Kebaktian GBKP Minggu 20 Oktober 2019

Kebaktian GBKP KM 8 - Minggu, 20 Oktober 2019

( MINGGU XVII KENCA TRINITATIS/MORIA )

BAHAN KHOTBAH :
Invocatio : Kuan - Kuanen 31 : 28

28. Kerina anakna ngataken bujur man bana, dingen perbulangenna pe mujiken ia.

Ogen : Rut 2 : 1 – 3 (Tunggal)

Rut erdahin i juma Boas
1. Lit sekalak kade-kade Naomi, si Boas gelarna. Ia senina Elimelek ndube. Ia kalak bayak janah mehangke kalak kerina man bana.

2. I bas sada wari nina Rut man bibina Naomi, “O bibi, laweslah aku lebe ku juma mumahi ruhi gandum si tading ibahan kalak si rani. Ugapa pe lit nge kari aku jumpa kalak si nggit ngaloken aku erdahin ras ia.”
“Bage-bage, anakku,” nina Naomi.
3. E maka berkat Rut ku juma. Iikut-ikutna kalak si rani. Ipumahina ruhi gandum si tading ibahan kalak rani. Alu la isangka-sangka, rembang kepe ia erdahin i bas juma Boas.

Khotbah : Roma 16 : 1 – 5a ( Tunggal )

Salam i bas Paulus nari
1. Ateku mpetandaken turangta Pebe man bandu. Ia sekalak diaken i bas perpulungen si lit i Kenkerea.
2. Alokenlah ia i bas gelar Tuhan, bagi arusna ibahan anak-anak Dibata. Sampatilah ia i bas kai pe si iperlukenna i bas kam nari; sabap ia jine enggo nterem kalak isampatina janah aku pe enggo isampatina.
3. Mejuah-juah man Persila ras perbulangenna Akuila, temanku sada dahin i bas dahin Kristus Jesus.
4. Si la mbiar ngasamken kesahna man gunangku. Mbue bujur kukataken man bana, labo aku saja ngataken bujur man bana, tapi pe kerina perpulungen-perpulungen kalak si labo Jahudi.