Dibata Ermulia I Bas TinepaNa Bahan PA Mamre 19-25 April 2026
Bahan Bimbingen PA Mamre
TANGGAL, 19 APRIL - 25 APRIL 2026
( Konfesi II : Dibata )
Ogen : Masmur 19 : 1-7
Dibata ermulia i bas tinepaNa
1. Masmur Daud.
2. Langit encidahken kemulian Dibata, awang-awang erberita kerna perbahanenNa.
3. Tep-tep wari erberita kempak wari si pagina, tep-tep berngi nuri-nuri man berngi si pagina ka.
4. La lit si ngerana ntah melasken kata, la lit sora si terbegi.
5. Tapi sorana erdengung i belang-belang doni enda, terbegi seh ku tampuk doni. Ibahan Dibata rumah i langit man ingan matawari,
6. erpagi-pagi pultak matawari desken dilaki si mbaru empo luar bas bilik nari, bali ras si mbisa erlumba alu dem keriahen.
7. Erdalan ia i bas ujung langit nari, terus ku ujungna si deban ikeparina. Kai pe la banci cebuni i bas las sinalsalna nari.
Tema : Dibata Ermulia I Bas TinepaNa
Tujun : Gelah Mamre :
1) Ngasup nuriken penandaiNa kerna Dibata
2) Selaku tinepaNa tetap mpermuliaken Dibata
Metode : Diskusi
I. KATA PENARUH
Selaku manusia biasa ras la serta, terbatas kal penandaita kerna Dibata. Banci jadi sung-sung turah nungkun-nungkun bas pusuhta, tuhu nge lit Dibata? Uga nge ndia rupaNa? Di kune lit anakta nungkun man banta Mamre: Benar kah Tuhan itu ada pak? bagaimana wajahNya dan di mana kita bisa mengenalNya? Uga nge ndia ninta jababsa ras nurikenca man bana...? Arah PA nta wari enda erlajar kita kerna tokoh Daud uga ia nandai ras mpermuliaken Dibata.
II. URAIAN TEKS
Ayat 1-2, Masmur Daud enda naksiken pengakun ras penandaiNa kerna Dibata. Nina Daud Dibata ermulia i bas tinepaNa. Arah langit, awang-awang si itepaNa teridah maka Dibata erkuasa i bas perbahanenNa. Daud ngakui maka langit ras awang-awang lit erkiteken pendahin .Dibata " pekerjaan tanganNya". Langit ras awang-awang encidahken mbelin kuasa Dibata i bas nepasa. Masmur enda jadi "ungkapan takjub" Daud kerna kemulian Dibata. Alu bage banci si angka maka leben nge Dibata petandaken diriNa man manusia labo leben manusia nandai Dibata. Arah tinepaNa Dibata petandaken diriNa, arah tinepaNa banci i idah dingen i akui ras tek manusia lit si Mada Kuasa e me si nepa si nasa lit.
Ayat 3-5a, Wari ras berngi nuriken perdalanen (siklus) waktu. Pergantin wari ku berngi, berngi ku pagi ka bage seterusna teptep wari. Tole enda pe jadi bukti maka Dibata erdahin mereken wari-wari kempak tinepaNa. E maka nina Daud "Teptep wari erberita kempak wari si pagina, teptep berngi nuri-nuri man berngi si pagina ka". Pergantin wari-wari labo lit si ngerana ntah mbelasken kata, ertina la lit ipebetehken lebe,la lit imomoken lebe ntah pe la lit bagi sora.
"lonceng sekolah" si mereken tanda masuk ras pulang sekolah. Tapi iit lalap pergantin wari-wari e itandai alu litna sore erdengung i belang-belang doni enda e me sora "aktifitas kerina Si lit doni enda subuk suari bage pe berngi
Ayat 5b-7, Matawan ibahan Dibata rumahna i langit. pultak erpagi-pagi, erdalan i bas ujung langit nari terus ku ujung si deban ikeparina, las sinalsalna nari., deban ikeparina, la banci cebuni i bas las sinalsalna nari. Matawari selaku tinepa Dibata nuriken perbahanen Dibata si mereken keriahen. I andingken desken dilaki si mbaru empo luar bas bilik nari, bali ras si mbisa erlumba alu dem keriahen. Matawari mbincar erpagi-pagi mereken sinalsalna, sinalsalna e mereken terang man doni. Matawari mbincar erpagi-pagi erbage-bage makluk i doni menaken pendahin ras aktifitasna. Sinalsalna nampati turah sinuan-sinuan, si e kerina mereken keriahen man manusia. Enda pe jadi bukti si teridah maka Dibata erdahin mereken keriahen ras kiniulin man tinepaNa.
