerentah Roma?”
18. Tapi ieteh Jesus maka jahat ukur kalak enda e maka nina, “O kalak pekulah-kulah! Engkai maka icubaindu Aku?
19. Cidahken lebe man bangKu selambar duit!” Icidahken kalak e selambar duit man Jesus.
20. Jenari nina Jesus, “Gambar ras gelar ise kin enda?”
21. Erjabap kalak ndai, “Gambar ras gelar kepala pemerentah Roma.” Jenari nina Jesus man bana, “Adi bage, bereken man pemerentah Roma kai patut ibereken man bana, janah berekenlah man Dibata kai patut ibereken man Dibata.”
22. Megi si enda jengang kalak ndai. Jenari lawes ia nadingken Jesus.

KATA PERLEBE
John F. Kennedy pernah ngataken, "jangan tanyakan apa yang Negara ini berikan kepadamu, tapi tanyakan apa yang telah kamu berikan kepada negaramu." Kalimat enda, banci jadi refleksita kerna hubungenta ras Tuhan bage pe Negara. I bas kinata kegeluhen, lit pemahamen si berbeda kerna pemerintah ras gereja. Pemerentah ianggap sebagai dunia luar si korup ras politik si kotor si arus isirangi, sedangken gereja ianggap sebagai lembaga simpertahanken kesucianna sebagai utusen Dibata i bas doni enda. Pendapat sibage rupana labo payo, sabab sesuai ras kinitekenta, maka hubungen gereja ras pemerentah arus ipelihara alu mehuli. Duana arus kerjasama guna kepentingen masyarakat, la perlu ipisahken maka sada "la suci" sada nari "suci". Justru, gereja iutus ku bas doni enda guna mplimbarui kegeluhen si la ngena ate Tuhan.

ISI
   Matius 22:15-22, nyaksiken kerna perdebaten Jesus ras kalak Parisi kerna banci ntah lang nggalar pajak man Kaisar. Kalak Parisi ngidah bahwa Jesus nggo jadi sumber masalah ras ancamen si banci mengubah posisina sebage pemimpin umat, e maka alu erbage cara atena menyingkirken Jesus, alu cara ngajuk kalak Parisi ras piga-piga kalak I bas parte Herodes nari guna ncubai Jesus alu penungkunen "kataken dage man kami, la kin ngelanggar undang-undang agama Jahudi adi igalari pajak man pemerentah Roma?". I bas kalak Jahudi nggalar pajak man Kaisar eme sada keterpaksaan sabab i bas paksa sie lit pemahamen antara dasar-dasar keagamaan ras kewajibenna selaku jajahen, bahkan pemahamen kalak Jahudi maka erta kalak Israel eme bagin Dibata, jadi adi nggalar pajak berarti mereken sikerajangen Dibata man penjajah.
   Alu penungkunen enda, kalak Jahudi ngarap maka Jesus terjebak i bas penungkunenna. Sabab adi ijawab Jesus ula nggalar pajak, maka Jesus ituduh ngajuk rakyat ngelakoken perlawanen man penjajah Romawi ras sebalikna adi Jesus ngataken maka arus nggalar pajak, maka Jesus ianggap la berpihak man kalak Jahudi. Tapi ieteh Jesus kejahaten, kemunafiken ukur kalak Jahudi guna ncubai Jesus (ayat 18). Jesus njawab alu pemindon "Cidahken lebe man bangKu selambar duit!". Icidahken kalak e selambar duit man Jesus. Jenari nina Jesus "gambar ras gelar ise kin enda?" erjabap kalak ndai, "gambar ras gelar kepala pemerentah Roma". Gambar ras gelar e situhuna menyinggung perasaan kalak Jahudi, sabab kalak Jahudi cenderung menganggap kaisar eme dewa. E maka nina Jesus man bana "Adi bage, bereken man pemerentah Roma kai sipatut ibereken man bana, janah berekenlah man Dibata kai patut ibereken man Dibata." Jawaban Jesus enda eme sesuatu si tepat mengenai persoalan.
   Bagi Jesus, Kaisar eme perwakilen pemerintah si sah e maka pemilik mata uang berhak ngutip pajakna. Tapi sebalikna manusia eme rupa Dibata (Kej 1:26), jadi manusia arus ka sepenuhna patuh man Dibata. Ijenda Jesus erban perbedaan guna pepinter pemahamen kerna ketaaten la banci ipeseri ketaaten man Kaisar ras man Dibata, sabab kerinana lit i bas kuasa Dibata. Alu kata si deban taat man Dibata la banci ibatasi alu kai pe si lit idoni enda, bagi nina Jesus"KinirajanKu labo I bas doni enda nari asalna". Nggalar pajak man kaisar wajib ibereken tapi la banci isembah, erkiteken Tuhan ngenca si patut isembah.

