Kebaktian GBKP Minggu, 14 Juli 2019

Kebaktian GBKP KM 8 - Minggu, 23 Juni 2019

( IV KENCA TRINITATIS / PENDIDIKEN )

BAHAN KHOTBAH :
Invocatio : Masmur 78 : 1b

O bangsangku begikenlah ajarku,
begiken min cakapku.

Ogen : 2 Timotius 3 : 12 – 17 ( Tunggal )

12. Kalak si nggit nggeluh rikutken si ngena ate Dibata i bas persadan ras Kristus Jesus, la banci la ngenanami kiniseran.
13. Kalak jahat ras penipu reh dekahna reh jahatna; itipuna kalak janah ia pe kena tipu.
14. Tapi kam, tetaplah ndalanken kebenaren si rehna i bas Dibata nari si enggo iajarken man bandu dingen enggo tuhu-tuhu kam tek. Ietehndu kap ise nai si ngajari kam.
15. Janah ingetndu pe maka kitik-kitikndu nari enggo ietehndu kerna Pustaka Si Badia, si ngasup mereken kepentaren man bandu, e me si mabai kam ku keselamaten arah kiniteken man Kristus Jesus.
16. Kerina si tersurat i bas Pustaka Si Badia rehna i bas Dibata nari janah erguna i bas ngajari kalak kerna si ngena ate Dibata, mandang si lepak, pekena si salah dingen erguna i bas mereken pedah-pedah gelah nggeluh alu mehuli. 

17. Gelah kalak si nehken sura-sura Dibata cukup saratna ras ilengkapi guna erbahan kerina perbahanen si mehuli.

Khotbah : 2 Kronika 17 : 1 – 9 ( Tunggal )

Josapat jadi raja
1. Josapat jadi raja nggantiken bapana Asa, e maka ipegegehina bana guna ngelawan Israel.
2. Itamakenna tenterana i bas kuta-kuta Juda si lit bentengna, i bas kuta-kuta Juda ras i bas kuta-kuta daerah Eperaim si italuken bapana Asa.
3. Ipasu-pasu TUHAN ia, erkiteken iikutkenna si mehuli si ibahan bapana, janah la ia nembah man Baal.
4. Isembahna Dibata bapana, ipatuhina perentah Dibata, janah la ilakokenna bagi perbahanen raja-raja Israel.
5. Nteguh ibahan Dibata kuasa Josapat i Juda, janah kerina kalak mereken persembahen man bana, e maka bayak dingen ihamati kal ia.
6. Megah kal akapna i bas ia nembah man TUHAN, janah irontaskenna ingan nembah berhala ras gana-gana Dewi Asera si lit i Juda.
7. I bas tahun peteluken ia jadi raja isuruhna piga-piga pegawaina ngajar i kuta-kuta Juda, e me: Benhail, Obaja, Sakaria, Natanael ras Mikaya.
8. Ikut ras kalak enda siwah kalak Lewi dingen dua kalak imam. Kalak Lewi si siwah kalak e, e me: Semaya, Netania, Sebadia, Asahel, Semiramot, Jonatan, Adonia, Tobia ras Tobadonia. Imam si dua kalak e, e me: Elisama ras Jehoram. 

9. Ibaba kalak enda kitap Undang-undang TUHAN jenari lawes ia ku kerina kuta-kuta i Juda, ngajarken Undang-undang e man jelma si nterem.

Tema : ”Tetap Erlajar Dingen Ngajar ”

ENDE-ENDEN

1. KEE 339 : 1-3  ( KLIK JUDUL KEE UNTUK MELIHAT LIRIK LAGU )
2. KEE 249 : 1-3  ( KLIK JUDUL KEE UNTUK MELIHAT LIRIK LAGU )
3. KEE 374 : 1-2  ( KLIK JUDUL KEE UNTUK MELIHAT LIRIK LAGU )
4. KEE 323 : 1-2  ( KLIK JUDUL KEE UNTUK MELIHAT LIRIK LAGU )
5. KEE 430 : 1,2  ( KLIK JUDUL KEE UNTUK MELIHAT LIRIK LAGU )
6. KEE 350 : 1,2  ( KLIK JUDUL KEE UNTUK MELIHAT LIRIK LAGU )
7. KEE 451 : 1- (Kolekte)

Share this post