PENGKENAINA
Arah PA Mamre wari enda nggo tangkas man banta, maka Dibata nge lebe petandaken diriNa man manusia arah tinepaNa. Manusia banci nandai Dibata alu ngidah kerina tinepaNa dingen nggejabken perbahanen "Fungsi" tinepa-Na e bas kegeluhenta. Gia la si idah rupa Dibata alu matata jine la si eteh kerna "fisik" Dibata tapi banci sigejabken maka la lit dingen erkuasa si mahanca kita tek lit Dibata si Mada Kuasa. Banci iumpamaken bagi angin si la idah tempasNa tapi si gejab ia lit i bas rembus ngkenai kita, si gejabken "segar", bergeh. Kita pe bagi Daud "takjub" nandangi kuasa Dibata.
Sendalanen ras kai si iakui gerejata: GBKP mengaku kepada Allah yang dijabarkan dalam Pengakuan Iman GBKP Bab II bahwa Allah adalah yang awal dan yang akhir. Pengakuan ini berangkat dan berakar dari pernyataan diri Allah dalam Alkitab baik perjanjian lama maupun perjanjian baru. Manusia dapat mengenal Dia hanya bila dia membuka selubung diriNya, yakni bila Dia sendiri yang memperkenalkan diri kepada manusia. Allah adalah Esa, hal ini menggemakan kembali pesan Alkitab sebagaimana tertulis dalam Ulangan 6 : 4 " Dengarlah Israel, Tuhan itu Allah kita, Tuhan itu Esa" dan Keluaran 20 : 2-3 "Akulah Tuhan Allahmu yang membawa engkau keluar dari tanah Mesir, dari tempat perbudakan. Jangan ada padamu Allah lain di hadapan-Ku". Keesaan. Allah di nyatakan pula dalam tiga pribadi yang di sebut Tri Tunggal ( Trinitas ).
Daud arah ende-endenna nuriken "Dibata ermulia arah tinepaNa". Kita pe selaku Mamre banci nuriken ras naksiken penandaita kerna Dibata. Arah kai si idah ras si igejabken pendahin Dibata i bas geluhta si teptep wari. Banci arah kecibal alam, kejadin alarn, kecibal geluh (sehat ras sakit), penampat Dibata, pendahin, ras si debanna. Enda jemba kita tole guna mpermuliaken Tuhan. Reh paguhna kinitekenta dingen tetap Dibata saja i sembah ras si pelebeken bas geluhta, ermulia Dibata arah geluhta.
DISKUSI
1. Arah kai saja Daud ngidah ras nandai Dibata rikutken teks PA ta wari enda ?
2. Turiken kesaksinndu si mahanca kam tuhu-tuhu tek lit Dibata ? ras kai atendu si ilakokenndu guna mpermuliaken Ia ?
USULEN ENDE-ENDEN :
1) KEE GBKP No 395 : 1-2 ( KLIK JUDUL UNTUK MELIHAT LIRIK LAGU )
2) KEE GBKP No 263 : 1-2 ( KLIK JUDUL UNTUK MELIHAT LIRIK LAGU )
3) KEE GBKP No 399 : 1-2 ( KLIK JUDUL UNTUK MELIHAT LIRIK LAGU )
4) KEE GBKP No 450 : 1 ( Persembahen ) ( KLIK JUDUL UNTUK MELIHAT LIRIK LAGU )
0 Response to "Dibata Ermulia I Bas TinepaNa Bahan PA Mamre 19-25 April 2026"
Post a Comment