Kebaktian GBKP Minggu 6 Oktober 2019

Kebaktian GBKP KM 8 - Minggu, 6 Oktober 2019

( XVI KENCA TRINITATIS / NOTOKEN SERAYAN TUHAN II )

BAHAN KHOTBAH :
Invocatio : Keluaren 36 : 2

2. Kenca bage idilo Musa Besalel, Oholiap, ras kerina kalak si beluh si enggo ibereken TUHAN kengasupen ras si nggit nampati, jenari isuruh Musa ia kerina menaken dahin e.

Ogen : Jeremia 40 : 1 – 6 ( Tunggal )

Jeremia tading ras Gedalya
1. Kata TUHAN seh man bangku kenca Nebusaradan puanglima tentera e enggo mbebasken aku i Rama. Aku ibaba ku jah teriket radu ras kalak Jerusalem ras Juda si sangana iangkut tertaban ku Babilon.
2. Ikusikken puanglima tentera e man bangku nina, “TUHAN Dibatandu enggo ngancam negeri enda alu cilaka.
3. Genduari enggo ilakokenNa kai si ikatakenNa, kerina si enda jadi erkiteken bangsandu erdosa kempak TUHAN janah la erkemalangen man bana.
4. Genduari kutangtangi me gari si lit i bas pergelangen tanndu kubebasken me kam. Adi atendu ikut ras aku ku Babilon, banci aku si pekena-kena kam. Tapi adi atendu la ikut, kam metehsa. Kam milihsa inganndu i belang-belang negeri enda; bebas kam ku ja atendu.”
5. Perbahan la aku ngaloi e maka nina Nebusaradan, “To dage dahi mulihken si Gedalya anak Ahikam kempu si Sapan, si iangkat raja Babilon jadi gubernur Juda. Banci kam tading rassa nggeluh i tengah-tengah bangsa e, tah pe banci kam lawes ku ja atendu lawes.” Kenca bage iberekenna pemerena man bangku, rikut ras pangan, jenari ipeberkatna aku.

6. Lawes aku tading ras Gedalya i Mispa janah nggeluh i tengah-tengah bangsa e si tading denga i bas negeri e.

Khotbah : 2 Korinti 8 : 22 – 24 ( Tunggal )

22. Bage pe isuruh kami sekalak nari seninanta ikut ras kalak e duana. Enggo megati ia iuji kami alu erbage-bage cara, janah teridah maka tetap ergiah-giah ukurna. Janah genduari reh ergiah-giahna ia perbahan bage belinna kinitekenna kerna kam.
23. Adi kerna Titus, ia kap temanku sada dahin kal guna kam. Adi senina-senina si dua kalak nari e, ia me utusen perpulungen-perpulungen si jadi kemulian Kristus.
24. Cidahkenlah keleng atendu man kalak enda, gelah arah ia kerina perpulungen-perpulungen meteh kerna kekelengenndu e. Alu bage kai si ipujiken kami kerna kam teridah maka tuhu kap.

Tema : ”Cidahkenlah Keleng Ate Man Serayan Tuhan”

ENDE-ENDEN