Kebaktian GBKP Minggu, 19 Mei 2019

Kebaktian GBKP KM 8 - MINGGU, 19 MEI 2019

(KANTATE : RENDELAH)

BAHAN KHOTBAH
Invocatio : Masmur 98 : 1

1.Endekenlah ende-enden si mbaru man TUHAN,
sabap perbahanenNa si mejin.

Ogen : Esra 6 : 13 – 18 ( Tunggal )

Rumah Pertoton ibengket
13.Kenca bage gubernur Tattenai, Setar Bosenai, ras teman-temanna pegawai si deban, nehken perentah Raja Darius, sitik pe la nimpang.
14. E maka peminpin-peminpin Jahudi nerusken pembangunen Rumah Pertoton e, si erdalan alu mehuli alu penjemba-jemba Nabi Hagai ras Sakaria. Idungina Rumah Pertoton e sue ras si enggo iperentahken Dibata Israel ras si iperentahken Kores, Darius, ras Artasasta, raja Persia.
15. Rumah Pertoton e enggo dung i bas wari si peteluken bulan Adar, i bas tahun peenemken pemerentahen Raja Darius.
16. Kenca bage bangsa Israel, imam-imam, kalak Lewi, ras kerina kalak si deban, si enggo mulih i pembuangen nari alu ukur meriah mengket Rumah Pertoton e.
17. Guna kerja mengket Rumah Pertoton e ipersembahkenna seratus jenggi lembu, dua ratus biri-biri, ras empat ratus anak biri-biri jadi persembahen gelehen, ras sepuluh dua kambing jadi persembahen pengalemi dosa, sada guna tiap suku Israel.
18. Tambah si e iaturkenna pe imam-imam ras kalak Lewi guna ndahiken dahin-dahin i bas Rumah Pertoton i Jerusalem, sue ras pedah-pedah si isuratken i bas kitap Musa.

Khotbah : Epesus 5 : 18 – 20 ( Tunggal )

18. Ola kam mabuk ibahan anggur, sabap si e encedaken man bandu. Tapi idemi Kesah Dibata min kam.
19. Ercakap-cakaplah kam sapih-sapih kam alu make masmur, ende-enden pujin dingen ende-enden pertendin. Endekenlah ende-enden ras masmur man Tuhan alu ukur dem ngataken bujur.
20. Katawari pe katakenlah bujur man Dibata Bapa subuk kerna kai pe, i bas gelar Tuhanta Jesus Kristus.

Tema : ”Endkenlah Enden – Enden Petendin”

ENDE-ENDEN