Korupsi - Bahan PA Mamre 6 - 12 Oktober 2019

Bahan Bimbingen PA Mamre 6 - 12 Oktober 2019

Korupsi

Ogen : Amos 4:1-3; Lukas 3:10-12.

Amos 4:1-3
1. Begikenlah kata enda, o diberu-diberu si ringan i Samaria, si bali burna ras lembu Basan, kam si merjaki dingen nindih kalak si la ergegeh janah musil, si la erngadi-ngadi mindo man perbulangenndu gelah tetap isikapkenna bandu inemen keras.
2. Nginget kebadianNa, TUHAN si Erdolat enggo ersumpah, “Reh me warina i ja irintak-rintak kalak kam alu kawil; kerina kam la banci lang bali ras nurung i bas kawil.
3. Kam isarenken ku lubang si ndeherna i bas tembok kuta, jenari ibenterken ndarat.”

Lukas 3:10-12.
10. Nungkun kalak e man bana nina, “Kai dage si arus ibahan kami?”
11. Erjabap si Johanes, “Ise lit dua bajuna, arus iberekenna sada man kalak si la lit bajuna, bage pe ise si lit nakanna, arus ibagikenna.”

12. Reh pe ku je kalak pengalo cuke, atena gelah iperidiken, jenari nungkun ia man Johanes nina, “O guru, kai arus ibahan kami?”

Tema : Korupsi.

Tujun : Gelah Mamre

Meteh maka korupsi e me perbahanen si la ngena ate Tuhan
La ngelakoken korupsi i bas pendahin si iampeiken man bana

Metode : Diskusi

KATA PENARUH
Korupsi enggo terbukti maba kiniladilen, ketimpangen ras keterbelakangen. Korupsi erbanca bangsa enggo ndauhi bas kemakmuran nari. Em sababna korupsi jadi musuh bersama. Ngelawan korupsi labo hanya karena korupsi merugiken keuangan Negara, tapi pe korupsi merupaken kejahaten nandangi kemanusiaan ras terbukti enggo erbahanca warga doni enda reh musilna. "Bage me sada bagin kutipan pidato Presiden Joko Widodo i bas puncak acara Peringeten Hari Anti Korupsi Internasional bas tanggal 10 Desember 2015. (Setkab: Sekretariat Kabinet Keperesidenan, 2015)

Arah keterangan enda mbuktiken banta maka pemerentah mereken perhatin khusus nandangi pemberantasen korupsi i Indonesia. Korupsi enggo jadi "life style" nandangi para penguasa ras pejabat. Janah em sababna maka tanggal 29 Desember 2003, pemerintah mbentuk Komisi Pemberantasen Korupsi (KPK) sabab korupsi Indonesia enggo seh ku taraf kejahaten luar biasa (extra ordinary crime).

Kai kin Korupsi?

Istilah korupsi cakap Latin corruptioen tah pe corruptus, bahasa Inggris: corruption, corrupt; Belanda: korruptie, bahasa Indonesia korupsi. Korupsi e me perbahanen si ilakoken se sekalak ntah kelompok si memiliki posisi ras wewenang tertentu si secara sengaja datken keuntungen pribadi ntah kelompok. Iklasifikasiken selaku tindaken ngelawan hukum ras perundang-undangen siberlaku, ras ngerugiken erbage pihak i bas masyarakat. Kajian engkai maka terjadi korupsi ras uga cara ngatasisa enggo mbue ilakoken para para pakar.

Bentuk-bentuk korupsi si bersifat universal antara lain, (1) Penyalahgunaan wewenang ( misappropriation ) i bas erbage lapisan birokrasi, (2) Pemerasen , ( extortion ), pelaku memeras korban arah erbage alasan ras motivasi, alu nggunaken cara-cara illegal, (3) Penyuapen ( bribery ) alu cara pengurangen pajak dan pemerasen guna nietnperlancar urusan-urusan para pihak berkepentingen, (4) Korupsi alu nilai si kitik ( petty corruption ) ras mbelin ( grand corruption ). Dua bentuk korupsi enda ilakoken pihak-pihak si terlibat i bas wewenang ras tanggungjabab, (5) Penggelapen ( embezzlement ) alu cara penggelapen entah pe muat duit / errta / dokumen si la bo milik pelaku guna untuk kepentingen pribadi / kelompok, (6) Perlindungan ( patronage ), peran relasi "patron-klien" lako menghindari ukumen, ndatken jabatan, posisi ras pendahin si irekrut erpalasken prinsip meritokrasi ( penghargaan / capaian), tapi ilakoken i atas garis agama, suku, pertemanen, dan seterusna.