PENGKENAINA
"Konfesi GBKP menyatakan dalam hal pemerintah yaitu sebagai berikut:
Kami percaya bahwa: Pemerintah adalah hamba Allah untuk menyejahterakan bangsa dan Negara (Rom 13:4-5). Dalam pemahaman itu, orang Kristen bermitra, mendoakan dan taat pada pemerintah (Yer 29:7, Mat 22:21, 1 Tim 2:1-2). Di samping itu, orang Kristen harus berdialog dan menyuarakan suara kenabian terhadap pemerintah dalam melaksanakan kewajibannya untuk menegakkan kebenaran dan keadilan (Msm 72:1-4)."
Jadi sue kata Jesus, E maka nina Jesus man bana "Adi bage, bereken man pemerentah Roma kai sipatut ibereken man bana, janah berekenlah man Dibata kai patut ibereken man Dibata", ertina bahwa pengakun ras ketaatenta man pemerintah eme wujud kinitekenta man Tuhan bahwa negara si iani kita enda eme anugerah Tuhan guna menyataken keselamatenNa. Namun adi pemerintah la erdalan i bas prinsip keselamaten ras kesejahteraan si idahiken Dibata i bas Jesus Kristus, maka gereja arus ngingetkensa.
Tema "Bereken Rikutken Patutna", pajak eme anugerah ras berkat Tuhan si arus ipergunaken sesuai ras maksud eme mensejahterakan dingen erguna man kesinambungen pembangunen. Pedauh sifat, prilaku, budaya korupsi uang rakyat guna kepentingen pribadi ras kelompok. Visi Indonesia Emas 2045 eme sada gagasen si ertujun guna njadikan Indonesia sebage Negara si erdaulat, maju, adil ras makmur i bas tahun 2045. Tujun i bas gagasen enda itargetken i bas tahun 2045, peringeten 100 tahun kemerdekaan Indonesia. Lit 4 pilar visi Indonesia Emas 2045 eme pembangunen manusia ras penguasaan ilmu pengetahuan ras teknologi, pembangunen ekonomi berkelanjutan, pemerataan pembangunan, pemantapan ketahanan nasional dan tata kelola kepemerintahan. Tujunna guna melindungi segenap bangsa Indonesia, memajuken kesejahteraan umum, mencerdasken kegeluhen bangsa, melaksanaken ketertiben doni si berdasarken kemerdekaan, perdamaian abadi ras keadilan sosial.
Alu bage kai si iimani kalak sierkiniteken selaku warga gereja man Tuhan, arus tampak labo hanya i bas persekutun- persekutun gereja, tapi teridah i bas masyarakat sebage wujud implementasi kiniteken ras ketaaten nandangi kata Dibata. Ajaren Calvin menekanken tugas kalak Kristen i bas menjalin hubungen ras pemerentah eme "menyampaikan suara kenabian dengan lemah lembut (1 Petrus 3:15). Calvin mendukung pemerintahen si demokratis, si melibatken masyarakat i bas -ndalanken keadilen ras penegaken hukum sue ras undang-undang siberlaku.

DISKUSI
1. Menurut konteks ogenta, kai si i maksudken Jesus "bereken man pemerentah Roma kai patut ibereken man bana, janah berekenlah man Dibata kai patut ibereken man Dibata"? Turikenlah!
2. Bahanlah sada tekad i bas PJJ, guna menyambut Indonesia Emas 2045 alu erban slogan ras iupload ku media sosial!

USULEN ENDE-ENDEN:
1. KEE GBKP No. 303:1-2 ( KLIK JUDUL LAGU UNTUK MELIHAT LIRIK )
2. KEE GBKP No. 201:1-2 ( KLIK JUDUL LAGU UNTUK MELIHAT LIRIK )
3. KEE GBKP No. 333:1-2 ( KLIK JUDUL LAGU UNTUK MELIHAT LIRIK )
4. KEE GBKP No. 302:1-2 ( KLIK JUDUL LAGU UNTUK MELIHAT LIRIK )

DAFTAR BACAAN
Moderamen GBKP, Buku Saku Pokok-pokok Pengakuan Iman GBKP (KONFESI), Kabanjahe: MODERAMEN, 2016

Pdt. Dwi Erfina Pepayosa br Ginting, S.Th

HP/WA: 081362052337