Kebaktian Minggu 10 November 2019

Kebaktian GBKP KM 8 - Minggu, 10 November 2019

( MINGGU XXI KENCA TRINITATIS / MINGGU KESEHATAN )

BAHAN KHOTBAH :
Invocatio : Perbahanen Rasul-Rasul 27 : 34

34. E maka kukataken man bandu maka man lah kam lebe. Si enda perlu guna kesehatenndu. Labo selambar pe buk takalndu bene.”

Ogen : Kejadin 1 : 29-31

29. Kubereken man panganndu kasa kai sinuan-sinuan si erbuah i babo doni enda ras kerina batang kayu si erbuah si lit sinuanna i bas buahna.
30. Tapi man kerina rubia-rubia i daraten ras man perik-perik i awang-awang, Kubereken dukut-dukut si meratah ras sinuan-sinuan si erbulung man panganna.” E maka jadi me bage.

31. Kenca bage itatap Dibata, janah idahNa maka kerina si enggo ijadikenNa tuhu-tuhu mehuli. E maka ben wari, jenari siang ka -- e me kap wari si peenemken.

Khotbah : Filipi 4 : 6-8

6. Ola aru atendu kerna kai pe, tapi i bas kerina pertotonndu, pindolah man Dibata kai si iperlukenndu, janah pindolah rusur man baNa alu pusuh si dem pengataken bujur.
7. Kemalemen ate si rehna i bas Dibata nari, si la terukuri manusia, ngarak-ngarak pusuh ras ukurndu erkiteken persadanndu ras Kristus Jesus.