Kebaktian GBKP Minggu, 8 September 2019

Kebaktian GBKP KM 8 - Minggu, 8 September 2019

(  XI IKENCA TRINITATIS ) / PENINGKATAN EKONOMI JEMAAT )

BAHAN KHOTBAH :
Invocatio : Kuan-kuanen 10 : 22

22. Erkiteken pasu-pasu Dibata nge maka kalak jadi bayak,
erdahin erbintuas labo nambahi kebayaken.

Ogen : Jeremia 17 : 5 - 13 (Responsoria)

Erbage-bage perkatan
5. Nina TUHAN,
“Kalak si nundalken Aku,
kalak si erpengarapen man jelma,
kalak si ernalem man gegehna
Kuukum kerina.
6. Ia desken kayu kitik-kitik i gurun pasir,
turah i taneh mesawang si kerah, i babo taneh sira,
ise pe la lit tading i je, kai pe la turah.
La lit kai pe si mehuli jadi man bana.
7. Tapi kalak si ernalem man bangKu,
Kupasu-pasu kap ia.
8. Ia bali ras batang kayu si turah deher lau maler,
uratna njoler seh kempak lau.
La aru atena tupung paksa perlego,
erkiteken bulungna tetap meratah.
La aru atena tupung paksa perlego,
lalap meramis buahna.
9. Ise ngasup ngantusisa pusuh manusia?
La lit si deban bali ras pusuh manusia penipuna;
mekeleksa guna ipepalem.
10. Aku kap TUHAN, si mperdiateken perukuren manusia,
si nguji pusuh manusia
si ersimulih kempak kalak rikutken lagu langkahna,
sue ras kai si ibahanna.”
11. Kalak si ndatken untung alu la bujur
bali kap ras perik si ngkeremken naruh temanna.
I bas pertengahen umur geluhna bene me kebayakenna,
i bas pengkeri-kerin geluhna teridah maka kalak lenge kepe ia.
12. Rumah Pertotonta bali kap ras mahkota si mulia,
bena-benana nari kin enggo pajek i datas ancuk-ancuk deleng.
13. O TUHAN, Kam kap pengarapen Israel,
kalak si nadingken Kam mela kap iakapna.
Lesap me ia,
desken gelar si isuratken i bas taneh,
sabap itadingkenna Kam TUHAN,
sumbul si nggeluh.

Khotbah : Efesus 4 : 25 - 32 ( Tunggal )

25. Olanai erbual! Kerina arus nuriken si tuhu-tuhu man seninana, sabap kerina kita ringring i bas sada kula. 
26. Adi merawa kam, ola seh erdosa. Janah ola simpan rawandu seh ben wari. 
27. Ola bere kesempaten man si Iblis.
28. Kalak si nangko gelgel nari, olanai ia nangko. Erdahinlah ia alu mehuli guna ncariken keperlunna, janah gelah lit i bas ia guna nampati kalak si i bas kepiceten.
29. Adi kam ngerana ola sitik pe belasken cakap si la erturi-turin. Tapi kata-kata si ergunalah belasken, si banci nampati kalak si deban rikutken perluna, gelah kata-katandu e maba kiniulin man si megisa.
30. Ola ceda ate Kesah Dibata ibahanndu, sabap Kesah e kap capna maka kam sikerajangen Dibata. Kesah e jaminen maka reh me warina Dibata ndungi dahinNa mulahi kam.
31. Tadingken cian ate, perampus ras pernembeh. Olanai kam si isak-isaken ntah si cekurak-cekuraken. Olanai sitik pe erelem-elem. 

32. Tapi melias dingen mesayanglah sapih-sapih kam. Si alem-alemenlah bagi Dibata enggo ngalemi kam i bas Kristus.

Tema : "Erdahinlah Alu Mehuli"

ENDE-ENDEN

1. KEE 217 : 1- 2  ( KLIK JUDUL KEE UNTUK MELIHAT LIRIK )
2. KEE 451 : 1, 3  ( KLIK JUDUL KEE UNTUK MELIHAT LIRIK )
3. KEE 368 : 1, 3  ( KLIK JUDUL KEE UNTUK MELIHAT LIRIK )
4. KEE 376 : 2- 3  ( KLIK JUDUL KEE UNTUK MELIHAT LIRIK )
5. KEE 282 : 1, 3  ( KLIK JUDUL KEE UNTUK MELIHAT LIRIK )
6. KEE 199 : 1- ( Persembahen )  ( KLIK JUDUL KEE UNTUK MELIHAT LIRIK )
7. KEE 212 : 1, 4, 5 ( KLIK JUDUL KEE UNTUK MELIHAT LIRIK )

Mohon Bantuan Subscribe dan Like Youtube Channel GBKP KM 8. Bujur

Share this post