Kondisi Korupsi i Indonesia
Tahun 2015 lembaga Transparency International ( TI ) merilis data Corruption Perception Index ( CPI ) i bas 168 negara sienggo isurvei asilna: Negara peringkat teratas berturut-turut e me Denmark, Finlandia, Swedia, Selandia Baru, Belanda ras Norwegia. Sedangken Negara peringkat terbawah e me: Sudan, Afganistan, Somalia dan Korea Utara. Indonesia peringkatke 88 dari 168 negara dengan skor CPI 36. Skor enda meningkat dua point i bas tahun 2014 peringkat ke 107. Tahun sebelumna ( 2014 ) CPI Indonesia i bas posisi 117 dari 175 negara dengan skor 34. ( Matias Daven, Jurnal Ladalero 2016 ). Selaku tambahen, data korupsi si iluncurkan Indonesia Corruption Watch (ICW) tahun 2016, encidahken maka kinerja penyelidiken aparat penegak hukum i dat 482 kasus korupsi si itangani alu jumlah tersangka 1.101 kalak ras kerugin Negara Rp. 1,47 trilyun ras nilai suap sebesar Rp. 31 Milyar. Sedangken pada semester I tahun 2017 tercatat 266 kasus si itangani alu jumlah kerugin Negara Rp. 1,83 trilyun. Data enda encidahken maka Indonesia Negara si sangat korup padahal Indonesia itandai selaku Negara si sangat religius. Enda fakta simemprihatinken ras harus lit solusina.

URAIAN TEKS / TAFSIREN
I bas Padan Si Ndekah, Nabi Amos ngidah perilaku korupsi arah para penguasa ras kemberahen simabuk nandangi kemewahen alu cara memeras rakyat simusil, si seharusna min dilindungi. Para penguasa si mabuk kemewahenen dai gelar i nabi Amos ibarat sebage lembu-lembu Basan, Si merjaki dingen nindih kalak si la ergegeh janah musil, si la erngadi-ngadi mindo man perbulangenndu gelah tetap i sikapkenna bandu inemen keras (Amos 4:1). Akibat perilaku si bagenda rupana, Dibata si erdolat mereken ukumen ras ersumpah, maka reh me warina i ja irintak-rintak kalak kam alu kawil; kerina kam la banci lang bali ras nurung i bas kawil. Alu kata si deban pelaku korupsi e la banci lang iukum ras ndatken sangsi. (ayat2). Kata isarenken kulubang sindeherna i bas tembok kuta, jenari ibenterken ndarat. ljenda maksudna, maksudna maka pelaku korupsi arus ibaba ndarat tembok kuta, masuk ku tembok si deban ("penjara") entah pe hukumen si mberat si debanna. (ayat 3). I bas Padan Si Mbaru, i bas Lukas 3:10-14, reh pe ngalo cukai ras piga-piga tentera nungkun man Johanes kerna syarat gelah banci iperidiken ras kai ngendia aru sibahanna ? ljabab Johanes alu nehken piga-piga pesan moral : man pengalo cuke ikatakenna "ula pindo buen asa si enggo i tentuken" (ulakorupsi); " ise lit dua bajuna, arus ibereken man kalak si lalit bajuna" (hidup arus berbagi); man tentera ikatakenna "ula ngerampas ntah ngataken salah man si la ersalah, Janah pe bias-biaslah gajindu' ntah pe hidup hemat (Luk. 3:10-14).

APLIKASI
Mamre arus jadi sekalak Nabi si pang nehken suara kenabian i bas ngelawan korupsi. Para nabi ras Rasul i bas Pustaka Si Badia teridah maka pang ia nehken pembelaan man rakyat musil erkiteken Dibata iakapna nuruh ia, la iakapna payo pendalanken penguasa ras pengusaha si memeras rakyat, la ia sinik tapi berbuat alu nehken tegoren ras sora pusuh ( kenabian ).

Mamre selaku sekalak si erkiniteken tentuna iarapken ndahiken pendahinna i bas palas erkemalangen man Dibata. Kerina keadaan kegeluhenta tetap nge iperdiateken Tuhan dingen isikapkenNa kap kasa kai kebutuhen kegeluhenta. Alu bage, ola min lit kearun ate kerna keadaan kegeluhenta sebab i bas ketutusennta ndahiken pendahinta e isikapken Dibata nge ulih pendahinta selaku pasu-pasuNa. Bage pe iarapken Mamre membudayaken budaya mela korupsi sebab kalak si tersangkut persoalen korupsi kedungenna ngaruhna pe ngkenai kerina isi jabu. Kerina jadi mela dingen ikut maba beratna. Mekuah lah ateta isi jabu nta dikune sie kerina silakoken.

DISKUSI

I bas Pustaka si Badia ituriken maka para Nabi ras Rasul pang encidahken sora kenabian ( kebenaren ) kerna korupsi, engkai maka ia pang? Turiken?
Kai si perlu ibahan Mamre Runggunta dalam bentuk program guna meminimalisasiken( ngkurangi ) perlakuan korupsi? Suratken piga-piga sipenting.

USULAN ENDE-ENDEN